വണ്ടിപ്പെരിയാർ മേഖലയിൽ രണ്ട് അപകടങ്ങൾ
1463529
Thursday, October 24, 2024 3:46 AM IST
വണ്ടിപ്പെരിയാർ: ഡ്രൈവർമാർ ഉറങ്ങിപ്പോയതിനെത്തുടർന്ന് ബുധനാഴ്ച വണ്ടിപ്പെരിയാർ മേഖലയിൽ രണ്ട് അപകടങ്ങൾ. കുമളി വെള്ളാരംകുന്ന് സ്വദേശികൾ സഞ്ചരിച്ചിരുന്ന കാർ 65-ാം മൈലിന് സമീപം നിയന്ത്രണം വിട്ട് 20 അടി താഴ്ചയിലേക്കു മറിഞ്ഞു.
നെടുംപറമ്പിൽ വീട്ടിൽ ജോയി ( 70), ഏലമ്മ (66), സിജോമോൾ (40) എന്നിവർ സഞ്ചരിച്ചിരുന്ന കാറാണ് അപകടത്തിൽപ്പെട്ടത്. ബുധനാഴ്ച്ച ഉച്ചയ്ക്കായിരുന്നു അപകടം. ആരുടെയും പരിക്ക് ഗുരുതരമല്ല.
പീരുമേട് 55-ാം മൈൽ ജംഗ്ഷൻ വളവിലാണ് മറ്റൊരു അപകടത്തിൽ തമിഴ്നാട് മധുരയിൽനിന്നു കൊല്ലത്തേക്ക് സിമന്റുമായി പോകുകയായിരുന്ന ലോറി പുലർച്ചെ നാലോടെ അപകടത്തിൽപ്പെട്ടത്.