നെ​ന്മാ​റ: പ​ണിതു​ട​ങ്ങി ര​ണ്ടു വ​ർ​ഷ​മാ​യി​ട്ടും ത​ക​ർ​ന്നുകി​ട​ക്കു​ന്ന നെ​ന്മാ​റ-​ഒ​ലി​പ്പാ​റ റോ​ഡ് പു​ന​രു​ദ്ധാ​ര​ണ പ്ര​വൃത്തി ന​ട​ത്തി നെ​ന്മാ​റ വേ​ല​യ്ക്കുമു​മ്പ് ഗ​താ​ഗ​ത​യോ​ഗ്യ​മാ​ക്കു​മെ​ന്ന് എം​എ​ൽ​എ​യ്ക്കും ആ​ക‌്ഷ​ൻ ക​മ്മി​റ്റി​ക്കും ബ​ന്ധ​പ്പെ​ട്ട അ​ധി​കൃ​ത​ർ ന​ൽ​കി​യ വാ​ക്ക് പാ​ഴ്‌​വാ​ക്കാ​യ​താ​യി ആ​‌ക‌്ഷ​ൻ ക​മ്മി​റ്റി ഭാ​ര​വാ​ഹി​ക​ൾ കു​റ്റ​പ്പെ​ടു​ത്തി.

ക​ർ​ശ​നന​ട​പ​ടി​യെ​ടു​ക്കാ​തെ തു​ട​ർ​ച്ച​യാ​യി സ​മ​യം നീ​ട്ടി​കൊ​ടു​ത്ത് ക​രാ​റു​കാ​ര​നെ സ​ഹാ​യി​ക്കു​ന്ന പി​ഡ​ബ്ല്യു​ഡി എ​ൻ​എ​ച്ച് വി​ഭാ​ഗം അ​ധി​കാ​രി​ക​ളു​ടെ നി​ല​പാ​ട് തി​രു​ത്ത​ണ​മെ​ന്നും ക​രാ​റു​കാ​ര​നെ​തി​രെ അ​ടി​യ​ന്തര​മാ​യി തീ​വ്ര​ന​ട​പ​ടി സ്വീ​ക​രി​ക്ക​ണ​മെ​ന്നും ആക്‌ഷൻ ക​മ്മി​റ്റി യോ​ഗം ആ​വ​ശ്യ​പ്പെ​ട്ടു.

നെ​ന്മാ​റ-​ഒ​ലി​പ്പാ​റ റോ​ഡ് വ​ർ​ക്കി​ന്‍റെ ഡി​പി​ആ​ർ (ഡീ​റ്റെ​യി​ൽഡ് പ്രോ​ജ​ക്ട് റി​പ്പോ​ർ​ട്ട്), വ​ർ​ക്കി​ന്‍റെ പു​രോ​ഗ​തി റി​പ്പോ​ർ​ട്ട്, ടെ​ൻഡർ എ​ന്നി​വ ഉ​ട​ൻ പു​റ​ത്തു​വി​ട​ണം. ക​ഴി​ഞ്ഞ 15 മാ​സ​ത്തി​നു​ള്ളി​ൽ ഏ​ഴ് ഗു​രു​ത​ര​മാ​യ അ​പ​ക​ട​ങ്ങ​ളും പ​ത്തോ​ളം ചെ​റു​അ​പ​ക​ട​ങ്ങ​ളും ഈ റോ​ഡി​ൽ സം​ഭ​വി​ച്ചി​ട്ടു​ണ്ട്.

അ​പ​ക​ടം പ​റ്റി​യ​വ​ർ​ക്കു​ള്ള ന​ഷ്ട​പ​രി​ഹാ​ര​ങ്ങ​ൾ ബ​ന്ധ​പ്പെ​ട്ട അ​ധി​കാ​രി​ക​ൾ ന​ൽ​ക​ണ​മെ​ന്നും ഉ​പ​ഭോ​ക്തൃ ഫോ​റ​ത്തി​ന്‍റെ ഉ​ൾ​പ്പെ​ടെ സ​ഹാ​യ​ത്തോ​ടെ ബ​ന്ധ​പ്പെ​ട്ട​വ​ർ​ക്കെ​തി​രേ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും ആ​ക‌്ഷ​ൻ ക​മ്മി​റ്റി ഭാ​ര​വാ​ഹി​ക​ൾ പ​റ​ഞ്ഞു. നെ​ന്മാ​റ വേ​ല ക​ഴി​ഞ്ഞും റോ​ഡി​ന്‍റെ പ​ണി നി​ല​വി​ലേ​തു​പോ​ലെ​യാ​ണെ​ങ്കി​ൽ രാ​ഷ്ട്രീ​യ- ജാ​തി- മ​തഭേ​ദ​മ​ന്യേ മു​ഴു​വ​ൻ ജ​ന​ങ്ങ​ളു​ടെ​യും സാ​മൂ​ഹി​ക-​ സാം​സ്കാ​രി​ക -സ​ന്ന​ദ്ധ സം​ഘ​ട​ന​ക​ളു​ടേ​യും പി​ന്തു​ണ​യോ​ടെ ബ​ന്ധ​പ്പെ​ട്ട അ​ധി​കൃ​ത​ർ​ക്കെ​തിരേ ശ​ക്ത​മാ​യ പ്ര​തി​ഷേ​ധസ​മ​ര​പ​രി​പാ​ടി​ക​ളു​മാ​യി ആ​ക‌്ഷ​ൻ കൗ​ൺ​സി​ൽ മു​ന്നോ​ട്ടുപോകു​മെ​ന്നു ഭാ​ര​വാ​ഹി​ക​ളാ​യ കെ. ​ര​ഘു​കു​മാ​ർ, എ​സ്.​എം.​ ഷാ​ജ​ഹാ​ൻ, സി.​കെ.​ ര​മേ​ഷ്, കെ.​ ഹു​സൈ​ൻകു​ട്ടി, എ​സ്. ഉ​മ്മ​ർ, എ​ൻ. ഗി​രീ​ഷ്, കെ.​സി. രാ​ഘ​വ​ൻ, എ.​ രാ​ജ​ൻ എ​ന്നി​വ​ർ പ​റ​ഞ്ഞു.