ക​ട്ട​പ്പ​ന : ന​ഗ​ര​സ​ഭ​യു​ടെ 2025 -26 വ​ർ​ഷ​ത്തെ ബ​ജ​റ്റ് ന​ഗ​ര​സ​ഭാ വൈ​സ് ചെ​യ​ർ​മാ​ൻ അ​ഡ്വ. കെ.​ജെ. ബെ​ന്നി അ​വ​ത​രി​പ്പി​ച്ചു. 101,33,02,503 രൂ​പ വ​ര​വും 93,43,29,703 രൂ​പ ചെ​ല​വും 7,89,72,800 രൂ​പ മി​ച്ച​വും പ്ര​തീ​ക്ഷി​ക്കു​ന്ന ബ​ജ​റ്റാ​ണ് അ​വ​ത​രി​പ്പി​ച്ച​ത്. ക​ട്ട​പ്പ​ന താ​ലൂ​ക്ക് ആ​ശു​പ​ത്രി​യെ ഘ​ട്ടം​ഘ​ട്ട​മാ​യി സൂ​പ്പ​ർ സ്പെ​ഷ്യാ​ലി​റ്റി ആ​ശു​പ​ത്രി​യാ​യി ഉ​യ​ർ​ത്തു​ക എ​ന്ന ല​ക്ഷ്യ​ത്തോ​ടെ ആ​ശു​പ​ത്രി​യു​ടെ പ്ര​വ​ർ​ത്ത​ന​ങ്ങ​ൾ​ക്ക് കൂ​ടു​ത​ൽ സ്ഥ​ലം ഏ​റ്റെ​ടു​ക്കു​ന്ന​തി​ന് 75 ല​ക്ഷം രൂ​പ ബ​ജ​റ്റി​ൽ വ​ക​യി​രു​ത്തി​യി​ട്ടു​ണ്ട്.

മാ​ലി​ന്യ സം​സ്ക​ര​ണ​ത്തി​ന് കൂ​ടു​ത​ൽ പ്രാ​ധാ​ന്യം ന​ൽ​കി സ്ഥ​ല​പ​രി​മി​തി പ​രി​ഹ​രി​ക്കു​ന്ന​തി​ന് 20 ല​ക്ഷം രൂ​പ വ​ക​യി​രു​ത്തി. തൊ​ടു​പു​ഴ - പു​ളി​യ​ന്മ​ല നാ​ഷ​ണ​ൽ ഹൈ​വേ​യി​ൽ ക​മ്പ​നി​പ്പ​ടി​യി​ൽ താ​മ​സി​ക്കു​ന്ന സ്വ​ന്ത​മാ​യി വീ​ടോ സ്ഥ​ല​മോ മ​റ്റ് ആ​വാ​സ വ്യ​വ​സ്ഥ​ക​ളോ ഇ​ല്ലാ​ത്ത ജ​ന​ങ്ങ​ളെ പു​ന​ര​ധി​വ​സി​പ്പി​ക്കു​ന്ന​തി​ന് സ്ഥ​ലം വാ​ങ്ങു​ന്ന​തി​നാ​യി 25 ല​ക്ഷം രൂ​പ വ​ക​യി​രു​ത്തി. ന​ഗ​ര​പ്ര​ദേ​ശ​ങ്ങ​ളി​ലും ഗ്രാ​മ​ങ്ങ​ളി​ലും എ​ൽ​ഇ​ഡി ലൈ​റ്റു​ക​ൾ സ്ഥാ​പി​ക്കു​ന്ന​തി​നാ​യി 20 ല​ക്ഷം രൂ​പ വ​ക​യി​രു​ത്തി.

ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ സോ​ളാ​ർ ലൈ​റ്റു​ക​ൾ സ്ഥാ​പി​ക്കു​ന്ന​തി​ന് ഇ​രു​പ​ത്തി ര​ണ്ട് ല​ക്ഷം രൂ​പ വ​ക​യു​രു​ത്തി. ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ സി​സി​ടി​വി, എ​ഐ കാ​മ​റ​ക​ൾ സ്ഥാ​പി​ക്കു​ന്ന​തി​ന് 10 ല​ക്ഷം രൂ​പ വ​ക​യി​രു​ത്തി. ക​ർ​ഷ​ക​രു​ടെ വി​വി​ധ പ​ദ്ധ​തി​ക​ൾ​ക്കാ​യി 28 ല​ക്ഷം രൂ​പ​യും ജ​ല​സേ​ച​ന പ​മ്പ് സെ​റ്റ് വി​ത​ര​ണ​ത്തി​നാ​യി 17 ല​ക്ഷം രൂ​പ​യും പ​ച്ച​ക്ക​റി തൈ ​വി​ത​ര​ണ​ത്തി​ന് ര​ണ്ടു ല​ക്ഷം രൂ​പ​യും വ​ക​യി​രു​ത്തി​യി​ട്ടു​ണ്ട്. ക്ഷീ​ര ക​ർ​ഷ​ക​ർ​ക്ക് ഇ​ൻ​സെ​ന്‍റീ​വ് ന​ൽ​കു​ന്ന​തി​നാ​യി 20 ല​ക്ഷം രൂ​പ​യും കൃ​ഷി​ഭ​വ​ൻ നി​ർ​മാ​ണ​ത്തി​നാ​യി 15 ല​ക്ഷം രൂ​പ​യും വ​ക​യി​രു​ത്തി. ക​ല്യാ​ണ​ത്ത​ണ്ട് ടൂ​റി​സം പ​ദ്ധ​തി​ക്കാ​യി 30 ല​ക്ഷം രൂ​പ ഉ​ൾ​ക്കൊ​ള്ളി​ച്ചു. വ​നി​ത​ക​ളു​ടെ സ്വ​യം​തൊ​ഴി​ൽ സം​രം​ഭ​ങ്ങ​ൾ​ക്ക് സ​ബ്സി​ഡി ന​ൽ​കു​ന്ന​തി​ന് 30 ല​ക്ഷ​ത്തി അ​റു​പ​തി​നാ​യി​രം രൂ​പ വ​ക​യി​രു​ത്തി.

മു​ൻ​സി​പ്പ​ൽ ഓ​ഫീ​സി​ന് മു​ക​ളി​ൽ സോ​ളാ​ർ പാ​ന​ൽ സ്ഥാ​പി​ക്കു​ന്ന​തി​നാ​യി 10 ല​ക്ഷം രൂ​പ വ​ക​യി​രു​ത്തി.