നെ​ടു​ങ്ക​ണ്ടം: ത​മി​ഴ്‌​നാ​ട്ടി​ലെ കു​പ്ര​സി​ദ്ധ ത​സ്‌​ക​ര സം​ഘ​മാ​യ ഇ​റാ​നി സംഘത്തിൽപ്പെ​ട്ട ര​ണ്ടു​പേ​രെ നെ​ടു​ങ്ക​ണ്ടം പോ​ലീ​സ് അ​റ​സ്റ്റ് ചെ​യ്തു. നെ​ടു​ങ്ക​ണ്ട​ത്തെ ഒ​രു ജ്വല്ല​റി​യി​ല്‍ മോ​ഷ​ണം ന​ട​ത്താ​നു​ള്ള ശ്ര​മ​ത്തി​നി​ടെ​യാ​ണ് ഇ​വ​ര്‍ പി​ടി​യി​ലാ​യ​ത്. മ​ധു​ര പേ​ര​യൂ​ര്‍ സ്വ​ദേ​ശി​ക​ളാ​യ ഹൈ​ദ​ര്‍, മു​ബാ​റ​ക് എ​ന്നി​വ​രാ​ണ് പി​ടി​യി​ലാ​യ​ത്.

നെ​ടു​ങ്ക​ണ്ടം പ​ടി​ഞ്ഞാ​റേ ക​വ​ല​യി​ലെ സ്റ്റാ​ര്‍ ജൂവ​ല്‍​സി​ല്‍ ആ​ഭ​ര​ണ​ങ്ങ​ള്‍ വാ​ങ്ങാ​നെ​ന്ന വ്യാ​ജേ​ന​യാ​ണ് ഇ​രു​വ​രും എ​ത്തി​യ​ത്. ആ​ഭ​ര​ണ​ങ്ങ​ള്‍ കാ​ണു​ന്ന​തി​നി​ടെ ഹൈ​ദ​ര്‍ സ്വ​ര്‍​ണം സൂ​ക്ഷി​ച്ചി​രു​ന്ന ഒ​രു പാ​ക്ക​റ്റ് കൈ​ക്ക​ലാ​ക്കു​ക​യാ​യി​രു​ന്നു.

സം​ഭ​വം ശ്ര​ദ്ധി​ച്ച ക​ട​യു​ട​മ ഇ​ക്ബാ​ല്‍ ഉ​ട​ന്‍ത​ന്നെ ഇ​യാ​ളെ പി​ടി​കൂ​ടി. ഈ ​സ​മ​യം കൂ​ടെ ഉ​ണ്ടാ​യി​രു​ന്ന മു​ബാ​റ​ക് ക​ട​യി​ല്‍നി​ന്ന് ഇ​റ​ങ്ങി ഓ​ടി. പി​ന്നീ​ട് ത​മി​ഴ്‌​നാ​ട്ടി​ലേ​ക്കു ക​ട​ക്കാ​ന്‍ ശ്ര​മി​ച്ച മു​ബാ​റ​ക്കി​നെ ശാ​ന്ത​ന്‍​പാ​റ പോ​ലീ​സി​ന്‍റെ സ​ഹാ​യ​ത്തോ​ടെ പി​ടി​കൂ​ടി.

കേ​ര​ള​ത്തി​ല്‍ ഉ​ള്‍​പ്പെടെ ദ​ക്ഷി​ണേ​ന്ത്യ​ന്‍ സം​സ്ഥാ​ന​ങ്ങ​ളി​ല്‍ നി​ര​വ​ധി മോ​ഷ​ണ​ങ്ങ​ളും കൊ​ള്ള​യും ന​ട​ത്തി​യി​ട്ടു​ള്ള ത​മി​ഴ്‌​നാ​ട് ഇ​റാ​നി സംഘത്തിലെ അം​ഗ​ങ്ങ​ളാ​ണ് അ​റ​സ്റ്റി​ലാ​യ​തെ​ന്ന് നെ​ടു​ങ്ക​ണ്ടം പോ​ലീ​സ് പ​റ​ഞ്ഞു.ത​മി​ഴ്‌​നാ​ട്, ക​ര്‍​ണാ​ട​ക തു​ട​ങ്ങി​യ സം​സ്ഥാ​ന​ങ്ങ​ളി​ല്‍ ഇ​റാ​നി ഗ്യാം​ഗ് സ​മാ​ന​മാ​യ നി​ര​വ​ധി മോ​ഷ​ണ​ങ്ങ​ള്‍ ന​ട​ത്തി​യി​ട്ടു​ണ്ട്.

ഏ​താ​നും നാ​ളു​ക​ള്‍​ക്കു മു​മ്പ് കോ​ട്ട​യ​ത്തും രാ​ജാ​ക്കാ​ട്ടി​ലും ജ്വല്ലറി​ക​ള്‍ കേ​ന്ദ്രീ​ക​രി​ച്ച് മോ​ഷ​ണം ന​ട​ത്തി​യ​ത് ഇ​തേ സം​ഘ​മാ​ണ്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ന്‍​ഡ് ചെ​യ്തു.