അഗ​ളി:​ പ്ലാ​സ്റ്റി​ക് തു​ണ്ടു​ക​ളും പ്ലാ​സ്റ്റി​ക് ചാ​ക്കു​ക​ളും വ​ലി​ച്ചു​കെ​ട്ടി പാ​റ​യു​ടെ മു​ക​ളി​ൽ കു​ടി​ൽകെ​ട്ടി ക​ഴി​ഞ്ഞി​രു​ന്ന മൂ​ന്ന് അ​നാ​ഥകു​രു​ന്നു​ക​ൾ​ക്ക് ഇ​നി അ​ട്ട​പ്പാ​ടി​യി​ലെ ന​ന്മ കൂ​ട്ടാ​യ്മ​യു​ടെ പു​ത്ത​ൻഭ​വ​ന​ത്തി​ൽ അ​ന്തി​യു​റ​ങ്ങാം. 2020 മേ​യ് മാ​സ​ത്തി​ൽ പി​താ​വ് ച​ന്ദ്ര​ൻ മാ​താ​വ് ശാ​ന്ത​യെ കൊ​ല​പ്പെ​ടു​ത്തി​യശേ​ഷം ആ​ത്മ​ഹ​ത്യ ചെ​യ്ത​തോ​ടെ​യാ​ണ് കു​രു​ന്നു​ക​ൾ അ​നാ​ഥ​രാ​യ​ത്.​

മു​ക്കാ​ലി പൊ​ന്മ​ല ക്ഷേ​ത്ര​ത്തി​നുസ​മീ​പം പാ​റ​യു​ടെ മു​ക​ളി​ൽ വ​ലി​ച്ചു​കെ​ട്ടി​യ ഷെ​ഡ്ഡി​ൽ ആ​യി​രു​ന്നു കു​ട്ടി​ക​ൾ ക​ഴി​ഞ്ഞി​രു​ന്ന​ത്. ച​ന്ദ്ര​ന്‍റെ ആ​ദ്യഭാ​ര്യ​യിലെ മ​ക​ൾ ദേ​വ​കി​യും ഭ​ർ​ത്താ​വ് രാ​ജ​നു​മാ​യി​രു​ന്നു കു​ട്ടി​ക​ൾ​ക്ക് ആ​ശ്ര​യം. മൂ​ത്തകു​ട്ടി മ​നോ​ജ് കൂ​ക്കംപാ​ള​യം സ്കൂ​ളി​ൽ ഏ​ഴാം ക്ലാ​സി​ലും ര​ണ്ടാ​മ​ൻ ര​മേ​ശ് ആ​റാംക്ലാ​സി​ലും ഇ​ള​യകു​ട്ടി സു​നി​ത ക​ക്കു​പ്പ​ടി ര​ണ്ടാം ക്ലാ​സി​ലും പ​ഠി​ക്കു​ന്നു.​ കു​ട്ടി​ക​ളു​ടെ ദു​രി​ത ജീ​വി​തം ശ്ര​ദ്ധ​യി​ൽ​പ്പെ​ട്ട കൂ​ക്കംപാ​ള​യം സ്കൂ​ൾ ഹെ​ഡ്മാ​സ്റ്റ​ർ ജോ​സ​ഫ് ആ​ന്‍റ​ണി സം​ഭ​വം അ​ട്ട​പ്പാ​ടി​യി​ലെ ന​ന്മ കൂ​ട്ടാ​യ്മ​യു​ടെ ശ്ര​ദ്ധ​യി​ൽ​പ്പെ​ടു​ത്തി.​ ഉ​ട​ൻ ന​ന്മ കൂ​ട്ടാ​യ്മ ഭാ​ര​വാ​ഹി​ക​ൾ സ്ഥ​ലം സ​ന്ദ​ർ​ശി​ച്ച് കു​ട്ടി​ക​ളു​ടെ ദ​യ​നീ​യസ്ഥി​തി ക​ണ്ട​റി​യു​ക​യും ഉടൻത​ന്നെ പു​തി​യ വീ​ടി​നു​ള്ള ശ്ര​മം ആ​രം​ഭി​ക്കു​ക​യു​മാ​യി​രു​ന്നു.​

അ​ഗ​ളി സ്വ​ദേ​ശി ബി​നു എ​സ്. നാ​യ​ർ വീ​ട് വ​യ്ക്കു​ന്ന​തി​നാ​യി കോ​ട്ട​ത്ത​റ​യി​ൽ മൂ​ന്നു സെ​ന്‍റ് സ്ഥ​ലം സൗ​ജ​ന്യ​മാ​യി ന​ൽ​കി. കു​ട്ടി​ക​ൾ​ക്കു പ്രാ​യ​പൂ​ർ​ത്തി​യാ​കാ​ത്ത​തി​നാ​ൽ സ്കൂ​ൾ ഹെ​ഡ്മാ​സ്റ്റ​ർ ജോ​സ​ഫ് ആ​ന്‍റണി ര​ക്ഷ​ക​ർ​ത്താ​വാ​യി ഭൂ​മി ര​ജി​സ്റ്റ​ർ ചെ​യ്തു.

പ്രാ​യ​പൂ​ർ​ത്തി​യാ​കു​മ്പോ​ൾ മൂ​ന്നു​പേ​ർ​ക്കും തു​ല്യ അ​വ​കാ​ശം ല​ഭി​ക്കുംവി​ധ​മാ​ണ് ര​ജി​സ്ട്രേ​ഷ​ൻ ന​ട​പ​ടി​ക​ൾ പൂ​ർ​ത്തീ​ക​രി​ച്ചി​ട്ടു​ള്ള​ത്.

ന​ന്മ കൂ​ട്ടാ​യ്മ​യും കോ​യ​മ്പ​ത്തൂ​ർ റോ​ട്ട​റി ക്ല​ബ്ബും അ​ട്ട​പ്പാ​ടി മി​ഷ​ന്‍റെ അ​ഭ്യു​ദയകാം​ക്ഷി​യു​മാ​യ ജോ​സ് ആ​ൻ​ഡ് ല​യ​ന കു​ടും​ബ​വും ചേ​ർ​ന്നാ​ണ് ഭ​വ​നനി​ർ​മാണം ന​ട​ത്തി​യ​ത്.

കഴിഞ്ഞദിവസം ​ന​ന്മ കൂ​ട്ടാ​യ്മ പ്ര​സി​ഡ​ന്‍റ് ഫാ. യൂ​ഹാ​നോൻ റ​മ്പാ​ൻ കോ​ർ എ​പ്പി​സ്കോ​പ്പ ഭ​വ​ന​ത്തി​ന്‍റെ താ​ക്കോ​ൽ കു​ഞ്ഞു​ങ്ങ​ൾ​ക്ക് കൈ​മാ​റി.​ അ​ട്ട​പ്പാ​ടി ട്രൈ​ബ​ൽ താ​ലൂ​ക്ക് ത​ഹ​സി​ൽ​ദാ​ർ ഷാ​ന​വാ​സ് ഖാ​ൻ, ഷോ​ള​യൂ​ർ പോ​ലീ​സ് സ​ബ് ഇ​ൻ​സ്പെ​ക്ട​ർ ഫൈ​സ​ൽ കോ​റോ​ത്ത്, ബി​നു എ​സ്. നാ​യ​ർ, ജോ​സ്, ലയ​ന എ​ന്നി​വ​ർ നാ​ടമു​റി​ച്ച് ഗൃ​ഹ​പ്ര​വേ​ശം ന​ട​ത്തി.​ തു​ട​ർ​ന്ന് വീ​ടി​ന്‍റെ പാ​ലു​കാ​ച്ച​ൽ ച​ട​ങ്ങും ന​ട​ന്നു. കു​ട്ടി​ക​ളു​ടെ സ്കൂ​ൾ അ​ധ്യാ​പ​ക​ർ, സ​ഹ​പാ​ഠി​ക​ൾ, സെ​ന്‍റ് ജെ​യിം​സ് സ്കൂ​ളി​ലെ അ​ധ്യാ​പ​ക​ർ, ന​ന്മ കൂ​ട്ടാ​യ്മ പ്ര​വ​ർ​ത്ത​ക​ർ, കോ​യ​മ്പ​ത്തൂ​ർ റോ​ട്ട​റി ക്ല​ബ് ഭാ​രാ​ഹി​ക​ൾ, പ്ര​ദേ​ശ​വാ​സി​ക​ൾ ച​ട​ങ്ങി​ൽ പ​ങ്കെ​ടു​ത്തു.