കൊച്ചേട്ടന്‍റെ കത്ത്

റോ​യ്ച്ചാ​ൻ​ചൂ; പേ​രു​ക​ൾ​ക്കു​ള്ളി​ലെ നേ​രി​ന്‍റെ വേ​രു​ക​ൾ

സ്നേ​ഹ​മു​ള്ള ഡി​സി​എ​ൽ കു​ടും​ബാം​ഗ​ങ്ങ​ളേ,

അ​ന്നെ​റ്റെ ഡു​ൺ​ടാ​സ് - ഓ​സ്ട്രേ​ലി​യ, അ​ന്ന ക​സ​കോ​വ - ഉ​സ്ബെ​ക്കി​സ്ഥാ​ൻ, ഖി​ൻ​ലാ​യ് യീ - ​മ്യാ​ൻ​മ​ർ, ഈ​മ്കു​സ്ച് - മ​ലേ​ഷ്യ, ജോ​വി​നാ​ച്യൂ - സി​ങ്ക​പ്പൂ​ർ, ചൂ​ച്ചാ​യ് അ​ങ്ക​ബ്ക്യൂ - താ​യ് ല​ൻ​ഡ്, ജൂ​ലി​യോ​ചാ​ൻ - മ​ക്കാ​വോ, ക​ണ്ണ​ൻ​ചി​റ സെ​ബാ​സ്റ്റ്യ​ൻ റോ​യി - ഇ​ന്ത്യ!

2024 ന​വം​ബ​ർ 18 മു​ത​ൽ 22 വ​രെ ഡ​ൽ​ഹി​യി​ൽ ന​ട​ന്ന 35 രാ​ജ്യ​ങ്ങ​ളു​ൾ​ക്കൊ​ള്ളു​ന്ന എ​ഷ്യ പ​സ​ഫി​ക് റീ​ജി​യ​ന്‍റെ ഇ​ന്‍റ​ർ​നാ​ഷ​ണ​ൽ സ്പെ​ഷ​ൽ ഒ​ളി​ന്പി​ക്സി​ന്‍റെ ത​ലേ​ന്ന് ഡ​ൽ​ഹി​യി​ലെ ല​ളി​ത് ഹോ​ട്ട​ലി​ൽ ഓ​രോ രാ​ജ്യ​ത്തി​ന്‍റെ​യും ഡെ​ല​ഗേ​ഷ​ൻ എ​ച്ച്.​ഒ.​ഡി. മാ​രു​ടെ പ്ര​ഥ​മ സ​മ്മേ​ള​ന​ത്തി​ലെ സ്വ​യം പ​രി​ച​യ​പ്പെ​ടു​ത്ത​ൽ ന​ട​ക്കു​ക​യാ​ണ്.

ദൈ​വാ​നു​ഗ്ര​ഹ​ത്താ​ൽ സ്പെ​ഷ​ൽ ഒ​ളി​ന്പി​ക്സ് ഭാ​ര​തി​ന്‍റെ ഡെ​ല​ഗേ​ഷ​ൻ ഹെ​ഡ് ആ​യി സേവനമർപ്പിക്കാൻ അവസരം ലഭിച്ച ഞാ​ൻ അ​തി​ശ​യ​ത്തോ​ടെ ഓ​രോ രാ​ജ്യ​ത്തി​ന്‍റെ​യും എ​ച്ച്.​ഒ.​ഡി​മാ​രു​ടെ പേ​രു​ക​ൾ ശ്ര​ദ്ധി​ക്കു​ക​യാ​യി​രു​ന്നു.

പ​റ​യാ​ൻ​ത​ന്നെ എ​ന്തൊ​രു പ്ര​യാ​സം. നാ​ക്ക് ഉ​ളു​ക്കും എ​ന്നൊ​ക്കെ ന​മ്മ​ൾ ത​മാ​ശ​യ്ക്ക് പ​റ​യാ​റി​ല്ലേ? അ​തി​നേ​ക്കാ​ൾ വൈ​വി​ധ്യ​വും വൈ​ചി​ത്ര്യ​വും നി​റ​ഞ്ഞ പേ​രു​ക​ൾ. എ​ന്‍റെ പേ​രു​പോ​ലെ പ​റ​യാ​ൻ എ​ളു​പ്പ​മു​ള്ള ഒ​രു പേ​രു​പോ​ലും ഇ​ല്ല​ല്ലോ എ​ന്നു ചി​ന്തി​ക്കു​ന്ന​തി​നി​ടെ, എ​ന്‍റെ അ​രി​കി​ലി​രു​ന്ന മ​ക്കാ​വോ​ക്കാ​ര​ൻ ജൂ​ലി​യോ ചാ​ൻ നേ​രേ​നോ​ക്കി ചി​രി​ച്ചു​കൊ​ണ്ട് എ​ന്‍റെ പേ​രു പ​റ​ഞ്ഞു.

ഖാ​നാ​ഞ്ചീ​ര സെ​ബ്ത്യാ​ൻ റാ​യ്! പ​ക​ച്ചു​പോ​യ് ഞാ​ൻ! "അ​ങ്ങ​നെ​യ​ല്ല, ഇ​ങ്ങ​നെ' എ​ന്നു പ​റ​ഞ്ഞു​കൊ​ണ്ട് എ​ന്‍റെ പേ​ര് ശ​രി​യാ​യി ഉ​ച്ച​രി​പ്പി​ക്കാ​ൻ ജൂ​ലി​യോ ചാ​നി​നോ​ട് പ​റ​യു​ന്ന​തു​കേ​ട്ട്, താ​യ് ല​ൻ​ഡു​കാ​ര​ൻ ചൂ​ച്ചാ​യ് അ​ങ്ക​ബ്ക്യൂ എ​ന്‍റെ ഐ​ഡി നോ​ക്കി ഒ​ന്നു പ​റ​ഞ്ഞു നോ​ക്കി. കാ​ണാ​ൻ​ചി​ര സെ​ബാ​സ്ത്യാ​ൻ റോ​യ്...!

ഞ​ങ്ങ​ൾ മൂ​ന്നു​പേ​രും മാ​ത്ര​മ​ല്ല, അ​ടു​ത്തി​രു​ന്ന​വ​രും പൊ​ട്ടി​ച്ചി​രി​ച്ചു​പോ​യി! പി​ന്നീ​ട് താ​ജ്മ​ഹ​ല് ഹോ​ട്ട​ലി​ൽ ന​ട​ന്ന എ​ല്ലാ രാ​ജ്യ​ത്തി​ന്‍റെ​യും എ​ച്ച്.​ഒ.​ഡി​മാ​രു​ടെ ഡി​ന്ന​ർ​നൈ​റ്റി​ൽ ഞ​ങ്ങ​ൾ മൂ​ന്നു​പേ​രും ഒ​രു​മി​ച്ചാ​യി​രു​ന്നു. അ​പ്പോ​ൾ താ​യ് ലാ​ൻ​ഡു​കാ​ര​ൻ ചൂ​ച്ചാ​യ് പ​റ​ഞ്ഞു, ന​മ്മു​ടെ പേ​രു​ക​ൾ പ​റ​യാ​ൻ പ്ര​യാ​സ​മാ​യ​തു​കൊ​ണ്ട്, ന​മു​ക്കു മൂ​ന്നു​പേ​ർ​ക്കും​കൂ​ടെ ഒ​രു പേ​ര് ഞാ​ൻ ഉ​ണ്ടാ​ക്കി. "റോ​യ്ച്ചാ​ൻ​ചൂ...' ഞ​ങ്ങ​ൾ അ​തും പ​റ​ഞ്ഞ് വീ​ണ്ടും ചി​രി​ച്ചു.

ഹോ​ങ്കോം​ഗ് ടീം ​എ​ച്ച്.​ഒ.​ഡി ഡെ​റി​ക് ചു​വാ​ൻ പ​റ​ഞ്ഞ​തു​കേ​ട്ട് എ​ല്ലാ​വ​രും കൈ​യ​ടി​ച്ചു. ""പേ​രു​ക​ൾ ചേ​രു​ന്നി​ല്ലെ​ങ്കി​ലും എ​ല്ലാ​വ​രു​ടെ​യും ചി​രി​ക​ൾ ഒ​ന്നാ​ണ്.''

കൂ​ട്ടു​കാ​രേ, ഞ​ങ്ങ​ളു​ടെ ആ ​കൂ​ട്ടാ​യ്മ​യി​ൽ രാ​ജ്യ​ങ്ങ​ളു​ടെ, ഭാ​ഷ​ക​ളു​ടെ, സം​സ്കാ​ര​ത്തി​ന്‍റെ മ​ത​ബോ​ധ​ങ്ങ​ളു​ടെ​യെ​ല്ലാം വ്യ​ത്യാ​സ​ങ്ങ​ൾ ഉ​ണ്ടാ​യി​രു​ന്നു. എ​ന്നാ​ൽ എ​ല്ലാ വൈ​ജാ​ത്യ​ങ്ങ​ൾ​ക്കും​മേ​ലേ, ഭി​ന്ന​ശേ​ഷി​യു​ള്ള വ്യ​ക്തി​ക​ൾ​ക്കാ​യി നി​സ്വാ​ർ​ത്ഥ​മാ​യി അ​ർ​പ്പി​ക്കു​ന്ന നി​സ്തു​ല​മാ​യ മാ​ന​വി​ക സ്നേ​ഹ​ത്തി​ന്‍റെ നേ​രി​ന് സ​ക​ല​രി​ലും സാ​ജാ​ത്യ​മു​ണ്ടാ​യി​രു​ന്നു.

ഭാ​ഷ​ക​ൾ​ക്കും ഭാ​ഷ​ണ​ങ്ങ​ൾ​ക്കും മേ​ലേ, ന​ന്മ​നി​റ​ഞ്ഞ് ക​വി​യു​ന്ന മ​നു​ഷ്യ​ത്വ​ത്തി​ന്‍റെ ശു​ദ്ധ​മാ​യ ഭാ​വം​കൊ​ണ്ട്, ഇ​ന്നും ആ​ശ​യ​വി​നി​മ​യം സാ​ധ്യ​മാ​ണെ​ന്ന് ഇ​ന്ത്യ നേ​തൃ​ത്വം ന​ൽ​കി ന​ട​ത്തി​യ ഈ ​സ്പെ​ഷ​ൽ ഒ​ളി​ന്പി​ക്സ് തെ​ളി​യി​ച്ചു.

ഇ​ന്ന്, അ​ക​ൽ​ച്ച​യു​ടെ വി​ത്തു​ക​ൾ കൃ​ഷി​ചെ​യ്ത്, അ​യ​ൽ​ക്കാ​ർ​ക്കി​ട​യി​ൽ​പോ​ലും അ​പ​രി​ചി​ത​ത്വ​ത്തി​ന്‍റെ വി​ള​വെ​ടു​ക്കാ​ൻ താ​ത്പ​ര്യ​മു​ള്ള സ്ഥാ​പി​ത താ​ത്പ​ര്യ​ക്കാ​ർ​ക്കി​ട​യി​ലാ​ണ് ന​മ്മ​ൾ ജീ​വി​ക്കു​ന്ന​ത്.


എ​ല്ലാ അ​ക​ൽ​ച്ച​ക​ളേ​യും സ്നേ​ഹ​ത്തി​ന്‍റെ നേ​രു​ക​ൾ​കൊ​ണ്ട്, കൂ​ട്ടി​യി​ണ​ക്കാ​ൻ ശേ​ഷി​യു​ള്ള നി​ർ​മ്മ​ല​മാ​യ മാ​ന​വി​ക​ത​യി​ലേ​ക്ക്, ഒ​ന്നാ​യി മു​ന്നേ​റാം, ന​മു​ക്ക്.
ആ​ശം​സ​ക​ളോ​ടെ,
സ്വ​ന്തം കൊ​ച്ചേ​ട്ട​ൻ


അരുവിത്തുറ, ചങ്ങനാശേരി മേഖലാ ടാലന്‍റ് ഫെസ്റ്റുകൾ നാളെ

കോ​ട്ട​യം: ഡി​സി​എ​ൽ ​അ​രു​വി​ത്തു​റ, ച​ങ്ങ​നാ​ശേ​രി മേ​ഖ​ലാ ടാ​ല​ന്‍റ് ഫെ​സ്റ്റു​ക​ൾ നാളെ യ​ഥാ​ക്ര​മം അ​രു​വി​ത്തു​റ സെ​ന്‍റ് മേ​രീ​സ് എ​ൽ​പി സ്കൂ​ളി​ലും ച​ങ്ങ​നാ​ശേ​രി പാ​റേ​ൽ തി​രു​ഹൃ​ദ​യ നി​വാ​സി​ലും ന​ട​ക്കും.

എ​ൽ​പി, യു​പി, ഹൈ​സ്കൂ​ൾ വി​ഭാ​ഗ​ങ്ങ​ൾ തി​രി​ച്ചാ​ണ് മ​ത്സ​രം. പ്ര​സം​ഗം, ല​ളി​ത​ഗാ​നം, ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ ഗാ​നം, ചെ​റു​ക​ഥാ​ര​ച​ന, ക​വി​താ​ര​ച​ന, ഉ​പ​ന്യാ​സ​ര​ച​ന എ​ന്നീ ഇ​ന​ങ്ങ​ളി​ലാ​ണ് മ​ത്സ​രം. ഡി​സി​എ​ൽ ആ​ന്തം, ല​ഹ​രി​വി​രു​ദ്ധ​ഗാ​നം എ​ന്നി​വ ഒ​ഴി​കെ എ​ല്ലാ മ​ത്സ​ര​ങ്ങ​ളും ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​രി​ക്കും. ഗ്രൂ​പ്പ് മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ന്ന കു​ട്ടി​ക​ൾ​ക്ക് ര​ച​നാ​മ​ത്സ​ര​ത്തി​ൽ പ​ങ്കെ​ടു​ക്കാ​ൻ അ​ർ​ഹ​ത​യു​ണ്ടാ​യി​രി​ക്കു​ക​യി​ല്ല.

ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ സം​ഘ​ഗാ​നം മ​ത്സ​ര​ങ്ങ​ളി​ൽ ഏ​ഴു പേ​ര​ട​ങ്ങു​ന്ന ടീ​മി​ന് പ​ങ്കെ​ടു​ക്കാം. ക​രോ​ക്കെ ഉ​ണ്ടാ​യി​രി​ക്കു​ന്ന​ത​ല്ല.

പ്ര​സം​ഗ​ത്തി​ന് എ​ൽ​പി വി​ഭാ​ഗ​ത്തി​ന് മൂ​ന്നു മി​നി​റ്റും യു.​പി. ഹൈ​സ്കൂ​ൾ വി​ഭാ​ഗ​ങ്ങ​ൾ​ക്ക് 5 മി​നി​റ്റു​മാ​യി​രി​ക്കും സ​മ​യം. വി​ഷ​യം - എ​ൽ പി ​വി​ഭാ​ഗം: കൃ​ത്യ​നി​ഷ്ഠ​യും അ​ച്ച​ട​ക്ക​വും ജീ​വി​ത വി​ജ​യ​ത്തി​ന്.

യു.​പി വി​ഭാ​ഗം - (1) അ​ധ്യാ​പ​ക​ർ അ​റി​വി​ന്‍റെ വ​ഴി​കാ​ട്ടി​ക​ൾ (2) മാ​റു​ന്ന ലോ​ക​വും നി​ർ​മ്മി​ത ബു​ദ്ധി​യും (നി​ർ​മി​ത ബു​ദ്ധി - Artificial Intelligence - AI) ഹൈസ്കൂൾ വിഭാഗത്തിന് മത്സരത്തിന് 5 മിനിറ്റു മുന്പ് വിഷയം നൽകും.

മണിമല മേഖല ടാലന്‍റ് ഫെസ്റ്റ്

മ​ണി​മ​ല: ഡി​സി​എ​ൽ മ​ണി​മ​ല സെ​ന്‍റ് ജോ​ർ​ജ് ഹൈ​സ്കൂ​ളി​ൽ ന​ട​ത്തി​യ മ​ണി​മ​ല-​നെ​ടു​ങ്കു​ന്നം മേ​ഖ​ല ടാ​ല​ന്‍റ് ഫെ​സ്റ്റി​ൽ ഹൈ​സ്കൂ​ൾ വി​ഭാ​ഗം സെ​ന്‍റ് തെ​രേ​സ​സ് ജി​എ​ച്ച്എ​സ് നെ​ടും​കു​ന്നം ഓ​വ​റോ​ൾ നേ​ടി. യു​പി വി​ഭാ​ഗം നെ​ടു​മ​ണ്ണി സി​സ്റ്റ​ർ അ​ൽ​ഫോ​ൻ​സാ​സ് സ്കൂ​ളും എ​ൽ​പി വി​ഭാ​ഗ​ത്തി​ൽ മ​ണി​മ​ല ലി​റ്റി​ൽ ഫ്ല​വ​ർ എ​ൽ പി ​സ്കൂ​ളും ഓ​വ​റോ​ൾ നേ​ടി.

ഡി​സി​എ​ൽ നാ​ഷ​ണ​ൽ കോ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ലി​ന്‍റെ അ​ധ്യ​ക്ഷ​ത​യി​ൽ കൂ​ടി​യ സ​മ്മേ​ള​ന​ത്തി​ൽ നെ​ടു​കു​ന്നം സെ​ന്‍റ് തെ​രേ​സ​സ് ജി ​എ​ച്ച് എ​സ് സ്കൂ​ളി​ലെ ആ​റാം​ക്ലാ​സ് വി​ദ്യാ​ർ​ത്ഥി​നി കു​മാ​രി എ​യ്ഞ്ച​ലി​ൻ സി​ജോ മ​ത്സ​ര​ങ്ങ​ൾ ഉ​ദ്ഘാ​ട​നം ചെ​യ്തു. മ​ത്സ​രാ​ത്ഥി​ക​ളി​ൽ നി​ന്നും ന​റു​ക്കി​ട്ട് എ​ടു​ത്താ​ണ് ഉ​ദ്ഘാ​ട​ക​യെ ക​ണ്ടെ​ത്തി​യ​ത്.

സ​മ്മേ​ള​ന​ത്തി​ൽ സ്കൂ​ൾ മാ​നേ​ജ​ർ ഫാ. ​മാ​ത്യു താ​ന്നി​യ​ത്ത്, സീ​നി​യ​ർ അ​സി​സ്റ്റ​ന്‍റ് സി​സ്റ്റ​ർ അ​ൽ​ഫോ​ൻ​സാ അ​ഗ​സ്റ്റി​ൻ, കെ.​സി.​എ​സ്.​എ​ൽ സ്റ്റേ​റ്റ് ഓ​ർ​ഗ​നൈ​സ​ർ മ​നോ​ജ് ചാ​ക്കോ, ഡി​സി​എ​ൽ മേ​ഖ​ല ഓ​ർ​ഗ​നൈ​സ​ർ ജോ​സ​ഫ് ആ​ന്‍റ​ണി, ജി​ജി കെ.​ജോ​സ് എ​ന്നി​വ​ർ സം​സാ​രി​ച്ചു.

ഓ​വ​റോ​ൾ നേ​ടു​ന്ന സ്കൂ​ളു​ക​ൾ​ക്ക് കാ​ഞ്ഞി​ര​പ്പ​ള്ളി എം​എ​ൽ​എ ഗ​വ. ചീ​ഫ് വി​പ്പ് ഡോ. ​ജ​യ​രാ​ജ് എം​എ​ൽ​എ ഏ​ർ​പ്പെ​ടു​ത്തി​യ എ​വ​റോ​ളിം​ഗ് ട്രോ​ഫി​ക​ൾ വി​ത​ര​ണം ചെ​യ്തു. ഹൈ​സ്കൂ​ൾ ആ​ന്തം മ​ത്സ​ര​ത്തി​ന് ഒ​ന്നാം സ്ഥാ​നം ക​ര​സ്ഥ​മാ​ക്കു​ന്ന സ്കൂ​ളി​ന് അ​ധ്യാ​പ​ക​നാ​യ ജി​ജി കു​ഴി​പ​താ​ലി​ൽ ഏ​ർ​പ്പെ​ടു​ത്തി​യ എ​വ​റോ​ളിം​ഗ് ട്രോ​ഫി സി​സി​എം ഹൈ​സ് സ്കൂ​ൾ ക​രി​ക്കാ​ട്ടൂ​രും നേ​ടി.