കാ​യം​കു​ളം: ഏ​രി​യ സ​മ്മേ​ള​ന​ത്തോ​ടെ വി​ഭാ​ഗീ​യ​ത ഇ​ല്ലാ​താ​യെ​ന്ന് നേ​താ​ക്ക​ന്മാ​ർ ഒ​റ്റ​ക്കെ​ട്ടാ​യി പ​റ​യു​ക​യും അ​ണി​ക​ൾ ഇ​തു കേ​ട്ട് ആ​വേ​ശം കൊ​ള്ളു​ക​യും ചെ​യ്ത കാ​യം​കു​ള​ത്തെ സിപിഎ​മ്മി​ൽ പു​തി​യ വി​വാ​ദ​ങ്ങ​ൾ​ക്കു വ​ഴിതു​റ​ന്ന് ക​സേ​രവി​വാ​ദം പു​ക​യു​ന്നു. സ്ഥാ​ന​മൊ​ഴി​ഞ്ഞ ഏ​രി​യ സെ​ക്ര​ട്ട​റി പു​തി​യ സെ​ക്ര​ട്ട​റി​ക്ക് ഓ​ഫീ​സും ക​സേ​ര​യും കൈ​മാ​റാ​ൻ ത​യാ​റാ​കാ​ത്ത​താ​ണു പാ​ർ​ട്ടി​ക്കു​ള്ളി​ൽ പു​തി​യ അ​സ്വാ​ര​സ്യ​ങ്ങ​ൾ​ക്കു വ​ഴി​തു​റ​ക്കു​ന്ന​ത്.

ക​ഴി​ഞ്ഞ പ​തി​മൂ​ന്നി​ന് പു​തി​യ ഏ​രി​യ സെ​ക്ര​ട്ട​റി​യെ തെര​ഞ്ഞെ​ടു​ത്തെ​ങ്കി​ലും ഒ​രാ​ഴ്ച പി​ന്നി​ട്ടി​ട്ടും ഓ​ഫീ​സി​ന്‍റെ താ​ക്കോ​ൽ കൈ​മാ​റാ​ൻ മുൻ ഏ​രി​യ സെ​ക്ര​ട്ട​റി പി. അ​ര​വി​ന്ദാ​ക്ഷ​ൻ ത​യാ​റാ​യി​ട്ടി​ല്ല. മാ​ത്ര​മ​ല്ല, ഓ​ഫീ​സി​ൽ വ​രു​മ്പോ​ഴൊ​ക്കെ ഏ​രി​യ സെ​ക്ര​ട്ട​റി​യു​ടെ ക​സേ​ര​യി​ൽ ഇ​ദ്ദേ​ഹം ഇ​രി​പ്പു​റ​പ്പി​ക്കു​ന്ന​ത് പാ​ർ​ട്ടി അ​ണി​ക​ൾ​ക്കി​ട​യി​ൽ മു​റു​മു​റു​പ്പി​ന് കാ​ര​ണ​മാ​യി​ട്ടു​ണ്ട്. പു​തു​താ​യി തെര​ഞ്ഞെ​ടു​ക്ക​പ്പെ​ട്ട ഏ​രി​യ സെ​ക്ര​ട്ട​റി ബി. ​അ​ബി​ൻ​ഷാ ഏ​രി​യ ക​മ്മി​റ്റി ഓ​ഫീ​സി​ൽ എ​ത്തു​മ്പോ​ൾ സെ​ക്ര​ട്ട​റി​യു​ടെ മു​റി പൂ​ട്ടി​യി​ട്ടി​രി​ക്കു​ന്ന​തി​നാ​ൽ അ​ക​ത്തു ക​ട​ക്കാ​നാ​കാ​തെ ഹാ​ളി​ലും മ​റ്റും ഇ​രി​ക്കേ​ണ്ടിവ​രു​ന്ന സാ​ഹ​ച​ര്യ​മാ​ണ്.

കു​റ​ച്ചു നാ​ൾ കൂ​ടി ഏ​രി​യ സെ​ക്ര​ട്ട​റി സ്ഥാ​ന​ത്ത് തു​ട​രാ​ൻ അ​ര​വി​ന്ദാ​ക്ഷ​ൻ സ​മ്മേ​ള​ന​ത്തി​ൽ ആ​വ​ശ്യം ഉ​ന്ന​യി​ച്ചെ​ങ്കി​ലും ജി​ല്ലാ നേ​തൃ​ത്വം അം​ഗീ​ക​രി​ച്ചി​ല്ല. മു​ൻ ഏ​രി​യ സെ​ക്ര​ട്ട​റി​ക്കെ​തി​രേ ഗു​രു​ത​ര​മാ​യ അ​ഴി​മ​തി ആ​രോ​പ​ണ​ങ്ങ​ൾ ഉ​യ​ർ​ന്ന​തി​നെത്തു​ട​ർ​ന്നാ​ണ് ജി​ല്ലാ നേ​തൃ​ത്വം പു​തി​യ ഏ​രി​യ സെ​ക്ര​ട്ട​റി​യെ തെ​ര​ഞ്ഞെ​ടു​ക്കാ​ൻ അം​ഗീ​കാ​രം ന​ൽ​കി​യ​ത് . ക​സേ​ര വി​വാ​ദം പാ​ർ​ട്ടി​ക്ക് ത​ല​വേ​ദ​ന​യാ​യ​തോ​ടെ സം​ഭ​വ​മ​റി​ഞ്ഞ കാ​യം​കു​ള​ത്തു​കാ​ര​നാ​യ ജി​ല്ലാ സെ​ക്ര​ട്ടേ​റി​യ​റ്റ് അം​ഗം മു​ൻ ഏ​രി​യ സെ​ക്ര​ട്ട​റി​യു​ടെ നി​ല​പാ​ടി​നെ​തി​രേ രൂ​ക്ഷ​മാ​യ ഭാ​ഷ​യി​ൽ പ്ര​തി​ക​രി​ച്ച​താ​യാ​ണ് അ​റി​യു​ന്ന​ത്.

ന​ഗ​ര​സ​ഭ​യി​ലെ പ​ല പ്ര​വൃ​ത്തി​ക​ൾ​ക്കും ഓ​പ്പ​ൺ കോ​ൺ​ട്രാ​ക്ട് കൊ​ടു​ക്കു​ന്ന സ​മ​യ​മാ​യ​തി​നാ​ൽ മു​ൻ ഏ​രി​യ സെ​ക്ര​ട്ട​റി ഓ​ഫീ​സ് വി​ട്ടു​ന​ൽ​കാ​ത്ത​തി​ൽ ദു​രൂ​ഹ​ത ഉ​ണ്ടെ​ന്നാ​ണു പാ​ർ​ട്ടി അ​ണി​ക​ൾ ആ​രോ​പി​ക്കു​ന്ന​ത്. ന​ഗ​ര​സ​ഭ​യി​ലെ പ​ല പ്ര​വൃ​ത്തി​ക​ൾ​ക്കും താ​ത്കാ​ലി​ക നി​യ​മ​ന​ങ്ങ​ൾ​ക്കു​മാ​യി എ​ത്തു​ന്ന​വ​രെ മു​ൻ സെ​ക്ര​ട്ട​റി​യു​ടെ അ​ടു​ത്തേ​ക്ക് അ​ദ്ദേ​ഹ​ത്തി​ന്‍റെ ഭാ​ര്യകൂ​ടി​യാ​യ ന​ഗ​ര​സ​ഭാ ചെ​യ​ർ​പേ​ഴ്സ​ൺ പ​റ​ഞ്ഞ​യ​ക്കാ​റു​ണ്ടെ​ന്ന​ത് പ​ര​സ്യ​മാ​യ ര​ഹ​സ്യ​മാ​യി അ​ണി​ക​ൾ സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ കു​റ്റ​പ്പെ​ടു​ത്തി​യി​രു​ന്നു.

സെ​ക്ര​ട്ട​റി പ​ദം ഒ​ഴി​ഞ്ഞ് ഒ​രാ​ഴ്ച ക​ഴി​ഞ്ഞി​ട്ടും ഇ​രി​പ്പി​ടം വി​ട്ടു​ന​ൽ​കാ​തെ മു​ൻ സെ​ക്ര​ട്ട​റി ഓ​ഫീ​സ് കൈ​യാ​ളു​ന്ന​തായാ​ണ് സം​സാ​രം. ഏ​താ​യാ​ലും ഇ​ന്നു ചേ​രു​ന്ന പു​തി​യ ഏ​രി​യ ക​മ്മി​റ്റി​യി​ൽ ​വി​ഷ​യം ശ​ക്ത​മാ​യി ഉ​ന്ന​യി​ക്ക​പ്പെ​ടും എ​ന്നാ​ണ​റി​യു​ന്ന​ത്.