തൊ​ടു​പു​ഴ: പു​ത്തേ​ട് വ്യൂ​പോ​യി​ന്‍റി​ൽ അ​പ​ക​ടം പ​തി​യി​രി​ക്കു​ന്നു.​കാ​ഞ്ഞാ​ർ- വാ​ഗ​മ​ണ്‍ റോ​ഡി​ൽ പു​ത്തേ​ടി​നും ക​ന്പം​കാ​ന​ത്തി​നും മ​ധ്യേ​യു​ള്ള സ​ഞ്ചാ​രി​ക​ളു​ടെ ഇ​ഷ്ട​യി​ടംകൂ​ടി​യാ​ണ് പു​ത്തേ​ട് വ്യൂ ​പോ​യി​ന്‍റ്. വാ​ഗ​മ​ണ്‍, തേ​ക്ക​ടി തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് പോ​കു​ന്ന നൂ​റു​ക​ണ​ക്കി​ന് സ​ഞ്ചാ​രി​ക​ളാ​ണ് ഇ​വി​ടെ​യെ​ത്തു​ന്ന​ത്.

ദീ​ർ​ഘ​ദൂ​ര യാ​ത്ര​യ്ക്കി​ടെ വി​ശ്ര​മി​ക്കാ​ൻ സ​ഞ്ചാ​രി​ക​ൾ വാ​ഹ​നം നി​ർ​ത്തു​ന്ന​തും ഇ​വി​ടെ​യാ​ണ്. ഇ​വി​ടത്തെ ഇ​ളം​കാ​റ്റും ദൂ​ര​ക്കാ​ഴ്ച​ക​ളും ആ​രെ​യും ആ​ക​ർ​ഷി​ക്കു​ന്ന​താ​ണ്. 500 മു​ത​ൽ 1000 അ​ടി​വ​രെ താ​ഴ്ച​യു​ള്ള കൊ​ക്ക​യു​ള്ള പ്ര​ദേ​ശ​മാ​ണി​വി​ടം. റോ​ഡി​ന്‍റെ ഓ​ര​ത്ത് ക​ലു​ങ്ക് നി​ർ​മി​ച്ചി​ട്ടു​ണ്ടെ​ങ്കി​ലും ഇ​തി​ന് ഉ​യ​രം കു​റ​വാ​യ​തി​നാ​ൽ കാ​ൽ വ​ഴു​തി​യാ​ൽ അ​ഗാ​ധ​മാ​യ കൊ​ക്ക​യി​ലേ​ക്ക് പ​തി​ക്കാ​നു​ള്ള സാ​ധ്യ​ത​യേ​റെ​യാ​ണ്.

ക​ഴി​ഞ്ഞ ന്യൂ​ഇ​യ​റി​ന് ഇ​വി​ടെ നി​ന്ന് പ​ട​ക്കം പൊ​ട്ടി​ച്ച​ യു​വാ​വ് കാ​ൽ​വ​ഴു​തി കൊ​ക്ക​യി​ൽ വീ​ണ് മ​ര​ണ​മ​ട​ഞ്ഞി​രു​ന്നു. കൊ​ച്ചു​കു​ട്ടി​ക​ള​ട​ക്കം എ​ത്തു​ന്ന ഇ​വി​ടെ സു​ര​ക്ഷാ​വേ​ലി നി​ർ​മി​ച്ച് അ​പ​ക​ട സാ​ധ്യ​ത ഒ​ഴി​വാ​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്. രാ​ത്രി​സ​മ​യ​ത്ത് ഇ​വി​ടെ വെ​ളി​ച്ച​മി​ല്ലാ​ത്ത​തും അ​പ​ക​ട സാ​ധ്യ​ത വ​ർ​ധി​പ്പി​ക്കു​ന്നു​ണ്ട്. വാ​ഹ​ന​യാ​ത്ര​ക്കാ​ർ​ക്കും ഇ​ത് അ​പ​ക​ട​ഭീ​ഷ​ണി സൃ​ഷ്ടി​ക്കു​ന്നു. കാ​ഞ്ഞാ​ർ-​വാ​ഗ​മ​ണ്‍ റൂ​ട്ടി​ൽ പ​ല​യി​ട​ങ്ങ​ളി​ലും സി​ഗ്ന​ൽ ലൈ​റ്റ് സ്ഥാ​പി​ച്ചി​ട്ടു​ണ്ടെ​ങ്കി​ലും അ​പ​ക​ട ഭീ​ഷ​ണി ഒ​ഴി​വാ​ക്കു​ന്ന​തി​നു ക​ഴി​ഞ്ഞി​ട്ടി​ല്ല.

ഈ ​പ്ര​ദേ​ശം പ​രി​ച​യ​മി​ല്ലാ​ത്ത ഡ്രൈ​വ​ർ​മാ​ർ വാ​ഹ​നം ഓ​ടി​ക്കു​ന്പോ​ഴാ​ണ് അ​പ​ക​ടം കൂ​ടു​ത​ലാ​യും ഉ​ണ്ടാ​കു​ന്ന​ത്. പു​ത്തേ​ട് വ്യൂ ​പോ​യി​ന്‍റി​ൽ തെ​രു​വ് വി​ള​ക്കു​ക​ളോ ഹൈ​മാ​സ്റ്റ് ലൈ​റ്റോ സ്ഥാ​പി​ക്ക​ണ​മെ​ന്ന ആ​വ​ശ്യ​വും ഉ​യ​ർ​ന്നി​ട്ടു​ണ്ട്. ഇ​ക്കാ​ര്യ​ത്തി​ൽ അ​ടി​യ​ന്ത​ര ന​ട​പ​ടി​യു​ണ്ടാ​യി​ല്ലെ​ങ്കി​ൽ സ​മ​ര​വു​മാ​യി രം​ഗ​ത്തി​റ​ങ്ങാ​നു​ള്ള നീ​ക്ക​ത്തി​ലാ​ണ് വി​വി​ധ സം​ഘ​ട​ന​ക​ൾ.