ഇ​ടു​ക്കി: ജി​ല്ല​യി​ൽ മ​ക​ര​വി​ള​ക്ക് തീ​ർ​ഥാ​ട​ന​ത്തോ​ട​നു​ബ​ന്ധി​ച്ചു​ള്ള ഒ​രു​ക്ക​ങ്ങ​ൾ വി​ല​യി​രു​ത്തു​ന്ന​തി​നും വ​കു​പ്പു​ക​ളു​ടെ ഏ​കോ​പ​ന​ത്തി​നു​മാ​യി ഇ​ടു​ക്കി സ​ബ് ക​ള​ക്ട​ർ അ​നൂപ് ഗാ​ർ​ഗി​നെ നോ​ഡ​ൽ ഓ​ഫീ​സ​റാ​യി നി​യോ​ഗി​ച്ചു. വി​വി​ധ ഡ്യൂ​ട്ടി പോ​യി​ന്‍റു​ക​ളി​ൽ ഡ്യൂ​ട്ടി മ​ജി​സ്ട്രേ​റ്റ്, എ​ക്സി​ക്യൂ​ട്ടീ​വ് മ​ജി​സ്ട്രേ​റ്റ്, ഡ്യൂ​ട്ടി മ​ജി​സ്ട്രേ​റ്റി​നെ സ​ഹാ​യി​ക്കു​ന്ന​തി​നു​ള്ള ജീ​വ​ന​ക്കാ​ർ എ​ന്നി​വ​രെയും നി​യോ​ഗി​ച്ചു.

പു​ല്ലു​മേ​ട്, പാ​ഞ്ചാ​ലി​മേ​ട്, പ​രു​ന്തും​പാ​റ എ​ന്നി​വി​ട​ങ്ങ​ളി​ൽ ഉ​ണ്ടാ​കാ​നി​ട​യു​ള്ള തി​ര​ക്ക് നി​യ​ന്ത്രി​ക്കു​ന്ന​തി​ന് പോ​ലീ​സു​കാ​രെ വി​ന്യ​സി​ച്ച് സു​ര​ക്ഷാ പ​രി​ശോ​ധ​ന​ക​ളും നി​രീ​ക്ഷ​ണ​വും ക​ർ​ശ​ന​മാ​ക്കും. മ​ക​ര​വി​ള​ക്ക് ദ​ർ​ശ​ന​ത്തി​നെ​ത്തു​ന്ന തീ​ർ​ഥാ​ട​ക​രു​ടെ സൗ​ക​ര്യ​ത്തി​ന് കു​മ​ളി ഡി​പ്പോ​യി​ൽ​നി​ന്ന് വ​ള്ള​ക്ക​ട​വ് -കോ​ഴി​ക്കാ​നം റൂ​ട്ടി​ൽ കെഎ​സ്ആ​ർ​ടി​സി സ​ർ​വീ​സു​ക​ൾ ന​ട​ത്തും. ആ​റു സെ​ന്‍റ​റു​ക​ളി​ൽ അ​ഗ്നി​ര​ക്ഷ സേ​ന​യെ നി​യോ​ഗി​ക്കും. പു​ല്ലു​മേ​ടു മു​ത​ൽ കോ​ഴി​ക്കാ​നം വ​രെ വാ​ട്ട​ർ ടാ​ങ്കു​ക​ൾ സ​ജ്ജീ​ക​രി​ച്ച് കു​ടി​വെ​ള്ളം എ​ത്തി​ക്കും.

പ​രു​ന്തും​പാ​റ, പു​ല്ലു​മേ​ട് എ​ന്നി​വി​ട​ങ്ങ​ളി​ൽ ബാ​രി​ക്കേ​ഡ് നി​ർ​മി​ക്കും. റ​വ​ന്യു വ​കു​പ്പി​ന്‍റെ നേ​തൃ​ത്വ​ത്തി​ൽ കോ​ഴി​ക്കാ​നം മു​ത​ൽ പു​ല്ലു​മേ​ടുവ​രെ ലൈ​റ്റു​ക​ൾ സ​ജ്ജീ​ക​രി​ക്കും. സ​ത്രം, മു​ക്കു​ഴി, പു​ല്ലു​മേ​ട്, കോ​ഴി​ക്കാ​നം, പ​രു​ന്തും​പാ​റ, പാ​ഞ്ചാ​ലി​മേ​ട്, വ​ണ്ടി​പ്പെ​രി​യാ​ർ, താ​ലൂ​ക്ക് ഹോ​സ്പി​റ്റ​ൽ പീ​രു​മേ​ട് എ​ന്നി​വി​ട​ങ്ങ​ളി​ൽ ഡോ​ക്ട​ർ​മാ​ർ അ​ട​ങ്ങു​ന്ന മെ​ഡി​ക്ക​ൽ ടീം, ​ആം​ബു​ല​ൻ​സു​ക​ളു​ടെ സേ​വ​നം എ​ന്നി​വ ഉ​റ​പ്പാ​ക്കും.

ആ​യു​ർ​വേ​ദ, ഹോ​മി​യോ വ​കു​പ്പു​ക​ളും മെ​ഡി​ക്ക​ൽ ടീ​മു​ക​ളെ സ​ജ്ജ​മാ​ക്കും. മോ​ട്ടോ​ർ വാ​ഹ​നം, എ​ക്സൈ​സ്, ലീ​ഗ​ൽ മെ​ട്രോ​ള​ജി, ഫു​ഡ് സേ​ഫ്റ്റി തു​ട​ങ്ങി​യ വ​കു​പ്പു​ക​ളു​ടെ പ​രി​ശോ​ധ​ന​ക​ൾ ശ​ക്ത​മാ​ക്കും.

മ​ക​ര​വി​ള​ക്ക് തീ​ർ​ഥാ​ട​ന​ത്തോ​ട​നു​ബ​ന്ധി​ച്ച് ഇ​ടു​ക്കി, തേ​നി ക​ള​ക്ട​ർ​മാ​രു​ടെ നേ​തൃ​ത്വ​ത്തി​ൽ ഓ​ണ്‍​ലൈ​നാ​യി അ​ന്ത​ർ ജി​ല്ലാ യോ​ഗം ന​ട​ന്നി​രു​ന്നു. ഇ​ന്ന് ജി​ല്ലാ ക​ള​ക്ട​ർ വി. ​വി​ഗ്നേ​ശ്വ​രി​യു​ടെ അ​ധ്യ​ക്ഷ​ത​യി​ൽ ചേ​രു​ന്ന യോ​ഗം ജി​ല്ല​യി​ലെ തു​ട​ർ​പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തും.