പൂവാർ: ഒറ്റയ്ക്ക് താമസിച്ചിരുന്ന വയോധികയെ വീടിന് മുന്നിൽ കത്തികരിഞ്ഞ നിലയിൽ കണ്ടെത്തി. കരുംകുളം കൊച്ചുതുറ ഇടത്തുറ പുരയിടത്തിൽ പരേതനായ മൈക്കിളിന്റെ ഭാര്യ ജനാർദ്ദ് (73) നെയാണ് വീടിന് മുറ്റത്ത് കത്തികരിഞ്ഞ നിലയിൽ കണ്ടെത്തിയത്.
ഇന്നലെ വെളുപ്പിന് 4.30 ന് മത്സ്യബന്ധനത്തിന് പോകാൻ വന്ന മത്സ്യതൊഴിലാളികളാണ് മൃതദേഹം ആദ്യം കണ്ടത്.രോഗിയായ ഇവർ ഭർത്താവിന്റെ മരണശേഷം കഴിഞ്ഞ ഒന്നര വർഷമായി ഒറ്റയ്ക്കായിരുന്നു താമസം. മണ്ണെണ ഒഴിച്ച് സ്വയം തീകൊളുത്തി യതാണെന്നും മരണത്തിൽ ദൂരൂഹതയില്ലെന്ന് കാഞ്ഞിരംകുളം പോലീസ് പറഞ്ഞു.പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറി. ജസലറ്റ് മേരി, റോബർട്ട് ജോസഫ്,റെജീസ് മേരി, വിൽഫ്രഡ് ജോസഫ് എന്നിവർ മക്കളാണ്. കാഞ്ഞിരംകുളം പോലീസ് കേസെടുത്തു.