റോഡ് നന്നാക്കിയില്ല: സമരവുമായി കോൺഗ്രസ്
1463536
Thursday, October 24, 2024 3:56 AM IST
കട്ടപ്പന: കാഞ്ചിയാർ കക്കാട്ടുകട സുമതിക്കട റോഡിന്റെ ശോച്യാവസ്ഥ പരിഹരിക്കണമെന്ന് ആവശ്യപ്പെട്ട് കക്കാട്ടുകടയിൽ പ്രതിഷേധ ധർണയും പ്രകടനവും നടന്നു . കോൺഗ്രസ് വാർഡ് കമ്മിറ്റികളുടെ നേതൃത്വത്തിലാണ് പ്രതിഷേധ പരിപാടി സംഘടിപ്പിച്ചത്. വലിയ വെള്ളക്കെട്ടും ഗർത്തങ്ങളുമാണ് റോഡിൽ രൂപപ്പെട്ടിരിക്കുന്നത്.
കക്കാട്ടുകട ടൗണിൽ നടന്ന പ്രകടനത്തിനുശേഷമാണ് ധർണ നടത്തിയത്. പ്രതിഷേധ പരിപാടിയിൽ മണ്ഡലം പ്രസിഡന്റ് അനീഷ് മണ്ണൂർ, ജില്ലാ കമ്മിറ്റിയംഗം ജോയി ഈഴക്കുന്നേൽ,പഞ്ചായത്തംഗം ഷാജി വേലംപറമ്പിൽ, ബ്ലോക്ക് സെക്രട്ടറി സി.കെ. സരസൻ, ഐഎൻടിയുസി മണ്ഡലം പ്രസിഡന്റ് സജി ഇരുകല്ലിൽ തുടങ്ങിയവർ നേതൃത്വം നൽകി.