നടന്റെ മുൻകൂർ ജാമ്യാപേക്ഷയ്ക്കെതിരേ ഇന്നലെയും സുപ്രീംകോടതിയിൽ തടസ ഹർജി ഫയൽ ചെയ്തിട്ടുണ്ട്. അഭിഭാഷകൻ അജീഷ് കളത്തിലാണ് തടസ ഹർജിയുമായി സുപ്രീംകോടതിയെ സമീപിച്ചത്.
നേരത്തേ സർക്കാരും അതിജീവിതയും കോടതിയിൽ തടസഹർജി സമർപ്പിച്ചിരുന്നു. അതേസമയം, സിദ്ദിഖിന്റെ മുൻകൂർ ജാമ്യം തിങ്കളഴ്ച പരിഗണിക്കണമെന്ന ആവശ്യവുമായി അദ്ദേഹത്തിന്റെ അഭിഭാഷകസംഘം സുപ്രീംകോടതി രജിസ്ട്രിയെ സമീപിച്ചിട്ടുണ്ട്. എന്നാൽ കേസ് എന്ന്, ഏതു ബെഞ്ച് പരിഗണിക്കണമെന്നുള്ള കാര്യത്തിൽ ചീഫ് ജസ്റ്റീസ് ഡി.വൈ. ചന്ദ്രചൂഡായിരിക്കും തീരുമാനമെടുക്കുക.