ക​ടു​ത്തു​രു​ത്തി: വാ​ഹ​ന​ത്തിര​ക്കേ​റി​യ റോ​ഡി​ല്‍ ഒ​പ്റ്റി​ക്ക​ല്‍ ഫൈ​ബ​ര്‍ കേ​ബി​ളു​ക​ള്‍ സ്ഥാ​പി​ച്ച ശേ​ഷം മൂ​ടി​യ കു​ഴി​യു​ടെ മു​ക​ളി​ല്‍ കൂറ്റ​ന്‍ ക​രി​ങ്ക​ല്ലു​ക​ള്‍ നി​ര​ത്തി​യി​ട്ടി​രി​ക്കു​ന്ന​ത് അ​പ​ക​ട ഭീ​ഷ​ണി ഉ​യ​ര്‍ത്തു​ന്നു.

ക​ടു​ത്തു​രു​ത്തി സെ​ന്‍ട്ര​ല്‍ ജം​ഗ്ഷ​നി​ല്‍ കു​രി​ശു​പ​ള്ളി​ക്കു സ​മീ​പ​ത്താ​ണ് ക​ല്ലു​ക​ള്‍ കൂ​ട്ടി​യി​ട്ടി​രി​ക്കു​ന്ന​ത്. ടെ​ലി​കോം ക​മ്പി​നി​യു​ടെ ഫൈ​ബ​ര്‍ കേബിൾ സ്ഥാ​പി​ക്കു​ന്ന​തി​നാ​യി റോ​ഡി​ല്‍ ഏ​താ​നും മീ​റ്റ​റു​ക​ള്‍ അ​ക​ല​ത്തി​ല്‍ കു​ഴി​യെ​ടു​ത്ത ശേ​ഷം റോ​ഡ് കീ​റാ​തെ തു​ര​ന്നാ​ണ് കേ​ബി​ളു​ക​ള്‍ സ്ഥാ​പി​ക്കു​ന്ന​ത്.

ഇ​തി​ന്‍റെ ഭാ​ഗ​മാ​യി ക​ടു​ത്തു​രു​ത്തി ടൗ​ണി​ല്‍ എ​ടു​ത്ത കു​ഴി മൂ​ടി​യ​പ്പോ​ഴാ​ണ് വ​ലി​യ ക​രി​ങ്ക​ല്ലു​ക​ള്‍ മു​ക​ളി​ല്‍ നി​ര​ത്തി​യ​ത്. തോ​ട്ടു​വാ, ഞീ​ഴൂ​ര്‍ ഭാ​ഗ​ത്തു​നി​ന്നു​ള്ള വാ​ഹ​ന​ങ്ങ​ള്‍ ഏ​റ്റു​മാ​നൂ​ര്‍-​വൈ​ക്കം റോ​ഡി​ലേ​ക്കു പ്ര​വേ​ശി​ക്കു​ന്ന ഭാ​ഗ​ത്താ​ണ് അ​പ​ക​ട ഭീ​ഷ​ണി​യു​യ​ര്‍ത്തി ക​ല്ലു​ക​ള്‍ കി​ട​ക്കു​ന്ന​ത്.

ഇ​തു​മൂ​ലം റോ​ഡി​ന്‍റെ​ വീ​തി​യും ന​ഷ്ട​പ്പെ​ട്ടി​രി​ക്കു​ക​യാ​ണ്. വൈ​ക്കം ഭാ​ഗ​ത്തേ​ക്കു പോ​കു​ന്ന വാ​ഹ​ന​ങ്ങ​ള്‍ ക​ല്ലു​ക​ള്‍ ഒ​ഴി​വാ​ക്കാ​ന്‍ ശ്ര​മി​ക്കു​മ്പോ​ള്‍ റോ​ഡി​ന്‍റെ മ​ധ്യ​ഭാ​ഗം ക​ട​ന്നാ​ണ് സ​ഞ്ച​രി​ക്കേ​ണ്ടി വ​രു​ന്ന​ത്. ഇ​ത് എ​തി​ര്‍ദി​ശ​യി​ല്‍നി​ന്നു​ള്ള വാ​ഹ​ന​ങ്ങ​ളു​ടെ സ​ഞ്ചാ​ര​ത്തി​ന് ത​ട​സമാ​കു​ന്നു.​ കൂ​ടാ​തെ വ​ലി​യ അ​പ​ക​ടഭീ​ഷ​ണി​യും ഉ​ണ്ടാ​ക്കു​ക​യാ​ണ്.

ക​ല്ലു​ക​ള്‍ നീ​ക്കി റോ​ഡി​ലെ അ​പ​ക​ടഭീ​ഷ​ണി ഓ​ഴി​വാ​ക്ക​ണ​മെ​ന്ന് വ്യാ​പാ​രി​ക​ളും നാ​ട്ടു​കാ​രും ടാ​ക്‌​സി ഡ്രൈ​വ​ര്‍മാ​രും ആ​വ​ശ്യ​പ്പെ​ട്ടു. റോ​ഡി​ല്‍ പ​ല​യി​ട​ത്തും സ​മാ​ന സാ​ഹ​ച​ര്യ​ങ്ങ​ള്‍ ഉ​ണ്ടെ​ന്നും ഇ​വ​ര്‍ ചൂ​ണ്ടി​ക്കാണി​ക്കു​ന്നു.