എ​രു​മ​പ്പെ​ട്ടി: വി​യ​റ്റ്നാ​മി​ൽ ക​ണ്ടു വ​രു​ന്ന ഗാ​ക് ഫ്രൂ​ട്ട് വീ​ട്ടു​മു​റ്റ​ത്ത് വി​ള​യി​ച്ചി​രി​ക്കു​ക​യാ​ണ് എ​രു​മ​പ്പെ​ട്ടി കു​ണ്ട​ന്നൂ​ർ വ​ട​ക്കൂ​ട്ട് ബാ​ബു​വും കു​ടും​ബ​വും.​ കൃ​ഷി വ്യാ​ വ​സാ​യി​ക അ​ടി​സ്ഥാ​ന​ത്തി​ൽ വി​പു​ലീ​ക​രി​ക്കു​വാ​നാ​ണ് ഇ​വ​രു​ടെ ശ്ര​മം. കാ​യ്ക്കു​മ്പോ​ൾ പ​ച്ച​, മൂ​പ്പെ​ത്തു​മ്പോ​ൾ മ​ഞ്ഞ​യും ഓ​റ​ഞ്ചും, പ​ഴു​ക്കു​മ്പോ​ൾ ചു​വ​പ്പ് നി​റം. ഈ ​വൈ​വി​ധ്യ​മാ​ണ് ഗാ​ക് ഫ്രൂ​ട്ടി​നെ മ​റ്റു പ​ഴ​ങ്ങ​ളി​ൽ നി​ന്ന് വ്യ​ത്യ​സ്ഥ​മാ​ക്കു​ന്ന​ത്.​

വ​ള്ളി​ച്ചെ​ടി​യി​ൽ വി​ള​യു​ന്ന പു​ റം​തോ​ടി​ൽ മു​ള്ളു​ക​ളു​ള്ള ഈ ​പ​ഴം മു​മ്പ് വി​യ്റ്റ​നാ​മി​ലാണു കൃ​ഷി ചെ​യ്തി​രു​ന്ന​ത്. എ​ന്നാ​ൽ ഇ​പ്പോ​ൾ കേ​ര​ള​ത്തി​ന്‍റെ പ​ല ഭാ​ഗ​ങ്ങ​ളി​ലും ഗാ​ക് ഫ്രൂ​ട്ട് വി​ള​യി​ക്കു​ന്നു​ണ്ട്. റേ​ഷ​ൻ വ്യാ​പാ​രി​യാ​യ ബാ​ബു ഒ​ന്ന​ര വ​ർ​ഷം മു​മ്പാ​ണ് ഗാ​ക്ക് ഫ്രൂ​ട്ട് വീ​ട്ടുമു​റ്റ​ത്ത് കൃ​ഷി ചെ​യ്ത​ത്.​

ഇ​പ്പോ​ൾ വാ​ണി​ജ്യാ​ടി​സ്ഥാ​ന​ത്തി​ൽ ഇ​തി​ന്‍റെ വി​ത്തെ​ടു​ത്ത് വി​ല്പന ന​ട​ത്തു​ന്നു​ണ്ട്.
ത​ണു​പ്പു​ള്ള കാ​ലാ​വ​സ്ഥ​യി​ലാ​ണ് ഗാ​ക് ഫ്രൂ​ട്ട് കൂ​ടു​ത​ൽ വി​ള​വുല​ഭി​ക്കു​ന്ന​ത്.​ ഒ​രേ ചെ​ടി​യി​ൽ ത​ന്നെ ആ​ൺ, പെ​ൺ പൂ​വു​ക​ൾ വി​രി​യും. പൂ​മ്പൊ​ടി​യെ​ടു​ത്ത് നേ​രി​ട്ട് പ​രാ​ഗ​ണം ന​ട​ത്തു​മ്പോ​ഴാ​ണ് മി​ക​ച്ച വി​ള​വ് ല​ഭി​ക്കു​ക. പ​രാ​ഗ​ണം ചെ​യ്യു​വാ​നും പ​രി​പാ​ലി​ക്കു​വാ​നും ബാ​ബു​വി​ന്‍റെ ഭാ​ര്യ അ​ധ്യാ​പി​ക​യാ​യ ജാ​ൻ​സി​യും കു​ട്ടി​ക​ളാ​യ ബെ​ന​റ്റും ബെ​നി​റ്റും സ​ഹാ​യി​ക്കും.

വൈ​റ്റ​മി​ൻ സി ​യു​ടേ​യും എ ​യു​ടേ​യും ക​ല​വ​റ​യാ​ണ് ഗാ​ക് ഫ്രൂ​ട്ട്.​ പ​ലവി​ധ രോ​ഗ​ങ്ങ​ളെ പ്ര​തി​രോ​ധി​ക്കു​വാ​നും ച​ർ​മസം​ര​ക്ഷ​ണ​ത്തി​നും ഉ​ത്ത​മ​മാ​ണെ​ന്ന് പ​ഠ​ന​ങ്ങ​ൾ പറയുന്നു. ഇ​ള​നീ​രി​ന്‍റെ രു​ചി​യോ​ട് സാ​മ്യ​മു​ള്ള ഫ്രൂ​ട്ടി​ന്‍റെ ഉ​ള്ളി​ലു​ള്ള മാം​സ​ള​മാ​യ ഭാ​ഗം ഷെ​യ്ക്ക് ജൂ​സ​ടി​ച്ചും സ് ക്വാ​ഷാ​ക്കി​യും ഉ​പ​യോ​ഗി​ക്കാം.