വേനൽമഴയിൽ കുഴങ്ങി നെൽകർഷകർ
1539708
Saturday, April 5, 2025 1:02 AM IST
നെന്മാറ: തുടർച്ചയായ ദിവസങ്ങളിലെ വേനൽമഴ നെൽകർഷകർക്കു ദുരിതമാകുന്നു.
കൊയ്ത്തുയന്ത്രമിറക്കി നെല്ലു കൊയ്തെടുക്കാൻ കഴിയാത്തതും പതിരുനീക്കി നെല്ലുണക്കിയെടുക്കാൻ കഴിയാത്തതുമാണ് വിനയാകുന്നത്.
പാടങ്ങളിൽ മഴവെള്ളക്കെട്ടും ചെളിയും നിറഞ്ഞതു കൊയ്ത്തിനു തടസമായിട്ടുണ്ട്.
വാടക കുറഞ്ഞതും കൂടുതൽ വൈക്കോൽ കിട്ടുന്നതുമായ ടയർ ഉപയോഗിച്ചുള്ള കൊയ്ത്തുമെഷീനുകളും ഈ പാടങ്ങളിൽ ഉപയോഗിക്കാനാകുന്നില്ല. വൈക്കോൽചുറ്റി കെട്ടുകളാക്കാനും കഴിയാത്ത സ്ഥിതിയുണ്ട്.
ൊപലയിടത്തും വൈക്കോൽ പാടത്തുതന്നെ കിടന്നു ചീഞ്ഞുതുടങ്ങി. ഈർപ്പംകൂടിയതു കാരണം വൈക്കോലിനു പൂപ്പൽ ബാധിച്ച് ഗുണനിലവാരം കുറയുന്നതായും കർഷകർ പറയുന്നു.
ൊനനഞ്ഞ വൈക്കോൽ സംഭരിക്കാനും കച്ചവടക്കാർ എത്തുന്നില്ലെന്നതും കർഷകർക്കു വെല്ലുവിളിയായിട്ടുണ്ട്.