കിളിമാനൂർ: കാട്ടു പന്നിയുടെ ആക്രമണത്തിൽ വയോധികയ്ക്ക് പരിക്കേറ്റു. പാപ്പാല ചാക്കുടി ചരുവിള പുത്തൻ വീട്ടിൽ വിലാസിനി (85)ക്കാണ് പരിക്കേറ്റത്. കഴിഞ്ഞദിവസം രാവിലെ 7.30ന് വീടിന്റെ പിൻവശത്ത് നിൽക്കുന്നതിനിടയിലാണ് കാട്ടുപന്നി ആക്രമിച്ചത്.
ആക്രമണത്തിൽ കാലിനും കൈയ്ക്കും ഗുരുതരമായി പരിക്കേറ്റതിനെ തുടർന്ന് തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. വീട്ടിൽ ഒറ്റയ്ക്കാണ് വിലാസിനി താമസിച്ചു വരുന്നത്.