കായിക അധ്യാപകരുടെ വാർഷിക സമ്മേളനവും യാത്രയപ്പും
1539005
Wednesday, April 2, 2025 11:48 PM IST
ഈരാറ്റുപേട്ട: എംജി യൂണിവേഴ്സിറ്റിയിലെ കായിക അധ്യാപക സംഘടനയുടെ വാർഷിക സംഗമവും അധ്യാപകർക്കുള്ള യാത്രയയപ്പും ഇന്നും നാളെയുമായി കെഡിഎച്ച്പി ക്ലബിൽ നടക്കും. ഇന്ന് എംജി യൂണിവേഴ്സിറ്റിയിലെ വിവിധ കോളജുകളിൽനിന്നുള്ള കായിക അധ്യാപകരുടെ സ്പോർട്സ് മത്സരങ്ങളും വാർഷിക സമ്മേളനവും നടക്കും.
നാളെ ഈ വർഷം വിരമിക്കുന്ന മഹാത്മാഗാന്ധി യൂണിവേഴ്സിറ്റിയിലെ കായിക അധ്യാപകരായ ഡോ. ജോർജ് ജോസഫ് (കായിക വിഭാഗം മേധാവി, ഗവ. കോളജ് കോട്ടയം), ഡോ. കെ.എം. ബെന്നി (പ്രിൻസിപ്പൽ, സെന്റ്് ജോസഫ് ട്രെയിനിംഗ് കോളജ്, മാന്നാനം) ഡോ. കെ.പി. സജിലാൽ ( മുൻ കായിക വിഭാഗം മേധാവി, ഡിബി കോളജ്, തലയോലപ്പറമ്പ് ) എന്നിവർക്ക് യാത്രയയപ്പ് നൽകും.
യാത്രയയപ്പ് സമ്മേളനത്തിൽ അസോസിയേഷൻ ഓഫ് കോളജ് ടീച്ചേഴ്സ് ഇൻ ഫിസിക്കൽ എഡ്യൂക്കേഷൻ പ്രസിഡന്റ് ജോസ് സേവ്യർ അധ്യക്ഷത വഹിക്കും. സിൻഡിക്കറ്റംഗം ഡോ. ബിജു തോമസ്, യൂണിവേഴ്സിറ്റി ഫിസിക്കൽ എഡ്യൂക്കേഷൻ ഡയറക്ടർ ഡോ. ബിനു ജോർജ് വർഗീസ് എന്നിവർ മുഖ്യാതിഥികളായിരിക്കും. അസോസിയേഷൻ സെക്രട്ടറി കെ.ജി. ഹനീഫ, ട്രഷറർ ഡോ.വിയാനി ചാർലി, എന്നവർ പ്രസംഗിക്കും. വിവിധ കോളജുകളിൽനിന്നുള്ള 300 ഓളം കായിക അധ്യാപകർ യോഗത്തിൽ പങ്കെടുക്കും.