മോൺ. ജോര്‍ജ് ജേക്കബ് കൂവക്കാട്ടിന് എസ്ബി സഹപാഠികളുടെ സ്‌നേഹോപഹാരം
1481212
Friday, November 22, 2024 7:59 AM IST
ചങ്ങനാശേരി: മോൺ. ജോര്‍ജ് ജേക്കബ് കൂവക്കാട്ട് സഭയുടെ രാജകുമാരപദവിയിലേക്ക് ഉയര്‍ത്തപ്പെടുമ്പോള്‍ എസ്ബി കോളജില്‍ ആഹ്ലാദം. മെത്രാഭിഷേകത്തിനെത്തുന്ന മോണ്‍. ജോര്‍ജ് കൂവക്കാട്ടിന് സഹപാഠികള്‍ തിരുവസ്ത്രം സമ്മാനിക്കുമെന്ന് 1992-95 കെമിസ്ട്രി ബാച്ചിലെ സഹപാഠി ഡോ. ടോം ലാല്‍ പറഞ്ഞു.
കാത്തലിക് സ്റ്റുഡന്‍റ്സ് മൂവ്മെന്‍റിന്‍റെ സെക്രട്ടറിയായി ജോര്‍ജ് കൂവക്കാട്ട് കോളജില്‍ പ്രവര്‍ത്തിച്ചിട്ടുണ്ട്. റവ.ഡോ. ജോര്‍ജ് മഠത്തിപ്പറമ്പിലായിരുന്നു അക്കാലത്ത് പ്രിന്‍സിപ്പല്‍.
പ്രഫ.വി.ജെ. തോമസ് വകുപ്പ് മേധാവിയും. വടക്കേക്കരയിലുള്ള അമ്മവീട്ടില്‍ (കല്ലുകളം) നിന്നാണ് അക്കാലത്ത് കോളജില്‍ എത്തിയിരുന്നത്. മോണ്‍. ജോര്‍ജ് കൂവക്കാട്ടിന് കോളജില്‍ ഹൃദ്യമായ സ്വീകരണം നല്‍കാനുള്ള ഒരുക്കത്തിലാണ് സതീര്‍ഥ്യര്‍.