മാ​ള: ‘ഓ​ടാം ന​മു​ക്ക് ന​ന്മ നി​റ​ഞ്ഞ ഒ​രു ത​ല​മു​റ​യ്ക്കാ​യി’ എ​ന്ന ആ​പ്ത​വാ​ക്യ​വു​മാ​യി മാ​ള ഹോ​ളി ഗ്രേ​സ് ഗ്രൂ​പ്പ് ഓ​ഫ് ഇ​ൻ​സ്റ്റി​റ്റ്യൂ​ഷൻസിന്‍റെ നേ​തൃ​ത്വ​ത്തി​ൽ ന​ട​ന്ന മാ​ള മാ​ര​ത്ത​ൺ 2025 ആ​വേ​ശ​മാ​യി. ര​ണ്ടാ​യി​ര​ത്തോ​ളം​പേ​ർ പ​ങ്കെ​ടു​ത്ത മാ​ര​ത്ത​ൺ വി.​ആ​ർ. സു​നി​ൽ​കു​മാ​ർ എം​എ​ൽ​എ ഫ്ലാ​ഗ്ഓ​ഫ് ചെ​യ്തു.

മാ​ള ബ്ലോ​ക്ക് പ​ഞ്ചാ​യ​ത്ത് മെ​മ്പ​ർ എ.​എ. അ​ഷ​റ​ഫ്, മാ​ള ജു​മാ മ​സ്ജി​ദ് ഇ​മാം ജ​നാ​ബ് സു​ബൈ​ർ മ​ന്നാ​നി എ​ന്നി​വ​ർ സം​സാ​രി​ച്ചു. മാ​രാ​ത്ത​ണി​ന് മു​ന്നോ​ടി​യാ​യി​ന​ട​ന്ന സും​ബാ ഡാ​ൻ​സ് മ​ത്സ​രാ​ർ​ഥി​ക​ൾ​ക്ക് ആ​വേ​ശ​മാ​യി. മാ​ള സെ​ന്‍റ് ആ​ന്‍റ​ണീ​സ് സ്കൂ​ൾ ഗ്രൗ​ണ്ടി​ൽ​നി​ന്നു ആ​രം​ഭി​ച്ച ഫ​ൺ റ​ൺ തോ​മ​സ് ഉ​ണ്ണി​യാ​ട​ൻ ഫ്ലാ​ഗ്ഓ​ഫ് ചെ​യ്തു.

മാ​ള മാ​ര​ത്ത​ണി​ന്‍റെ സ​മാ​പ​ന​സ​മ്മേ​ള​നം തോ​മ​സ് ഉ​ണ്ണി​യാ​ട​ൻ ഉ​ദ്ഘാ​ട​നം​ചെ​യ്തു. മാ​ള ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ബി​ന്ദു ബാ​ബു, ഹോ​ളി​ഗ്രേ​സ് ഗ്രൂ​പ്പ് ഓ​ഫ് ഇ​ൻ​സ്റ്റി​റ്റ്യൂ​ഷ​ൻ ചെ​യ​ർ​മാ​ൻ സാ​നി എ​ടാ​ട്ടു​കാ​ര​ൻ, ഹോ​ളി​ഗ്രേ​സ് അ​ക്കാ​ദ​മി ചെ​യ​ർ​മാ​ൻ ബെ​ന്നി ജോ​ൺ ഐ​നി​ക്ക​ൽ, ഫാ​ർ​മ​സി കോ​ള​ജ് ഡ​യ​റ​ക്ട​ർ ഡോ. ​അ​ജി​ത്കു​മാ​ർ, എ​ൻ​ജി​നീ​യ​റിം​ഗ് കോ​ള​ജ് ഡ​യ​റ​ക്ട​ർ എ​സ്. ച​ന്ദ്ര​കാ​ന്ത, എം​ബി​എ കോ​ള​ജ് ഡ​യ​റ​ക്ട​ർ ഡോ. ​ജി​യോ ബേ​ബി എ​ന്നി​വ​ർ സം​സാ​രി​ച്ചു.

10 കി​ലോ​മീ​റ്റ​ർ പു​രു​ഷ​വി​ഭാ​ഗ​ത്തി​ൽ കാ​ലി​ക്ക​ട്ട് യൂ​ണി​വേ​ഴ്സി​റ്റി​യു​ടെ ‌ദേ​ശീ​യ​താ​രം ന​ബീ​ൽ സ​ഹി ഒ​ന്നാം​സ്ഥാ​ന​വും ദേ​ശീ​യ​താ​രം സ​ന്ദീ​പ് ര​ണ്ടാം​സ്ഥാ​ന​വും ദേ​ശീ​യ​താ​രം ആ​ർ.​എ​സ്. മ​നോ​ജ് മൂ​ന്നാം​സ്ഥാ​ന​വും ക​ര​സ്ഥ​മാ​ക്കി. 10 കി​ലോ​മീ​റ്റ​ർ വ​നി​താ​വി​ഭാ​ഗ​ത്തി​ൽ വി. ​ര​ഞ്ജി​ത ഒ​ന്നാം​സ്ഥാ​ന​വും പൗ​ർ​ണ​മി ര​ണ്ടാം​സ്ഥാ​ന​വും സു​പ്രി​യ മൂ​ന്നാം​സ്ഥാ​ന​വും​നേ​ടി.