ബാ​ല​സാ​ഹി​ത്യ​ര​ച​ന​ക​ളി​ല്‍ സ​ജീ​വമായി റി​ട്ട. അ​ധ്യാ​പ​ക​ന്‍ പ​യ​റ്റു​വി​ള സോ​മ​ന്‍
Thursday, September 5, 2024 6:32 AM IST
ഇ​ന്ന് അ​ധ്യാ​പ​ക​ദി​നം

നെ​യ്യാ​റ്റി​ന്‍​ക​ര: അ​ധ്യാ​പ​ന രം​ഗ​ത്തു​നി​ന്നും സ്വാ​യ​ത്ത​മാ​യ അ​നു​ഭ​വ​ങ്ങ​ളു​ടെ വെ​ളി​ച്ച​ത്തി​ല്‍ പ​യ​റ്റു​വി​ള സോ​മ​ന്‍ എ​ന്ന റി​ട്ട. അ​ധ്യാ​പ​ക​ന്‍ എ​ഴു​ത്തു​ജീ​വി​തം ഊ​ര്‍​ജ്ജ്വ​സ്വ​ല​ത​യോ​ടെ മു​ന്നോ​ട്ടു കൊ​ണ്ടു​പോ​കു​ന്നു.

1947 -ല്‍ ​കേ​ശ​വ​ന്‍റെ​യും ര​ത്ന​മ്മ​യു​ടെ​യും എ​ട്ടു മ​ക്ക​ളി​ല്‍ മൂ​ത്ത​യാ​ളാ​യി ജ​ന​നം. സ​മാ​ന്ത​ര വി​ദ്യാ​ഭ്യാ​സ സ്ഥാ​പ​ന​ത്തി​ല്‍ ഗ​ണി​താ​ധ്യാ​പ​ക​നാ​യി​രി​ക്ക​വെ ഹി​ന്ദി ഭാ​ഷ​യി​ലെ അ​ധ്യാ​പ​ന കോ​ഴ്സും പൂ​ര്‍​ത്തി​യാ​ക്കി.

പി​ന്നീ​ട് സ​മാ​ന്ത​ര വി​ദ്യാ​ഭ്യാ​സ സ്ഥാ​പ​ന​ത്തി​ന്‍റെ ഉ​ട​മ​യാ​യി. നി​ര​വ​ധി വി​ദ്യാ​ര്‍​ഥി​ക​ളെ സൗ​ജ​ന്യ​മാ​യി പ​ഠി​പ്പി​ച്ചു. 1978 ല്‍ ​അ​ധ്യാ​പ​ക​നാ​യി സ​ര്‍​ക്കാ​ര്‍ സ​ര്‍​വീ​സി​ല്‍ പ്ര​വേ​ശി​ച്ചു. കൊ​ല്ലം, തി​രു​വ​ന​ന്ത​പു​രം ജി​ല്ല​ക​ളി​ലെ വി​വി​ധ സ്കൂ​ളു​ക​ളി​ല്‍ സേ​വ​നം അ​നു​ഷ്ഠി​ച്ചു. 2002 ല്‍ ​സ​ര്‍​വീ​സി​ല്‍ നി​ന്നും വി​ര​മി​ച്ചു.

വി​ശ്ര​മ​ജീ​വി​തം സ​ര്‍​ഗ​സൃ​ഷ്ടി​ക​ൾ​ക്കാ​യി മാ​റ്റി​വ​ച്ചി​രി​ക്കു​ക​യാ​ണ് സോ​മ​ൻ​മാ​ഷ്. വ​ര്‍​ണ​പ്പൊ​ട്ടു​ക​ള്‍, അ​ക്ഷ​ര​മു​ത്തു​ക​ള്‍, വെ​ള്ളാ​രം​ക​ല്ലു​ക​ള്‍, കു​റു​മൊ​ഴി ചി​ന്തു​ക​ള്‍, മ​ര​ത​ക​മ​ണി​ക​ള്‍, ഇ​ത്തി​രി ഒ​ത്തി​രി, നേ​രും നെ​റി​യും, താ​ര​ക​വെ​ട്ടം, മൊ​ഴി​ച്ച​ന്തം എ​ന്നി​വ സോ​മ​ൻ മാ​ഷി​ന്‍റെ ബാ​ല​സാ​ഹി​ത്യ​കൃ​തി​ക​ള്‍. ക​തി​രും പ​തി​രും, കു​ളി​രു ത​ഴു​കി​യ വ​ഴി​ക​ള്‍, കി​ളി​വാ​തി​ലു​ക​ള്‍, മ​ധു​ര​മു​ന്തി​രി​ക​ള്‍, താ​രും ത​ളി​രും, മ​ഴ​വി​ല്ല​ഴ​ക് എ​ന്നി​വ ചെ​റു​ക​ഥാ സ​മാ​ഹാ​ര​ങ്ങ​ളാ​ണ്. ഭാ​ര്യ സ​രോ​ജ​ത്തി​ന്‍റെ സ്മ​ര​ണാ​ര്‍​ഥം സ​രോ​ജാ​സ്മൃ​തി, മീ​ഠേ അം​ഗൂ​ര്‍ എ​ന്നീ ഹി​ന്ദി കാ​വ്യ​സ​മാ​ഹാ​ര​ങ്ങ​ളും സോ​മ​ൻ ര​ചി​ച്ചി​ട്ടു​ണ്ട്.


നി​റ​വ് സം​സ്ഥാ​ന​ത​ല ര​ബീ​ന്ദ്ര​നാ​ഥ ടാ​ഗോ​ര്‍ ബാ​ല​സാ​ഹി​ത്യ പു​ര​സ്കാ​രം, കേ​ര​ള ഹി​ന്ദി പ്ര​ചാ​ര സ​ഭ​യു​ടെ വി​വ​ര്‍​ത്ത​ന പു​ര​സ് കാ​രം, ക​ലാ​നി​ധി സെ​ന്‍റ​ര്‍ ഫോ​ര്‍ ഇ​ന്‍​ഡ്യ​ന്‍ ആ​ര്‍​ട്സ് ആ​ന്‍​ഡ് ക​ള്‍​ച്ച​റ​ല്‍ ഹെ​റി​റ്റേ​ജ് ട്ര​സ്റ്റി​ന്‍റെ കാ​വ്യ​ശ്രേ​ഷ്ഠ പു​ര​സ്കാ​രം എ​ന്നീ ബ​ഹു​മ​തി​ക​ള്‍ പ​യ​റ്റു​വി​ള സോ​മ​ന് ല​ഭി​ച്ചി​ട്ടു​ണ്ട്.

വ​ര്‍​ണ്ണ​പ്പൊ​ട്ടു​ക​ള്‍ എ​ന്ന ക​വി​താ സ​മാ​ഹാ​ര​ത്തി​ലെ അ​മ്മ എ​ന്ന ക​വി​ത ത​മി​ഴ്നാ​ട് സ​ര്‍​ക്കാ​രി​ന്‍റെ മൂ​ന്നാം ക്ലാ​സി​ലെ മ​ല​യാ​ളം പാ​ഠ​പു​സ്ത​ക​ത്തി​ല്‍ ഉ​ള്‍​പ്പെ​ടു​ത്തി​യി​ട്ടു​ണ്ട്.

മൈ ​സ്കൂ​ള്‍ എ​ന്ന സി​നി​മ​യി​ലെ ക​വി​താ​ര​ച​ന​യി​ലൂ​ടെ ച​ല​ച്ചി​ത്ര​രം​ഗ​ത്തേ​യ്ക്കും പ്ര​വേ​ശി​ച്ചു. നാ​ന്പ് എ​ന്ന സം​ഗീ​ത ആ​ല്‍​ബ​ത്തി​ലെ വ​രി​ക​ളും അ​ദ്ദേ​ഹ​ത്തി​ന്‍റെ സം​ഭാ​വ​ന​യാ​ണ്. മൂ​ന്നു മ​ക്ക​ളും മ​രു​മ​ക്ക​ളും പേ​ര​ക്കി​ടാ​ങ്ങ​ളു​മെ​ല്ലാം അ​ദ്ദേ​ഹ​ത്തി​ന്‍റെ സാ​ഹി​ത്യ​പ​രി​ശ്ര​മ​ങ്ങ​ള്‍​ക്കു മി​ക​ച്ച പ്രോ​ത്സാ​ഹ​ന​മേ​കു​ന്നു. ഏ​റ്റ​വും പു​തി​യ ബാ​ല​ക​ഥാ സ​മാ​ഹാ​ര​മാ​യ തേ​ന്‍​തു​ള്ളി​ക​ള്‍ ക​ഴി​ഞ്ഞ ദി​വ​സം പ്ര​കാ​ശി​ത​മാ​യി.