ട്രാക്കിലെ താരം അലീന സജി
1463524
Thursday, October 24, 2024 3:46 AM IST
തൊട്ടുതെല്ലാം പൊന്നാക്കി മേളയിലെ താരം അലീന സജി. ജൂണിയർ പെൺകുട്ടികളുടെ വിഭാഗം 1500 മീറ്റർ, 800 മീറ്റർ, 3000 മീറ്റർ മത്സരങ്ങളിൽ സ്വർണ മെഡൽ നേടി വ്യക്തിഗത ചാമ്പ്യനായി. കട്ടപ്പന ഉപജില്ലാ വിഭാഗം 4×400 റിലേയിലും അലീന സജി താരമായി. കഴിഞ്ഞവർഷത്തെ കായികമേളയിലും അലീന വ്യക്തിഗത ചാമ്പ്യനായിരുന്നു.
കായികാധ്യാപകൻ ടിബിൻ ജോസഫിന്റെ ശിക്ഷണത്തിലായിരുന്നു പരിശീലനം. സജി-സിസി സജി ദമ്പതികളുടെ മകളാണ് അലീന സജി. സിഎച്ച്എസ് കാൽവരിമൗണ്ടിലെ പത്താം ക്ലാസ് വിദ്യാർഥിയാണ്.