ചരിത്ര സാംസ്കാരിക പ്രദർശനം നടത്തി
1463534
Thursday, October 24, 2024 3:56 AM IST
കരിമണ്ണൂർ: സെന്റ് ജോസഫ്സ് ഹയർ സെക്കൻഡറി, ഹോളി ഫാമിലി എൽപി സ്കൂളുകളുടെ നവതി ആഘോഷങ്ങളുടെ ഭാഗമായി സംഘടിപ്പിച്ച ചരിത്ര സാംസ്കാരിക പ്രദർശനവും സെമിനാറും കോതമംഗലം രൂപത വികാരി ജനറാൾ മോണ്. പയസ് മലേക്കണ്ടം ഉദ്ഘാടനം ചെയ്തു. സ്കൂൾ മാനേജർ റവ. ഡോ. സ്റ്റാൻലി പുൽപ്രയിൽ അധ്യക്ഷത വഹിച്ചു.
പ്രിൻസിപ്പൽ ബിസോയി ജോർജ്, ചരിത്ര അധ്യാപകൻ ടോം ജോസ് മേലുകാവ് എന്നിവർ സെമിനാർ നയിച്ചു. സ്കൂൾ അസിസ്റ്റന്റ് മാനേജർ ഫാ. മാത്യു എടാട്ട്, ഹോളി ഫാമിലി സ്കൂൾ ഹെഡ്മാസ്റ്റർ കെ. ടി. തോബിയാസ്, പിടിഎ പ്രസിഡന്റ് ജോസണ് ജോണ്,
ഹെഡ്മാസ്റ്റർ സജി മാത്യു, ജസ്റ്റിൻ ടി. സെബാസ്റ്റ്യൻ എന്നിവർ പ്രസംഗിച്ചു. പ്രദർശനത്തിന് പുരാവസ്തു ശേഖരം നൽകിയ മാർട്ടിൻ ജോസ് തോട്ടത്തിമ്യാലിൽ, എ. ഐ. ജോണ്സണ് എന്നിവരെ ചടങ്ങിൽ ആദരിച്ചു.
രണ്ടു ദിവസമായി സ്കൂളിൽ നടന്നു വന്ന ഐഎസ്ആർഒ നേതൃത്വം നൽകുന്ന ആസ്ട്രൽ ബ്ലേസ് ജ്യോതിശാസ്ത്ര പ്രദർശനം സമാപിച്ചു. പ്രദർശനം വാഴക്കുളം വിശ്വജ്യോതി എൻജനിയറിംഗ് കോളജ് പ്രിൻസിപ്പൽ ഡോ. കെ. കെ. രാജൻ ഉദ്ഘാടനം ചെയ്തു. സ്കൂൾ മാനേജർ റവ. ഡോ. സ്റ്റാൻലി പുൽപ്രയിൽ അധ്യക്ഷത വഹിച്ചു. കോട്ടയം ആർഡിഡി പി.എൻ. വിജി മുഖ്യ പ്രഭാഷണം നടത്തി.