ചി​റ്റൂ​ർ: ന​ല്ലേ​പ്പി​ള്ളി​യി​ൽ കൊ​യ്ത്ത് ക​ഴി​ഞ്ഞ നെ​ൽ​പ്പാ​ട​ങ്ങ​ളി​ൽ ഒ​ന്നാം​വി​ള നെ​ൽ​കൃ​ഷി​യി​റ​ക്ക​ലി​ന്‍റെ പ്രാ​രം​ഭ കൃ​ഷി​പ്പ​ണി​ക​ൾ ആ​രം​ഭി​ച്ചു.

ക​ഴി​ഞ്ഞ 10 ദി​വ​സ​ത്തി​നു​ള്ളി​ൽ കൊ​യ്ത്ത് ക​ഴി​ഞ്ഞ​പാ​ട​ങ്ങ​ളി​ലെ വൈ​ക്കോ​ൽ കെ​ട്ടി​എ​ടു​ത്ത ഉ​ട​നെ ഉ​ഴ​വി​ന് പാ​ക​മാ​യ പ​രു​വ​ത്തി​ലു​ള്ള മ​ണ്ണി​ലാ​ണ് ട്രാ​ക്ട​ർ ഉ​പ​യോ​ഗി​ച്ച് ഉ​ഴു​തു​മ​റി​ച്ച് ഇ​ടു​ന്ന​ത്. വേ​ന​ൽ​മ​ഴ കി​ട്ടു​ന്ന മു​റ​യ്ക്ക് പാ​ട​ങ്ങ​ളി​ലെ കൊ​ഴി​ഞ്ഞു​വീ​ണ നെ​ല്ല് മു​ള​ച്ചു​പൊ​ങ്ങും.

വീ​ണ്ടും കി​ട്ടു​ന്ന മ​ഴ​ക്ക് ഡെ​യി​ഞ്ച പോ​ലു​ള്ള പ​ച്ചി​ല​വ​ള​വി​ത്ത് വി​ത​യ്ക്കാ​നാ​ണ് നി​ലം​ഉ​ഴു​തു മ​റി​ക്കു​ന്ന​ത് ഏ​പ്രി​ൽ 20- 25 ക​ഴി​ഞ്ഞ ഉ​ട​നെ ഡെ​യി​ഞ്ച വി​ത​ക്കാ​ൻ വീ​ണ്ടും ഉ​ഴ​ണം. വി​ത​ക​ഴി​ഞ്ഞ് കി​ട്ടു​ന്ന മ​ഴ​ക്ക് മു​ള​വ​രും. 45-55 ദി​വ​സ​ത്തി​നു​ള്ളി​ൽ കാ​ല​വ​ർ​ഷം കി​ട്ടു​മെ​ന്ന പ്ര​തീ​ക്ഷ​യാ​ണ് ക​ർ​ഷ​ക​ർ​ക്കു​ള്ള​ത്.

മെ​യ് പ​ത്തോ​ടെ ഞാ​റ്റ​ടി ത​യ്യാ​റാ​ക്കും. 25-30 ദി​വ​സ​ത്തെ മൂ​പ്പി​ൽ ന​ടീ​ൽ ന​ട​ത്തി​ക്കാ​ൻ ക​ഴി​യും.​ഡെ​യി​ഞ്ച വി​ത്ത് കി​ലോ​ക്ക് 110 രൂ​പ​യോ​ളം പൊ​തു​മാ​ർ​ക്ക​റ്റി​ൽ വി​ല​യു​ണ്ട്.

ഗ്രാ​മ​പ​ഞ്ചാ​യ​ത്തു​ക​ളു​ടെ പ​ദ്ധ​തി​യി​ൽ ഡെ​യി​ഞ്ച വി​ത്തി​ന് പ​ദ്ധ​തി വെ​ക്കാ​ത്ത​തു​കൊ​ണ്ട് ഉ​ഴ​വു​കൂ​ലി​യും വി​ത്ത് വി​ല​യും ക​ർ​ഷ​ക​ർ​ക്ക് ചെല​വേ​റു​ന്നു.

മ​ണ്ണി​ന്‍റെ ജൈ​വ അ​വ​സ്ഥ ഉ​ണ്ടാ​ക്കാ​ൻ ഡെ​യി​ഞ്ച വി​ത്തി​ന് പ​ദ്ധ​തി വെ​ക്കേ​ണ്ട​താ​യി​രു​ന്നു. രോ​ഗ​ങ്ങ​ളും കീ​ട​ങ്ങ​ളും വ​രാ​തി​രി​ക്കാ​നും രാ​സ​വ​ള​ത്തി​ന്‍റെ വി​ല കൂ​ടു​ത​ൽ കാ​ര​ണം ഉ​പ​യോ​ഗം കു​റ​ക്കാ​നും ക​ഴി​യും. ഡെ​യി​ഞ്ച​യു​ടെ ഗു​ണം ര​ണ്ടാം​വി​ള​ക്കും ല​ഭി​ക്കും. കാ​ലി​വ​ളം വാ​ങ്ങി​ക്ക​ൽ വ​ള​ത്തി​ന്‍റെ വി​ല​യും ക​യ​റ്റ്കൂ​ലി​യും പാ​ട​ത്ത് പ​ര​ത്തു​ന്ന കൂ​ലി​യും ട്രാ​ക്ട​ർ വാ​ട​ക​യും വ​ള​രെ കൂ​ടു​ത​ലാ​ണെ​ന്ന് ക​ർ​ഷ​ക​ർ പ​റ​ഞ്ഞു. ഒ​ന്നാം​വി​ള​യ്ക്ക് ടി​പി​എ​സ്-5, ഉ​മ, ഭ​ദ്ര തു​ട​ങ്ങി​യ​വി​ത്തും മൂ​പ്പു​കു​റ​ഞ്ഞ വി​ത്തു​ക​ളു​മാ​ണ് കൃ​ഷി​യി​റ​ക്കു​ന്ന​തെ​ന്ന് ക​ർ​ഷ​ക​ൻ വി.​രാ​ജ​ൻ പ​റ​ഞ്ഞു.