നെടു​ങ്ക​ണ്ടം: ജി​ല്ല​യി​ൽ പാ​റ​മ​ട​ക​ളും ക്ര​ഷ​ർ യൂ​ണി​റ്റു​ക​ളും പ്ര​വ​ർ​ത്തി​പ്പി​ക്കു​ന്ന​തി​ന് അ​നു​മ​തി ന​ൽ​ക​ണ​മെ​ന്ന് ഓ​ൾ കേ​ര​ള ഗ​വ​ൺ​മെ​ന്‍റ് കോ​ൺ​ട്രാ​ക്ട​ർ അ​സോ​സി​യേ​ഷ​ൻ, കേ​ര​ള ഗ​വ​ൺ​മെ​ന്‍റ് കോ​ൺ​ട്രാ​ക്ട​ർ ഫെ​ഡ​റേ​ഷ​ൻ എ​ന്നി​വ​ർ ആ​വ​ശ്യ​പ്പെ​ട്ടു. ജി​ല്ല​യി​ൽ മു​ൻ​പ് നി​ര​വ​ധി ക്ര​ഷ​ർ യൂ​ണി​റ്റു​ക​ൾ പ്ര​വ​ർ​ത്തി​ച്ചി​രു​ന്നു. എ​ന്നാ​ൽ, റ​വ​ന്യു അ​ധി​കൃ​ത​ർ അ​നു​മ​തി ന​ൽ​കാ​ത്ത​തി​നാ​ൽ എ​ല്ലാ യൂ​ണി​റ്റു​ക​ളും പ്ര​വ​ർ​ത്ത​നം അ​വ​സാ​നി​പ്പി​ച്ചു.

ത​മി​ഴ്നാ​ട്ടി​ൽനി​ന്നു നി​ർ​മാ​ണ സാ​മ​ഗ്രി​ക​ൾ എ​ത്തി​ച്ചി​രു​ന്നെ​ങ്കി​ലും ഇ​പ്പോ​ൾ പാ​സ് ല​ഭി​ക്കാ​ത്ത​തി​നാ​ൽ ക​ഴി​ഞ്ഞ ഒ​രു മാ​സ​മാ​യി നി​ർ​മാ​ണ സാ​മ​ഗ്രി​ക​ൾ ജി​ല്ല​യി​ലേ​ക്ക് എ​ത്തു​ന്നി​ല്ല. ഇ​തോ​ടെ മാ​ർ​ച്ച് 30ന് ​മു​ൻ​പ് നി​ർ​മാ​ണം പൂ​ർ​ത്തീ​ക​രി​ക്കേ​ണ്ട സ​ർ​ക്കാ​രി​ന്‍റെ വി​വി​ധ ടെ​ൻ​ഡ​ർ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്കാ​ൻ ക​ഴി​യു​ന്നി​ല്ല. ലൈ​ഫ് ഭ​വ​ന പ​ദ്ധ​തി ഉ​ൾ​പ്പെ​ടെ നി​ല​ച്ചു. നി​ല​വി​ൽ പ​രി​മി​ത​മാ​യി ലോ​റേ​ഞ്ചി​ൽനി​ന്നാ​ണ് നി​ർ​മാ​ണ സാ​മ​ഗ്രി​ക​ൾ എ​ത്തു​ന്ന​ത്. ഇ​തോ​ടെ ഉ​ത്പ​ന്ന​ങ്ങ​ളു​ടെ വി​ല​യും ഗ​ണ്യ​മാ​യി ഉ​യ​ർ​ന്നു. ന​ട​പ്പുസാ​മ്പ​ത്തി​കവ​ർ​ഷം അ​വ​സാ​നി​ക്കാ​ൻ ഏ​താ​നും ദി​വ​സ​ങ്ങ​ൾ മാ​ത്രം അ​വ​ശേ​ഷി​ക്കേ ഏ​റ്റെ​ടു​ത്ത പ​ണി​ക​ൾ പൂ​ർ​ത്തീ​ക​രി​ക്കാ​നാ​വാ​തെ പി​ഴ കൊ​ടു​ക്കേ​ണ്ട സാ​ഹ​ച​ര്യ​ത്തി​ലാ​ണ് ക​രാ​റു​കാ​ർ.

നി​ല​വി​ലെ സാ​ഹ​ച​ര്യ​ത്തി​ൽ ത​മി​ഴ്നാ​ട് സ​ർ​ക്കാ​രു​മാ​യി ച​ർ​ച്ച ന​ട​ത്തി പ്ര​തി​സ​ന്ധി പ​രി​ഹ​രി​ക്ക​ണം. കൂ​ടാ​തെ ജി​ല്ല​യി​ൽ നി​യ​മ​പ​ര​മാ​യി പ്ര​വ​ർ​ത്തി​ക്കാ​ൻ ക​ഴി​യു​ന്ന ക്വാ​റി​ക​ൾ​ക്കും ക്ര​ഷ​ർ യൂ​ണി​റ്റു​ക​ൾ​ക്കും അ​നു​മ​തി ന​ൽ​കാ​ൻ മൈ​നിം​ഗ് ആ​ൻ​ഡ് ജി​യോ​ള​ജി വ​കു​പ്പും റ​വ​ന്യു വ​കു​പ്പും ന​ട​പ​ടി സ്വീ​ക​രി​ക്ക​ണം. ജി​ല്ല​യി​ലെ വി​ക​സ​ന പ്ര​വ​ർ​ത്ത​ന​ങ്ങ​ളെ ത​ട​സ​പ്പെ​ടു​ത്തു​ന്ന രീ​തി​യി​ലു​ള്ള നി​യ​മ​ങ്ങ​ൾ​ക്ക് ആ​വ​ശ്യ​മാ​യ ഭേ​ദ​ഗ​തി​ക​ൾ വ​രു​ത്തു​ന്ന​തി​നു സ​ർ​ക്കാ​ർ ത​യാ​റാ​വ​ണ​മെ​ന്നും ഓ​ൾ കേ​ര​ള ഗ​വ​ൺ​മെ​ന്‍റ് കോ​ൺ​ട്രാ​ക്ട​ർ അ​സോ​സി​യേ​ഷ​ൻ, കേ​ര​ള ഗ​വ​ൺ​മെ​ന്‍റ് കോ​ൺ​ട്രാ​ക്ട​ർ ഫെ​ഡ​റേ​ഷ​ൻ നേ​താ​ക്ക​ളാ​യ ഫ്രാ​ൻ​സി​സ് പു​ളി​ക്ക​ൽ, അ​ജി കു​ള​ത്തു​ങ്ക​ൽ, ശ​ശി​ധ​ര​ൻ നാ​യ​ർ, നോ​ബി ജോ​ർ​ജ്, വി.​പി. പ്ര​തീ​ഷ് എ​ന്നി​വ​ർ ആ​വ​ശ്യ​പ്പെ​ട്ടു.