ഗ്രീന്‍ നേച്ചര്‍ അവാര്‍ഡിന് അപേക്ഷ ക്ഷണിച്ചു
Friday, November 29, 2024 2:58 AM IST
ഇരിങ്ങാലക്കുട: പരിസ്ഥിതിബോധവത്കരണത്തിനും സംരക്ഷണത്തിനും കരുതലിനും സുസ്ഥിര വികസനത്തിനും സമഗ്ര സംഭാവന നല്‍കുന്ന സംസ്ഥാനത്തെ മികച്ച സ്‌കൂളുകള്‍ക്കുള്ള ക്രൈസ്റ്റ് കോളജ് പ്രഫ. ഇ.ജെ. വിന്‍സെന്‍റ് കാഷ് അവാര്‍ഡും ഫലകവും സര്‍ട്ടിഫിക്കറ്റും നല്കി ആദരിക്കും.
2024 -25 അധ്യയനവര്‍ഷത്തില്‍ പലവിധത്തിലുള്ള പരിസ്ഥിതിപ്രവര്‍ത്തനങ്ങള്‍ കാഴ്ചവച്ച സ്‌കൂളുകള്‍ക്കാണ് പുരസ്‌കാരം നല്‍കുന്നത്. സ്‌കൂള്‍ ചെയ്ത പ്രവര്‍ത്തനങ്ങളുടെ റിപ്പോര്‍ട്ട്, പത്രവാര്‍ത്ത, ഫോട്ടോകള്‍, സിഡികള്‍ എന്നിവയടക്കം പ്രിന്‍സിപ്പല്‍, ക്രൈസ്റ്റ് കോളജ്, ഇരിങ്ങാലക്കുട 680125 എന്ന വിലാസത്തില്‍ 2025 ജനുവരി 30 നുമുമ്പായി അപേക്ഷിക്കേണ്ടതാണെന്നു കോളജ് പ്രിന്‍സിപ്പല്‍ അറിയിച്ചു. കൂടുതല്‍ വിവരങ്ങള്‍ക്ക് 9446420005, 9447814390. അപേക്ഷാഫോറം www.christcollegeijk.edu.in വെബ്‌സൈറ്റില്‍ ലഭ്യമാണ്.