തൊ​ടു​പു​ഴ: ന​ഗ​ര​ത്തി​ലെ കോ​ള​ജി​ൽ വി​ദ്യാ​ർ​ഥി​ക​ളു​ടെ യാ​ത്ര​യ​യ​പ്പു​മാ​യി ബ​ന്ധ​പ്പെ​ട്ട് ഉ​ണ്ടാ​യ സം​ഘ​ർ​ഷ​ത്തി​നു പി​ന്നാ​ലെ പോ​ലീ​സി​നെ കൈ​യേ​റ്റംചെ​യ്യാ​ൻ ശ്ര​മി​ച്ച സം​ഭ​വ​ത്തി​ൽ എ​സ്എ​ഫ്ഐ പ്ര​വ​ർ​ത്ത​ക​രാ​യ മൂ​ന്നു വി​ദ്യാ​ർ​ഥി​ക​ളെ ക​സ്റ്റ​ഡി​യി​ലെ​ടു​ത്തു. ഇ​ന്ന​ലെ വൈ​കു​ന്നേ​ര​മാ​ണ് കോ​ള​ജി​ൽ യാ​ത്ര​യ​യ​പ്പു​മാ​യി ബ​ന്ധ​പ്പെ​ട്ടു വി​ദ്യാ​ർ​ഥി​ക​ൾ ചേ​രിതി​രി​ഞ്ഞ് സം​ഘ​ർ​ഷം ഉ​ണ്ടാ​ക്കിയ​ത്. വി​വ​രം അ​റി​ഞ്ഞ് പോ​ലീ​സെ​ത്തി ഇ​വ​രെ കോ​ള​ജി​ൽനി​ന്ന് ബ​ല​മാ​യി ഒ​ഴി​വാ​ക്കി. പി​ന്നീ​ടു വി​ദ്യാ​ർ​ഥി​ക​ൾ വ​ട​ക്കും​മു​റി ജംഗ്‌ഷനി​ലു​ള്ള ചാ​യ​ക്ക​ട​യി​ൽ എ​ത്തി. ഇ​വി​ടെ​യും ഇ​രു വി​ഭാ​ഗങ്ങൾ തമ്മിൽ സം​ഘ​ർ​ഷം ഉ​ണ്ടാ​യി.

വി​വ​രം അ​റി​ഞ്ഞെ​ത്തി​യ പോ​ലീ​സ് ഇ​വി​ടെ കൂ​ടു​ത​ൽ പ്ര​ശ്നം ഉ​ണ്ടാ​ക്കി​യ ഒ​രു വി​ദ്യാ​ർ​ഥി​യെ പി​ടി​കൂ​ടി വാ​ഹ​ന​ത്തി​ൽ ക​യ​റ്റി. എ​ന്നാ​ൽ ഇ​യാ​ളെ മാ​ത്രം കൊ​ണ്ടുപോ​കാ​ൻ പ​റ്റി​ല്ലെ​ന്നു പ​റ​ഞ്ഞ് ഒ​രു സം​ഘം എ​സ്എ​ഫ്ഐ പ്ര​വ​ർ​ത്ത​ക​ർ ബ​ലം പ്ര​യോ​ഗി​ച്ച് പോ​ലീ​സ് ജീ​പ്പി​ൽ ക​യ​റ്റി​യ വി​ദ്യാർ​ഥി​യെ ഇ​റ​ക്കി വി​ട്ടു.

ഇ​തി​നി​ടെ എ​സ്ഐ ഉ​ൾ​പ്പെ​ടെ​യു​ള്ള പോ​ലീ​സു​കാ​രു​മാ​യി ഉ​ന്തും ത​ള്ളും ഉ​ണ്ടാ​യി. വി​ദ്യാ​ർ​ഥി​ക​ൾ പ​ര​സ്യ​മാ​യി പോ​ലീ​സി​നെ വെ​ല്ലുവി​ളി​ക്കു​ക​യും ചെ​യ്തു. ഇ​വി​ടെ ഏ​റെ നേ​രം ക്യാ​ന്പ് ചെ​യ്ത പോ​ലീ​സ് സം​ഘം ഇ​വി​ടെ സം​ഘ​ർ​ഷം ഉ​ണ്ടാ​ക്കി​യ വി​ദ്യാ​ർ​ഥി​ക​ളെ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. പോ​ലീ​സി​നെ കൈ​യേ​റ്റം ചെ​യ്ത​ത ​ും കൃ​ത്യ​നി​ർ​വ​ഹ​ണം ത​ട​സ​പ്പെ​ടു​ത്തി​യ​തും ഉ​ൾ​പ്പെ​ടെ​യു​ള്ള വ​കു​പ്പു​ക​ൾ ചേ​ർ​ത്ത് കേ​സ് എ​ടു​ക്കു​മെ​ന്ന് പോ​ലീ​സ് പ​റ​ഞ്ഞു.