മൂ​ന്നാ​ർ: ഇ​ട​മ​ല​ക്കു​ടി​യി​ലെ ആ​ദി​വാ​സി​ക​ൾ​ക്കു വി​ത​ര​ണം ചെ​യ്യേ​ണ്ട 10 ട​ണ്ണോ​ളം റേ​ഷ​ൻ അ​രി മ​റി​ച്ചു വി​റ്റ സം​ഭ​വ​ത്തി​ൽ പൊ​തു​വി​ത​ര​ണ വ​കു​പ്പ് അ​ന്വേ​ഷ​ണം ആ​രം​ഭി​ച്ചു. ജി​ല്ലാ ഭ​ര​ണ​കൂ​ട​ത്തി​ന്‍റെ നി​ർ​ദേ​ശ​ത്തെത്തു​ട​ർ​ന്നാ​ണ് ന​ട​പ​ടി.

ഇ​ട​മ​ല​ക്കു​ടി​യി​ലെ റേ​ഷ​ൻ സാ​ധ​ന​ങ്ങ​ൾ സൂ​ക്ഷി​ക്കു​ന്ന പെ​ട്ടി​മു​ടി​യി​ലെ ഗോ​ഡൗ​ണി​ൽനി​ന്നാ​ണ് 10 ട​ണ്ണോ​ളം അ​രി കാ​ണാ​താ​യ​ത്. സ്റ്റോ​ക്കി​ൽ കു​റ​വ് വ​ന്ന​ത് പ​രി​ശോ​ന​യി​ൽ വ്യ​ക്ത​മാ​യ​തോ​ടെ ഇ​തു​മാ​യി ബ​ന്ധ​പ്പെ​ട്ട് ര​ണ്ടു പേ​ർ​ക്കെ​തി​രേ ന​ട​പ​ടി എ​ടു​ത്തി​ട്ടു​ണ്ട്. സ്റ്റോ​ർ കീ​പ്പ​ർ​മാ​രാ​യ ര​ണ്ടു പേ​ർ​ക്കെ​തി​രേയാ​ണ് ന​ട​പ​ടി.

ഇ​ട​മ​ല​ക്കു​ടി​യി​ലേ​ക്ക് റേ​ഷ​ൻ വ​സ്തു​ക്ക​ൾ എ​ത്തി​ക്കാ​ൻ ചു​മ​ത​ല​പ്പെ​ട്ട ഗി​രി​ജ​ൻ സൊ​സൈ​റ്റി ഭാ​ര​വാ​ഹി​ക​ളാ​ണ് ഇ​വ​ർ. അ​രി മ​റി​ച്ചുവി​റ്റ​തി​ൽ താ​ലൂ​ക്ക് സ​പ്ലൈ ഓ​ഫീ​സി​ലെ ചി​ല താ​ത്കാ​ലി​ക ജീ​വ​ന​ക്കാ​രു​ടെ ഒ​ത്താ​ശ​യും ഉ​ണ്ടെ​ന്നാ​ണ് സൂ​ച​ന.

റേ​ഷ​ൻ അ​രി മ​റി​ച്ചു വി​റ്റ​തോ​ടെ ക​ഴി​ഞ്ഞ മൂ​ന്ന് ആ​ഴ്ച​ക​ളാ​യി ഇ​ട​മ​ല​ക്കു​ടി​യി​ലെ റേ​ഷ​ൻ വി​ത​ര​ണം മു​ട​ങ്ങി​യി​രി​ക്കു​ക​യാ​യി​രു​ന്നു. ഒ​റ്റ​പ്പെ​ട്ടു ക​ഴി​യു​ന്ന അ​ദി​വാ​സി ഗോ​ത്ര​വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി​യി​ലെ ആ​ദി​വാ​സി​ക​ൾ​ക്ക് വി​ത​ര​ണം ചെ​യ്യേ​ണ്ട അ​രി ത​ന്നെ മ​റി​ച്ചുവി​റ്റ സം​ഭ​വം ജി​ല്ലാ ഭ​ര​ണ​കൂ​ട​വും ഗൗ​ര​വ​മാ​യി എ​ടു​ത്തി​ട്ടു​ണ്ട്.

കാ​ലാ​കാ​ല​ങ്ങ​ളാ​യി ഇ​ട​മ​ല​ക്കു​ടി​യി​ലെ റേ​ഷ​ൻ വി​ത​ര​ണം അ​വ​താ​ള​ത്തി​ലാ​കു​ന്ന​തും ക്ര​മ​ക്കേ​ടു​ക​ൾ ഉ​ണ്ടാ​കു​ന്ന​തും ആ​ദി​വാ​സി​ക​ൾ​ക്ക് വ​ലി​യ പ്ര​തി​സ​ന്ധി​യാ​ണ് ഉ​ണ്ടാ​ക്കു​ന്ന​ത്. റേ​ഷ​ൻ വി​ത​ര​ണം ന​ട​ത്താ​ൻ ചു​മ​ത​ല​പ്പെ​ട്ട ദേ​വി​കു​ളം ഗി​രി​ജ​ൻ സൊ​സൈ​റ്റി​ക്ക് സ​ർ​ക്കാ​രി​ൽനി​ന്നു ല​ഭി​ക്കേ​ണ്ട ഫ​ണ്ട് ല​ഭി​ക്കാ​തെ വ​ന്ന​പ്പോ​ൾ 2017 ൽ ​റേ​ഷ​ൻ വി​ത​ര​ണം ത​ന്നെ നി​ല​യ്ക്കു​ന്ന സാ​ഹ​ച​ര്യ​മെ​ത്തി​യി​രു​ന്നു.

അ​ന്നുത​ന്നെ ഇ​തു​മാ​യി ബ​ന്ധ​പ്പെ​ട്ട് വ​ൻ അ​ഴി​മ​തി ന​ട​ക്കു​ന്ന​താ​യും ക​ണ്ടെ​ത്തി​യി​രു​ന്നു. സ​ർ​ക്കാ​ർ നേ​രി​ട്ട് ഇ​ട​പെ​ട്ടാ​ണ് അ​ന്ന​ത്തെ പ്ര​ശ്നം പ​രി​ഹ​രി​ച്ച​ത്. കാ​ല​വ​ർ​ഷ​ക്കെ​ടു​തി​യി​ൽ റോ​ഡു​ക​ൾ ത​ക​രു​ന്ന വേ​ള​യി​ലും റേ​ഷ​ൻ വി​ത​ര​ണം മു​ട​ങ്ങു​ന്ന അ​വ​സ്ഥ​യാ​ണു​ള്ള​ത്. 2022 ലെ ​പ്ര​തി​കൂ​ല​കാ​ലാ​വ​സ്ഥ​യി​ൽ റോ​ഡു​ക​ൾ ത​ക​ർ​ന്ന​ത് ച​ര​ക്കു നീ​ക്ക​ത്തെ വ​ലി​യ തോ​തി​ൽ ബാ​ധി​ച്ചി​രു​ന്നു.