കു​മ​ളി: വ​ണ്ടി​പ്പെ​രി​യാ​ർ -വ​ള്ള​ക്ക​ട​വ് റോ​ഡി​ൽ വാ​ഹ​നമി​ടി​ച്ച് പ​രി​ക്കേ​റ്റ കേ​ഴ​മാ​ൻ മണിക്കൂറുകൾ റോഡിൽ കിടന്നു ച​ത്തു. മാ​ൻ അ​പ​ക​ട​ത്തി​ൽപ്പെ​ട്ട സ്ഥ​ല​ം സംബന്ധിച്ച് വ​ന്യ​ജീ​വി സം​ര​ക്ഷ​ക​രു​ടെ അ​ധി​കാ​രത്ത​ർ​ക്ക​മാ​ണ് മാനിന്‍റെ ജീവൻ കവർന്നത്.

സം​ഭ​വ​സ്ഥ​ല​ത്തുനി​ന്ന് വ​ള്ള​ക്ക​ട​വ് ഫോ​റ​സ്റ്റ് സ്റ്റേ​ഷ​നി​ലേ​ക്ക് ഒ​രു കി​ലോ​മീ​റ്റ​ർ മാ​ത്ര​മാ​ണ് ദൂ​ര​മു​ള്ള​ത്. ഈ ​ഓ​ഫീ​സി​ൽനി​ന്നു വാ​ഹ​ന​ത്തി​ൽ 10 മി​നി​റ്റി​നു​ള്ളി​ൽ ഇവിടെയെത്താം. പ​ക്ഷേ ഇ​വ​​രു​ടെ അ​ധി​കാ​രപ​രി​ധി​ക്കു പു​റ​ത്താ​ണ് അ​പ​ക​ടം ന​ട​ന്ന​തെ​ന്ന​ാ​യി​രു​ന്നു വാദം.

ര​ണ്ട് മ​ണി​ക്കൂ​ർ ജീ​വ​നുവേ​ണ്ടി കേ​ണ മാ​നി​ന് അ​തു​വ​ഴി വ​ന്ന സ്കൂ​ൾ കു​ട്ടി​ക​ൾ അ​വ​രു​ടെ ചോ​റ്റു പാ​ത്ര​ത്തി​ൽ വെ​ള്ളം ന​ല്കി കാ​വ​ൽ നി​ന്നു.

കി​ലോ​മീ​റ്റ​ർ അ​ക​ലെ മു​റി​ഞ്ഞ​പു​ഴ​യി​ൽനി​ന്ന് വ​ന​പാ​ല​ക​രെ​ത്തി മാ​നി​നെ കൊ​ണ്ടു​പോ​കു​ന്ന​തു​വ​രെ കു​ട്ടി​ക​ൾ കാ​ത്തുനി​ന്നെ​ങ്കി​ലും മാ​നി​ന്‍റെ ജീ​വ​ൻ ര​ക്ഷി​ക്കാ​നാ​യി​ല്ല.