ക​ട്ട​പ്പ​ന: ജ​ല​വി​ഭ​വ വ​കു​പ്പി​ന്‍റെ ജ​ന​ദ്രോ​ഹ ഉ​ത്ത​ര​വു​ക​ൾ പി​ൻ​വ​ലി​ക്ക​ണ​മെ​ന്ന് കോ​ണ്‍​ഗ്ര​സ് ജി​ല്ലാ ജ​ന​റ​ൽ സെ​ക്ര​ട്ട​റി ബി​ജോ മാ​ണി ആ​വ​ശ്യ​പ്പെ​ട്ടു. ഡാ​മു​ക​ൾ​ക്കുചു​റ്റും ബ​ഫ​ർ സോ​ണ്‍ ന​ട​പ്പാ​ക്കി​യ​തി​ന് പു​റ​മേ ഇ​പ്പോ​ൾ കൂ​ടു​ത​ൽ സ്ഥ​ല​ങ്ങ​ളി​ലേ​ക്കു ബ​ഫ​ർ സോ​ണ്‍ ഉ​ത്ത​ര​വ് വ്യാ​പി​പ്പി​ച്ച് ഖ​ന​ന പ്ര​വ​ർ​ത്ത​ന​ങ്ങ​ൾ​ക്ക് നി​യ​ന്ത്ര​ണ​മേ​ർ​പ്പെ​ടു​ത്തി​യി​രി​ക്കു​ക​യാ​ണ്.

ക​ഴി​ഞ്ഞ ജ​നു​വ​രി 20നാ​ണ് ഇ​തു സം​ബ​ന്ധി​ച്ച് ജ​ല​വി​ഭ​വ വ​കു​പ്പ് ഉ​ത്ത​ര​വി​റ​ക്കി​യ​ത്. 2021 ലെ ​ഡാം സു​ര​ക്ഷാ ​നി​യ​മ​ത്തി​ന്‍റെ പ​രി​ധി​യി​ൽ വ​രു​ന്ന മു​ഴു​വ​ൻ ഡാ​മു​ക​ളി​ലും ഈ ​ഉ​ത്ത​ര​വ് ബാ​ധ​ക​മാ​ണ്. കൂ​ടാ​തെ ജ​ല​വി​ഭ​വ​വ​കു​പ്പി​ന്‍റെ നി​യ​ന്ത്ര​ണ​ത്തി​ലു​ള്ള ട​ണ​ൽ, ബ​ണ്ട്, ക​നാ​ലു​ക​ൾ, ത​ട​യ​ണ​ക​ൾ, ന​ദി​ക​ൾ, അ​രു​വി​ക​ൾ, ത​ടാ​ക​ങ്ങ​ൾ, കൈ​ത്തോ​ടു​ക​ൾ, കു​ളം, വാ​ട്ട​ർ ടാ​ങ്കു​ക​ൾ എ​ന്നി​വ​ക്കു ചു​റ്റും ഈ ​ഉ​ത്ത​ര​വ് പ്ര​കാ​രം ബ​ഫ​ർ സോ​ണ്‍ ഉ​ണ്ട്.

ഒ​രു കി​ലോ​മീ​റ്റ​ർ മു​ത​ൽ 30 മീ​റ്റ​ർ വ​രെ​യാ​ണ് ബ​ഫ​ർ സോ​ണി​ന് പ​രി​ധി നി​ശ്ച​യി​ച്ചി​രി​ക്കു​ന്ന​ത്. സി എ​ച്ച് ആ​റി​ന്‍റെ പ​രി​ധി​യി​ലു​ള്ള 26 വി​ല്ലേ​ജു​ക​ളി​ലും ഖ​ന​നം നി​രോ​ധി​ച്ചി​രി​ക്കു​ക​യാ​ണ്. ഇ​തു​കൂ​ടാ​തെ ജ​ല​വി​ഭ​വ വ​കു​പ്പി​ന്‍റെ നി​യ​ന്ത്ര​ണംകൂ​ടി വ​രു​ന്ന​തോ​ടെ ഖ​ന​ന പ്ര​വ​ർ​ത്ത​ന​ങ്ങ​ൾ പൂ​ർ​ണ​മാ​യും ത​ട​സ​പ്പെ​ടും.

നി​ർ​മാ​ണസാ​മ​ഗ്രി​ക​ളു​ടെ ദൗ​ർ​ല​ഭ്യം പ​രി​ഹ​രി​ക്കാ​ൻ ജി​ല്ല​യി​ൽ പാ​റഖ​ന​ന​ത്തി​ന് അ​നു​മ​തി ന​ൽ​ക​ണ​മെ​ന്ന​വ​ശ്യ​പ്പെ​ട്ട് സ​മ​രം ന​ട​ത്തു​ന്ന സി​പി​എം, ഖ​ന​ന പ്ര​വ​ർ​ത്ത​ന​ങ്ങ​ൾ നി​യ​ന്ത്രി​ക്കാ​ൻ ഇ​ട​തു​സ​ർ​ക്കാ​ർ ഇ​റ​ക്കി​യ ഈ ​ഉ​ത്ത​ര​വി​നെക്കു​റി​ച്ചു​ള്ള അ​ഭി​പ്രാ​യം വ്യ​ക്ത​മാ​ക്ക​ണ​മെ​ന്നും ബി​ജോ മാ​ണി ആ​വ​ശ്യ​പ്പെ​ട്ടു.

കു​ടി​വെ​ള്ള​ത്തി​നും ജ​ല​സേ​ച​ന​ത്തി​നു​മാ​യി ഒ​ട്ടേ​റെ കു​ള​ങ്ങ​ളും ചെ​ക്കു​ഡാ​മു​ക​ളും ടാ​ങ്കു​ക​ളും സ്വ​കാ​ര്യ​ വ്യ​ക്തി​ക​ളു​ടെ ഭൂ​മി​യി​ൽ ജ​ല​വി​ഭ​വ ​വ​കു​പ്പ് നി​ർ​മി​ച്ചി​ട്ടു​ണ്ട്. ഈ ​നി​ർ​മി​തി​ക​ളു​ടെ ചു​റ്റും ബ​ഫ​ർ സോ​ണ്‍ വ​രും. ഫ​ല​ത്തി​ൽ കൃ​ഷി​ഭൂ​മി​യും ബ​ഫ​ർ സോ​ണ്‍ പ​രി​ധി​യി​ലാ​കും. ഒ​രേ​ക്ക​ർ ഭൂ​മി​യു​ള്ള സ്വ​കാ​ര്യ വ്യ​ക്തി​യു​ടെ ഭൂ​മി​യി​ൽ 30 മീ​റ്റ​ർ ചു​റ്റ​ള​വി​ൽ ബ​ഫ​ർ സോ​ണ്‍ വ​ന്നാ​ൽ പി​ന്നെ ബാ​ക്കി എ​ത്ര സ്ഥ​ലം ഉ​ണ്ടാ​കും എ​ന്ന് ആ​ലോ​ചി​ച്ചാ​ൽത​ന്നെ അ​പ​ക​ടം വ്യ​ക്ത​മാ​ണ്.

സ്വ​ന്തം സ​ർ​ക്കാ​രി​ന്‍റെ ജ​ന​ദ്രോ​ഹ ന​ട​പ​ടി​ക​ൾ തി​രു​ത്താ​ൻ ന​ട​പ​ടി സ്വീ​ക​രി​ക്കാ​തെ സി​പി​എം സ​മ​രം ന​ട​ത്തു​ന്ന​ത് പ​രി​ഹാ​സ്യ​മാ​ണെ​ന്നും ബി​ജോ മാ​ണി, ഡി​സി​സി വൈ​സ് പ്ര​സി​ഡ​ന്‍റ് മു​കേ​ഷ് മോ​ഹ​ൻ, കോ​ണ്‍​ഗ്ര​സ് മ​ണ്ഡ​ലം പ്ര​സി​ഡ​ന്‍റ് സി​ജു ച​ക്കും​മൂ​ട്ടി​ൽ എ​ന്നി​വ​ർ ആ​രോ​പി​ച്ചു.