മല​ഞ്ച​ര​ക്ക് വി​പ​ണി സ​ജീ​വ​മാകുന്നു
Thursday, February 22, 2024 1:49 AM IST
വ​ട​ക്ക​ഞ്ചേ​രി: മ​ല​ഞ്ച​ര​ക്കു വി​പ​ണി ആ​രം​ഭി​ച്ച​പ്പോ​ൾ വി​പ​ണി പൊ​തു​വെ മാ​ന്ദ്യ​ത്തി​ലാ​ണെ​ങ്കി​ലും തോ​ട്ട​പ്പ​യ​ർ, കൊ​ക്കോ എ​ന്നി​വ​യു​ടെ വി​ല​ക​ളാ​ണു ഇ​ക്കു​റി കു​തി​ച്ചു​യ​രു​ന്ന​ത്.

ര​ണ്ടു ദി​വ​സം മു​മ്പു​വ​രെ കി​ലോ​യ്ക്ക് 850 രൂ​പ​യാ​യി​രു​ന്ന തോ​ട്ട​പ്പ​യ​ർ വി​ല. ഇ​ന്ന​ലെ 900 രൂ​പ​യി​ലെ​ത്തി​യെ​ന്ന് വ​ട​ക്ക​ഞ്ചേ​രി ടൗ​ണി​ൽ മെ​യി​ൻ റോ​ഡി​ലു​ള്ള പ്ര​മു​ഖ മ​ല​ഞ്ച​ര​ക്ക് സ്ഥാ​പ​ന​മാ​യ കേ​ര​ള സ്പൈ​സ​സ് ഉ​ട​മ ഷൈ​ബു കു​ര്യാ​ക്കോ​സ് പ​റ​ഞ്ഞു.

തോ​ട്ട​പ്പ​യ​ർ കി​ട്ടാ​നി​ല്ലാ​ത്ത സ്ഥി​തി​യു​മു​ണ്ട്. ക​ഴി​ഞ്ഞ​വ​ർ​ഷം കി​ലോ​യ്ക്ക് നാ​ന്നൂ​റി​ന​ടു​ത്തു മാ​ത്ര​മാ​യി​രു​ന്നു വി​ല.

ഉ​ൽ​പാ​ദ​നം കു​റ​ഞ്ഞ​താ​ണ് തോ​ട്ട​പ്പ​യ​ർ വി​ല കു​തി​ച്ചു​യ​രാ​ൻ കാ​ര​ണ​മാ​യി​ട്ടു​ള്ള​ത്. റ​ബ​റി​ന്‍റെ വി​ല​ക്കു​റ​വി​ൽ ന​ട്ടം തി​രി​യു​ന്ന ക​ർ​ഷ​ക​ർ​ക്കു ചെ​റി​യൊ​രു ആ​ശ്വാ​സ​മാ​ണ് തോ​ട്ട​പ്പ​യ​റി​ന്‍റെ വി​ല വ​ർ​ധ​ന​വ്.

കാ​ര്യ​മാ​യ പ​രി​ച​ര​ണ​മൊ​ന്നു​മി​ല്ലാ​തെ പ​ട​ർ​ന്നു നി​റ​യു​ന്ന തോ​ട്ട​പ്പ​യ​ർ മൂ​ല​ധ​ന​മി​റ​ക്കാ​തെ കി​ട്ടു​ന്ന ഉ​പ​വ​രു​മാ​നം കൂ​ടി​യാ​ണ്.

റ​ബ​ർ തൈ​ക​ളു​ടെ വ​ള​ർ​ച്ച വേ​ഗ​ത്തി​ലാ​ക്കാ​നും മ​ണ്ണൊ​ലി​പ്പു ത​ട​യാ​നും മ​ണ്ണി​ലെ ജ​ലാം​ശം സം​ര​ക്ഷി​ക്കാ​നു​മൊ​ക്കെ തോ​ട്ട​പ്പ​യ​റി​നോ​ളം മ​റ്റൊ​ന്നു​മി​ല്ലെ​ന്നാ​ണു ക​ർ​ഷ​ക​രും പ​റ​യു​ന്ന​ത്.

എ​ന്നാ​ൽ റ​ബ​ർ വി​ല​യി​ടി​വും സ​ർ​ക്കാ​രു​ക​ളു​ടെ ക​ർ​ഷ​ക വി​രു​ദ്ധ നി​ല​പാ​ടു​ക​ളും റീ​പ്ലാ​ന്‍റിം​ഗ് പ​ര​മാ​വ​ധി വൈ​കി​പ്പി​ച്ച് കി​ട്ടി​യ​തു​മ​തി എ​ന്ന സ​മീ​പ​ന​മാ​ണ് ക​ർ​ഷ​ക​രും സ്വീ​ക​രി​ച്ചു വ​രു​ന്ന​ത്.

ഇ​തു​മൂ​ലം തൈ​ത്തോ​ട്ട​ങ്ങ​ൾ ന​ന്നേ കു​റ​ഞ്ഞു. ഇ​തു തോ​ട്ട​പ്പ​യ​ർ ഉ​ൽ​പ്പാ​ദ​ന​ത്തേ​യും ബാ​ധി​ച്ചി​ട്ടു​ണ്ടെ​ന്നു എ​ള​വ​മ്പാ​ടം മാ​തൃ​കാ റ​ബ​ർ ഉ​ൽ​പാ​ദ​ക സം​ഘം ഡ​യ​റ​ക്ട​ർ ഡെ​ന്നി തെ​ങ്ങും​പ​ള്ളി പ​റ​ഞ്ഞു.

തോ​ട്ട​പ്പ​യ​റി​നു പ​ക​രം പൈ​നാ​പ്പി​ൾ കൃ​ഷി​ക്കാ​യി സ്ഥ​ലം വി​ട്ടു​കൊ​ടു​ക്കു​ന്ന​തും വ്യാ​പ​ക​മാ​യി​ട്ടു​ണ്ട്.

ഇ​തു​വ​ഴി മൂ​ന്നു​വ​ർ​ഷ​ത്തെ റ​ബ​ർ തൈ​ക​ളു​ടെ പ​രി​ച​ര​ണ​വും പൈ​നാ​പ്പി​ൾ ക​രാ​റു​കാ​ർ ന​ട​ത്തും.
കൊ​ക്കോ​യു​ടെ വി​ല​യാ​ണ് ഇ​ക്കു​റി കു​തി​ച്ചു​യ​ർ​ന്നു നി​ൽ​ക്കു​ന്ന മ​റ്റൊ​രു ഇ​നം. ക​ഴി​ഞ്ഞ​വ​ർ​ഷം 180 രൂ​പ​യാ​യി​രു​ന്ന​തു ഇ​പ്പോ​ൾ 430 രൂ​പ വ​രെ എ​ത്തി​യി​ട്ടു​ണ്ട്.

മ​ഞ്ഞ​ൾ വി​ല​യി​ലും വ​ർ​ധ​ന​വു​ണ്ട്. ക​ഴി​ഞ്ഞ​വ​ർ​ഷം 120 രൂ​പ​യാ​യി​രു​ന്ന​തു ഇ​പ്പോ​ൾ 180 രൂ​പ വ​രെ​യാ​യി.

സീ​സ​ണി​ന്‍റെ തു​ട​ക്ക​ത്തി​ൽ കു​രു​മു​ള​കു​വി​ല ഉ​യ​ർ​ന്നു വ​ന്നെ​ങ്കി​ലും പി​ന്നീ​ടു പു​റ​കോ​ട്ടു​പോ​യി. ര​ണ്ടു​ദി​വ​സം കൊ​ണ്ട് പ​ത്തു​രൂ​പ വീ​ണ്ടും കു​റ​ഞ്ഞ് ഇ​പ്പോ​ൾ 500 രൂ​പ​യാ​യി താ​ഴ്ന്നു.

ചു​ക്കി​നും വി​ല കു​റ​ഞ്ഞു. കാ​ല​വ​ർ​ഷം നീ​ണ്ടു​നി​ന്ന​തി​നാ​ൽ മാ​ങ്ങ, ച​ക്ക ഉ​ൽ​പാ​ദ​ന​ത്തി​ലെ കു​റ​വു​പോ​ലെ ക​ശു​വ​ണ്ടി ഉ​ൽ​പാ​ദ​ന​വും കു​റ​വാ​ണ്. എ​ന്നാ​ൽ ക​ശു​വ​ണ്ടി വി​ല​യി​ൽ വ​ർ​ധ​ന​വു​മി​ല്ല. കി​ലോ​ക്ക് 105 രൂ​പ​യാ​ണ് പ​ര​മാ​വ​ധി വി​ല.