തന്റെ അച്ഛൻ മരിച്ചപ്പോൾ കോണ്ഗ്രസിന്റെ ത്രിവർണപതാകയിലാണു പുതപ്പിച്ചതെന്നും അതുപോലെ താൻ മരിക്കുന്പോഴും ഇതേ പതാകയിലായിരിക്കും പുതപ്പിക്കുകയെന്നും സെൽജ പ്രതികരിച്ചു.
നിയമസഭാ തെരഞ്ഞെടുപ്പിൽ മത്സരിക്കാൻ ആഗ്രഹിച്ചിരുന്നെന്നും എന്നാൽ അവസരം ലഭിക്കാത്തതിനാൽ തന്റെ രാഷ്ട്രീയജീവിതം അവസാനിക്കുന്നില്ലെന്നും സെൽജ പറഞ്ഞു. അടുത്ത ദിവസം പ്രചാരണവേദികളിൽ താൻ സജീവമാകുമെന്നും സെൽജ കൂട്ടിച്ചേർത്തു.
അതേസമയം, സെൽജ ഇന്നുമുതൽ ഹരിയാനയിലെ പ്രചാരണവേദികളിൽ സജീവമാകുമെന്ന് കോൺഗ്രസ് നേതാക്കൾ സൂചന നൽകി. എന്നാൽ, മുൻ മുഖ്യമന്ത്രി ഭൂപീന്ദർസിംഗ് ഹൂഡ, മകൻ ദീപേന്ദർ ഹൂഡ എന്നിവർക്കൊപ്പം സെൽജ വേദി പങ്കിടുമോയെന്ന കാര്യത്തിൽ തീർച്ചയില്ല.