എംഎൽഎയെ മണിക്കൂറുകളോളം ചോദ്യംചെയ്ത ഇഡിയെ ശാസിച്ച ജസ്റ്റീസ് മഹാബീർ സിംഗ് സിന്ധു, ഇഡി ഉദ്യോഗസ്ഥരെ ബോധവത്കരിക്കേണ്ടതുണ്ടെന്നും സംശയിക്കുന്നവരെ ചോദ്യം ചെയ്യുന്നതിന് ന്യായമായ ചില സമയപരിധികൾ പാലിക്കണമെന്നും ആവശ്യപ്പെട്ടു.
കോൺഗ്രസ് എംഎൽഎയുടെ അറസ്റ്റ് കോടതി തടയുകയും ചെയ്തു. കുറ്റാരോപിതനായ സുരേന്ദർ പാൻവാർ ജൂലൈ 19ന് രാവിലെ 11നാണ് ഗുരുഗ്രാമിലെ ഇഡിയുടെ സോണൽ ഓഫീസിൽ ഹാജരായത്. തുടർന്ന് പിറ്റേദിവസം പുലർച്ചെ 1.40 വരെയാണ് ഇദ്ദേഹത്തെ ഇഡി ചോദ്യം ചെയ്തത്.