തൊ​ടു​പു​ഴ: നാ​ളെ​മു​ത​ല്‍ ആ​റു​വ​രെ തൊ​ടു​പു​ഴ​യി​ല്‍ ന​ട​ക്കു​ന്ന സി​പി​എം ജി​ല്ലാ സ​മ്മേ​ള​ന​ത്തി​നു​ള്ള ഒ​രു​ക്കം പൂ​ര്‍​ത്തി​യാ​യെ​ന്ന് ജി​ല്ലാ സെ​ക്ര​ട്ട​റി സി.​വി. വ​ര്‍​ഗീ​സ് പ​ത്ര​സ​മ്മേ​ള​ന​ത്തി​ല്‍ അ​റി​യി​ച്ചു. ബ്രാ​ഞ്ച്, ലോ​ക്ക​ല്‍, ഏ​രി​യ സ​മ്മേ​ള​ന​ങ്ങ​ള്‍ പൂ​ര്‍​ത്തി​യാ​ക്കി​യാ​ണ് ജി​ല്ലാ സ​മ്മേ​ള​ന​ത്തി​ലേ​ക്ക് ക​ട​ക്കു​ന്ന​ത്. സ​മ്മേ​ള​ന​ത്തി​നു മു​ന്നോ​ടി​യാ​യി ജി​ല്ല​യിൽ ജ​ന​കീ​യ വി​ക​സ​ന സെ​മി​നാ​റു​ക​ള്‍ സം​ഘ​ടി​പ്പി​ച്ചു.

സ​മ്മേ​ള​ന​ത്തി​ന്‍റെ വി​ളം​ബ​ര​മാ​യി ജി​ല്ലാ സെ​ക്ര​ട്ടേ​റി​യ​റ്റം​ഗം കെ.​എ​സ്. മോ​ഹ​ന​ന്‍ ന​യി​ക്കു​ന്ന കൊ​ടി​മ​ര​ജാ​ഥ നെ​ടു​ങ്ക​ണ്ട​ത്തു​നി​ന്ന് ആ​ര​ംഭി​ക്കും. ജി​ല്ലാ സെ​ക്ര​ട്ടേ​റി​യ​റ്റം​ഗം വി.​എ​ന്‍. മോ​ഹ​ന​ന്‍ ഉ​ദ്ഘാ​ട​നം ചെ​യ്യും. കെ.​വി. ശ​ശി ക്യാ​പ്റ്റ​നാ​കു​ന്ന ക​പ്പി, ക​യ​ര്‍ജാ​ഥ വ​ട്ട​വ​ട​യി​ല്‍​നി​ന്ന് ആ​രം​ഭി​ക്കും. എം.​എം. മ​ണി എം​എ​ല്‍​എ ഉ​ദ്ഘാ​ട​നം ചെ​യ്യും. ആ​ര്‍. തി​ല​ക​ന്‍റെ നേ​തൃ​ത്വ​ത്തി​ല്‍ ക​റു​പ്പു​പാ​ല​ത്തു​നി​ന്ന് ആ​രം​ഭി​ക്കു​ന്ന പ​താ​ക​ജാ​ഥ എം.​എം. മ​ണി ഉ​ദ്ഘാ​ട​നം ചെ​യ്യും.

ജി​ല്ലാ സെ​ക്ര​ട്ടേ​റി​യ​റ്റം​ഗം റോ​മി​യോ സെ​ബാ​സ്റ്റ്യ​ന്‍റെ നേ​തൃ​ത്വ​ത്തി​ലു​ള്ള ദീ​പ​ശി​ഖാ ജാ​ഥ ഇ​ര​ട്ട​യാ​റി​ല്‍ ജി​ല്ലാ സെ​ക്ര​ട്ട​റി സി.​വി. വ​ര്‍​ഗീ​സ് ഉ​ദ്ഘാ​ട​നം ചെ​യ്യും. എ​ല്ലാ ജാ​ഥ​ക​ളും നാ​ളെ വൈ​കു​ന്നേ​രം അ​ഞ്ചി​ന് മ​ങ്ങാ​ട്ടു​ക​വ​ല​യി​ല്‍ സം​ഗ​മി​ച്ച് പൊ​തു​സ​മ്മേ​ള​ന ന​ഗ​റി​ലെ​ത്തും. തു​ട​ര്‍​ന്ന് വി.​വി. മ​ത്താ​യി പ​താ​ക ഉ​യ​ര്‍​ത്തും.

നാ​ലി​നു രാ​വി​ലെ പ​ത്തി​നു ന​ട​ക്കു​ന്ന പ്ര​തി​നി​ധി സ​മ്മേ​ള​നം പാ​ര്‍​ട്ടി സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍ ഉ​ദ്ഘാ​ട​നം ചെ​യ്യും. കേ​ന്ദ്ര ക​മ്മി​റ്റി​യം​ഗ​ങ്ങ​ളാ​യ ഡോ. ​തോ​മ​സ് ഐ​സ​ക്, കെ.​കെ. ശൈ​ല​ജ, എ​ള​മ​രം ക​രീം, കെ. ​രാ​ധാ​കൃ​ഷ്ണ​ന്‍, പി. ​രാ​ജീ​വ്, സി.​എ​സ്. സു​ജാ​ത എ​ന്നി​വ​ര്‍ പ്ര​സം​ഗി​ക്കും. 355 പ്ര​തി​നി​ധി​ക​ളാ​ണ് സ​മ്മേ​ള​ന​ത്തി​ല്‍ പ​ങ്കെ​ടു​ക്കു​ന്ന​ത്.

പൊ​തു​സ​മ്മേ​ള​നം ആ​റി​ന് വൈ​കു​ന്നേ​രം അ​ഞ്ചി​ന് ഗാ​ന്ധി സ്‌​ക്വ​യ​ര്‍ മൈ​താ​നി​യി​ല്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ ഉ​ദ്ഘാ​ട​നം​ചെ​യ്യും. ഇ​തി​നു മു​ന്നോ​ടി​യാ​യി 50,000 പേ​ര്‍ അ​ണി​നി​ര​ക്കു​ന്ന പ്ര​ക​ട​നം വൈ​കു​ന്നേ​രം നാ​ലി​ന് ര​ണ്ടു കേ​ന്ദ്ര​ങ്ങ​ളി​ല്‍​നി​ന്ന് ആ​രം​ഭി​ക്കും. 3.30ന് ​മ​ങ്ങാ​ട്ടു​ക​വ​ല സ്റ്റാ​ന്‍​ഡ് പ​രി​സ​ര​ത്തു​നി​ന്ന് 10,000 പേ​രു​ടെ ചു​വ​പ്പു​സേ​നാ മാ​ര്‍​ച്ചും ന​ട​ക്കും. പൊ​തു​സ​മ്മേ​ള​ന​ത്തോ​ട​നു​ബ​ന്ധി​ച്ച് ന​ഗ​ര​ത്തി​ല്‍ ഗ​താ​ഗ​ത ക്ര​മീ​ക​ര​ണ​വും ഏ​ര്‍​പ്പെ​ടു​ത്തി​യി​ട്ടു​ണ്ട്.

പ​ത്ര​സ​മ്മേ​ള​ന​ത്തി​ല്‍ സം​സ്ഥാ​ന ക​മ്മി​റ്റി​യം​ഗം കെ.​പി. മേ​രി, ജി​ല്ലാ സെ​ക്ര​ട്ടേ​റി​യ​റ്റം​ഗം വി.​വി. മ​ത്താ​യി, സ്വാ​ഗ​ത​സം​ഘം ക​ണ്‍​വീ​ന​ര്‍ മു​ഹ​മ്മ​ദ് ഫൈ​സ​ല്‍, ട്ര​ഷ​റ​ര്‍ ടി.​ആ​ര്‍. സോ​മ​ന്‍, ജി​ല്ലാ ക​മ്മി​റ്റി​യം​ഗം കെ.​എ​ല്‍. ജോ​സ​ഫ് എ​ന്നി​വ​രും പ​ങ്കെ​ടു​ത്തു.