അ​ടി​മാ​ലി: മാ​ങ്കു​ള​ത്തി​ന്‍റെ വി​ക​സ​ന​ത്തി​ന് സ​ഹാ​യ​ക​ര​മാ​കു​ന്ന ആ​ലു​വ-​മൂ​ന്നാ​ർ​പ​ഴ​യ രാ​ജ​പാ​ത, മ​ല​യോ​ര ഹൈ​വേ എ​ന്നീ റോ​ഡു​ക​ളു​മാ​യി ബ​ന്ധ​പ്പെ​ട്ട് സ്വീ​ക​രി​ക്കേ​ണ്ട തു​ട​ർ​ന​ട​പ​ടി​ക​ളു​മാ​യി ബ​ന്ധ​പ്പെ​ട്ട് മാ​ങ്കു​ളം പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ സ​ർ​വ​ക​ക്ഷി യോ​ഗം ചേ​ർ​ന്നു.

അ​ഡ്വ. എ. ​രാ​ജ എം​എ​ൽ​എ​യു​ടെ സാ​ന്നി​ധ്യ​ത്തി​ലാ​യി​രു​ന്നു യോ​ഗം. പ​ഞ്ചാ​യ​ത്ത് പ്ര​സി​ഡ​ന്‍റ് ഗീ​ത ആ​ന​ന്ദ് അ​ധ്യ​ക്ഷ​ത വ​ഹി​ച്ചു.

യോ​ഗ​ത്തി​ൽ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് രാ​രി​ച്ച​ൻ നീ​റ​ണാ​ക്കു​ന്നേ​ൽ, പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് അ​നി​ൽ ആ​ന്‍റ​ണി, ജി​ല്ലാ പ​ഞ്ചാ​യ​ത്തം​ഗം അ​ഡ്വ. ഭ​വ്യ, ബ്ലോ​ക്ക് പ​ഞ്ചാ​യ​ത്തം​ഗം പ്ര​വീ​ണ്‍ ജോ​സ്, പ​ഞ്ചാ​യ​ത്തം​ഗ​ങ്ങ​ൾ, വി​വി​ധ രാ​ഷ്‌​ട്രീ​യ പാ​ർ​ട്ടി പ്ര​തി​നി​ധി​ക​ൾ, വി​വി​ധ സം​ഘ​ട​നാ പ്ര​തി​നി​ധി​ക​ൾ എ​ന്നി​വ​ർ പ​ങ്കെ​ടു​ത്തു.

മ​ല​യോ​ര ഹൈ​വേ​യു​ടെ അ​ലൈ​ൻ​മെ​ന്‍റു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളും രാ​ജ​പാ​ത തു​റ​ക്കു​ന്ന​തു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ളും യോ​ഗം ച​ർ​ച്ച ചെ​യ്തു.

ഇ​രു പാ​ത​ക​ളു​ടെ​യും കാ​ര്യ​ത്തി​ൽ ഇ​തു​വ​രെ ഉ​ണ്ടാ​യി​ട്ടു​ള്ള പു​രോ​ഗ​തി​യും കോ​ട​തി വ്യ​വ​ഹാ​ര​ങ്ങ​ളു​ടെ ത​ൽ​സ്ഥി​തി​യ​ട​ക്ക​മു​ള്ള കാ​ര്യ​ങ്ങ​ളും യോ​ഗ​ത്തി​ൽ പ​ങ്കെ​ടു​ത്ത​വ​ർ വി​ശ​ദീ​ക​രി​ച്ചു. പാ​ത​ക​ളു​ടെ കാ​ര്യ​ത്തി​ൽ നി​യ​മ​സ​ഭ​യി​ൽ എ​ടു​ത്തി​ട്ടു​ള്ള നി​ല​പാ​ടു​ക​ളും ഇ​ട​പെ​ട​ലു​ക​ളും യോ​ഗ​ത്തി​ൽ എം​എ​ൽ​എ വ്യ​ക്ത​മാ​ക്കി. പാ​ത​ക​ൾ യാ​ഥാ​ർ​ഥ്യ​മാ​ക്കു​ന്ന​തി​നാ​യി ഭ​ര​ണ​ത​ല​ത്തി​ൽ കൂ​ടു​ത​ൽ സ​മ്മ​ർ​ദം ചെ​ലു​ത്ത​ണ​മെ​ന്ന ആ​വ​ശ്യം വി​വി​ധ രാ​ഷ്‌​ട്രീ​യ പാ​ർ​ട്ടി പ്ര​തി​നി​ധി​ക​ൾ എം​എ​ൽ​എ​യോ​ട് ആ​വ​ശ്യ​പ്പെ​ട്ടു.

ഇ​ളം​ബ്ലാ​ശേ​രി മു​ത​ൽ കു​റ​ത്തി​ക്കു​ടി​വ​രെ​യു​ള്ള ഭാ​ഗ​ത്തെ യാ​ത്ര​യ്ക്കാ​യി നി​ല​നി​ൽ​ക്കു​ന്ന ത​ട​സം സം​ബ​ന്ധി​ച്ചും വ​നം​വ​കു​പ്പി​ന്‍റെ ഇ​ട​പെ​ട​ൽ സം​ബ​ന്ധി​ച്ചും കൃ​ത്യ​മാ​യ ഇ​ട​പെ​ട​ൽ സ​ർ​ക്കാ​രി​ന്‍റെ ഭാ​ഗ​ത്തു​നി​ന്ന് ഉ​ണ്ടാ​ക​ണ​മെ​ന്നും യോ​ഗ​ത്തി​ൽ ആ​വ​ശ്യം ഉ​യ​ർ​ന്നു.

ഇ​തു​വ​ഴി​യു​ള്ള യാ​ത്രാ ത​ട​സം നീ​ക്ക​ണ​മെ​ന്നാ​വ​ശ്യ​പ്പെ​ട്ട് മു​ഖ്യ​മ​ന്ത്രി​യ​ട​ക്ക​മു​ള്ള മ​ന്ത്രി​മാ​രെ നേ​രി​ൽ​ക്ക​ണ്ട് കാ​ര്യ​ങ്ങ​ൾ ബോ​ധ്യ​പ്പെ​ടു​ത്താ​ൻ സ​ർ​വ​ക​ക്ഷി യോ​ഗം തീ​രു​മാ​നി​ച്ച​താ​യി എം​എ​ൽ​എ പ​റ​ഞ്ഞു.