നാലാഞ്ചിറ: സർവോദയ സെൻട്രൽ വിദ്യാലയത്തിലെ ചാരിറ്റി ക്ലബിന്റെ ആഭിമുഖ്യത്തിൽ പഠനോപകരണങ്ങൾ വിതരണം ചെയ്തു. ജില്ലയിലെ വിവിധ വിദ്യാലയങ്ങളിലെ അർഹരായ കുട്ടികൾക്കാണു പഠനോപകരണങ്ങൾ വിതരണം ചെയ്തത്.
സർവോദയ സെൻട്രൽ വിദ്യാലയ പ്രിൻസിപ്പൽ ഫാ. കാരിക്കൽ ചാക്കോ വിൻസെൻറ്, ബർസാർ ഫാ. കോശി ചിറക്കരോട്ട് എന്നിവരുടെയും ചാരിറ്റി ക്ലബ് അംഗങ്ങളുടെയും നേതൃത്വത്തിലാണ് പഠനസാമഗ്രികളുടെ വിതരണം സംഘടിപ്പിച്ചത്.