മൂ​ന്നാ​ർ : സാ​ഹ​സി​ക​ത ഇ​ഷ്ട​പ്പെ​ടു​ന്ന ചെ​റു​പ്പ​ക്കാ​ർ​ക്ക് ശാ​സ്ത്രീ​യ​മാ​യ പ​രി​ശീ​ല​നം ന​ൽ​കി സ​മൂ​ഹ​ത്തി​ന് ഉ​പ​യോ​ഗ​പ്പെ​ടു​ത്താ​ൻ അ​വ​രെ പ​ര്യാ​പ്ത​മാ​ക്കു​മെ​ന്ന് മ​ന്ത്രി സ​ജി ചെ​റി​യാ​ൻ. മൂ​ന്നാ​ർ ദേ​വി​കു​ള​ത്ത് സാ​ഹ​സി​ക അ​ക്കാ​ദ​മി​യു​ടെ പു​തി​യ മ​ന്ദി​ര​ത്തി​ന്‍റെ നി​ർ​മാ​ണോ​ദ്ഘാ​ട​നം നി​ർ​വ​ഹി​ക്കു​ക​യാ​യി​രു​ന്നു മ​ന്ത്രി.

അ​ക്കാ​ദ​മി​യെ ദേ​ശീ​യ​നി​ല​വാ​ര​ത്തി​ലെ​ത്തി​ക്കാ​ൻ എ​ല്ലാ വി​ധ പ​രി​ശ്ര​മ​ങ്ങ​ളും ന​ട​ത്തു​മെ​ന്നും മ​ന്ത്രി അ​റി​യി​ച്ചു. ടൂ​റി​സം പോ​ലെ​ത​ന്നെ പ്രോ​ത്സാ​ഹി​പ്പി​ക്കാ​ൻ ക​ഴി​യു​ന്ന ഇ​ട​ങ്ങ​ളാ​ണ് ക​ട​ലോ​രം, സ​മ​ത​ലം, മ​ല​യോ​രം. എ​ന്ത് ചെ​യ്യ​ണ​മെ​ന്ന് അ​റി​യാ​തെ ക​ഴി​യു​ന്ന ധാ​രാ​ളം ചെ​റു​പ്പ​ക്കാ​രു​ണ്ട്. ഇ​വ​രെ ടൂ​റി​സം രം​ഗ​ത്ത് എ​ത്തി​ക്കു​ന്ന​തി​ന് ന​ട​പ​ടി ഉ​ണ്ടാ​ക​ണം.

ഈ ​കാ​ര്യ​ത്തി​ൽ അ​ക്കാ​ദ​മി​ക്ക് ന​ല്ല പ​ങ്ക് വ​ഹി​ക്കാ​ൻ ക​ഴി​യ​ണം - മ​ന്ത്രി പ​റ​ഞ്ഞു. 16592 ച​തു​ര​ശ്ര അ​ടി​യി​ൽ 9.63 കോ​ടി രൂ​പ​യാ​ണ് പു​തി​യ നി​ർ​മാ​ണ​ത്തി​നാ​യി വ​ക​യി​രു​ത്തി​യി​ട്ടു​ള്ള​ത്. എ​ന്നാ​ൽ, കൂ​ടു​ത​ൽ സ്ഥ​ലം ല​ഭ്യ​മാ​ക്കു​ന്ന​തി​നും സൗ​ക​ര്യ​ങ്ങ​ൾ വ​ർ​ധി​പ്പി​ക്കു​ന്ന​തി​നും 11 കോ​ടി രൂ​പ​യോ​ളം ചെ​ല​വ് വ​രു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്. വി​നോ​ദ സ​ഞ്ചാ​ര മേ​ഖ​ല​യാ​യ മൂ​ന്നാ​റി​ലെ ജ​ന​ങ്ങ​ളു​ടെ ദീ​ർ​ഘ നാ​ള​ത്തെ ആ​ഗ്ര​ഹ​മാ​യ തി​യ​റ്റ​ർ എ​ന്ന ആ​വ​ശ്യം സ്ഥ​ലം ല​ഭ്യ​മാ​കു​ന്ന മു​റ​യ്ക്ക് ന​ട​പ്പാ​ക്കും. ദേ​വി​കു​ള​ത്ത് സ​ർ​ക്കാ​രി​ന്‍റെ ഒ​ന്ന​ര ഏ​ക്ക​ർ സ്ഥ​ല​ത്ത് ഹാ​ച്ച​റി, അ​ക്വാ പാ​ർ​ക്ക് എ​ന്നി​വ നി​ർ​മി​ക്കാ​ൻ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി​യ​താ​യും മ​ന്ത്രി സ​ജി ചെ​റി​യാ​ൻ പ​റ​ഞ്ഞു.

അ​ഡ്വ. എ. ​രാ​ജ എം​എ​ൽ​എ അ​ധ്യ​ക്ഷ​ത വ​ഹി​ച്ചു. യു​വ​ജ​ന ക്ഷേ​മ​ബോ​ർ​ഡ് വൈ​സ് ചെ​യ​ർ​മാ​ൻ എ​സ്. സ​തീ​ഷ്, കേ​ര​ള ബാ​ങ്ക് ഡ​യ​റ​ക്ട​ർ കെ.​വി. ശ​ശി, ദേ​വി​കു​ളം പ​ഞ്ചാ​യ​ത്ത് പ്ര​സി​ഡ​ന്‍റ് മി​ൻ​സി റോ​ബി​ൻ​സ​ണ്‍, ജി​ല്ലാ പ​ഞ്ചാ​യ​ത്തം​ഗം അ​ഡ്വ. എം. ​ഭൗ​വ്യ, ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് എം. ​നാ​രാ​യ​ണ​ൻ, ജി​ല്ലാ യൂ​ത്ത് പ്രോ​ഗ്രാം ഓ​ഫീ​സ​ർ വി. ​എ​സ്. ബി​ന്ദു, ജി​ല്ലാ യൂ​ത്ത് കോ-​ഓ​ർ​ഡി​നേ​റ്റ​ർ ര​മേ​ഷ് കൃ​ഷ്ണ​ൻ, യു​വ​ജ​ന ക്ഷേ​മ​ബോ​ർ​ഡ് അം​ഗ സെ​ക്ര​ട്ട​റി വി.​ഡി. പ്ര​സ​ന്ന​കു​മാ​ർ എ​ന്നി​വ​ർ പ്ര​സം​ഗി​ച്ചു.