അനധികൃത ലഹരിവിൽപ്പന അവസാനിപ്പിക്കണമെന്ന്
1463541
Thursday, October 24, 2024 3:56 AM IST
രാജാക്കാട്: രാജാക്കാട് കേന്ദ്രീകരിച്ച് നടക്കുന്ന അനധികൃത മദ്യക്കച്ചവടവും മറ്റ് ലഹരി വില്പനകളും അവസാനിപ്പിക്കാൻ കർശന നടപടി സ്വീകരിക്കണമെന്ന് മദ്യനിരോധനസമിതി സംസ്ഥാന ജനറൽ സെക്രട്ടറി ഡോ. വിൻസന്റ് മാളിയേക്കൽ ആവശ്യപ്പെട്ടു.
രാജാക്കാട് പ്രദേശത്തെ നിയമവിരുദ്ധ മദ്യവില്പനയ്ക്കും കഞ്ചാവ് ഉൾപ്പെടെയുള്ള മറ്റ് ലഹരി വസ്തുക്കളുടെ കച്ചവടങ്ങൾക്കും കൂട്ടുനില്ക്കുന്ന ഉദ്യോഗസ്ഥർക്കുമെതിരേ മദ്യനിരോധന സമിതി രാജാക്കാട്ട് നടത്തിയ പ്രതിഷേധയോഗം ഉദ്ഘാടനം ചെയ്യുകയായിരുന്നു അദ്ദേഹം.
നാടും വീടും തൊഴിലിടവും എല്ലാം ലഹരിയിൽ മുക്കുന്ന ഈ അവസ്ഥയ്ക്ക് മാറ്റം വരുത്താൻ സർക്കാരും ഉദ്യോഗസ്ഥരും തയാറാകണമെന്ന് അദ്ദേഹം പറഞ്ഞു.
മദ്യനിരോധനസമിതി ജില്ലാ പ്രസിഡന്റ് സിൽബി ചുനയംമാക്കൽ അധ്യക്ഷത വഹിച്ച യോഗത്തിൽ ജില്ലാ സെക്രട്ടറി സെബാസ്റ്റ്യൻ കൊച്ചടിവാരം, എബി ഉറുകുഴിയിൽ, ഷാജി കുരിശുമല, ടോമി മുത്തനാട്ട് എന്നിവർ പ്രസംഗിച്ചു.