പൂ​ച്ചാ​ക്ക​ല്‍: ഒ​രു ഗ്രാ​മ​ത്തി​ന്‍റെ ഒ​രു വ​ര്‍​ഷ​ത്തെ കാ​ത്തി​രി​പ്പ്. പു​തു​വ​ര്‍​ഷ​ത്തെ വ​ര​വേ​ല്‍​ക്കാ​ന്‍ ഉ​ള​വെ​യ്പില്‍ എ​ത്തു​ന്ന​വ​ര്‍​ക്ക് വി​ള​മ്പാ​ന്‍ ക​പ്പ​യും കൈ​ത​പ്പു​ഴ കാ​യ​ലി​ല്‍​നി​ന്ന് അ​മ്മ​മാ​ര്‍ മു​ങ്ങി വാ​രി​യെ​ടു​ത്ത് വേ​വി​ച്ച ക​ക്കാ​യി​റ​ച്ചി​യും ഒ​രു​ക്കി കാ​ത്തി​രി​ക്കു​ക​യാ​ണ് തൈ​ക്കാ​ട്ടു​ശേ​രി പ​ഞ്ചാ​യ​ത്തി​ലെ ഉ​ള​വെ​യ്പി​ലെ ഗ്രാ​മ​വാ​സി​ക​ള്‍.

ചെ​റി​യ ആ​ഘോ​ഷ​മാ​യി ആ​രം​ഭി​ക്കു​ക​യും കൊ​ച്ചി​ന്‍ കാ​ര്‍​ണി​വ​ലി​നൊ​പ്പം വ​ള​രു​ക​യും ചെ​യ്ത ച​രി​ത്ര​മാ​ണ് ഉ​ള​വെയ്പ് കാ​യ​ല്‍ കാ​ര്‍​ണി​വ​ലി​ന്‍റേ​ത്. ഒ​രു മാ​സം സ​മ​യ​മെ​ടു​ക്കു​ന്ന പ​പ്പാ​ഞ്ഞി നി​ര്‍​മാ​ണം കാ​യ​ല്‍ തീ​ര​ത്ത് പു​രോ​ഗ​മി​ക്കു​ക​യാ​ണ്. ലോ​ക​ത്തി​ലെ ഏ​റ്റ​വും മി​ക​ച്ച സൂ​ര്യാ​സ്ത​മ​യ​മാ​ണ് ഇ​വി​ടെ​യെ​ന്ന് നാ​ഷ​ണ​ല്‍ ജി​യോ​ഗ്ര​ഫി ചാ​ന​ല്‍ അ​ട​യാ​ള​പ്പെ​ടു​ത്തി​യ​തോ​ടെ സ​ഞ്ചാ​രി​ക​ള്‍ ധാ​രാ​ള​മാ​യി എ​ത്തു​ന്നു​ണ്ട്. ഈ ​വ​ര്‍​ഷം അ​മ്യൂ​സ്‌​മെ​ന്‍റ് പാ​ര്‍​ക്ക്, വാ​ന​നി​രീ​ക്ഷ​ണം, കൈ​കൊ​ട്ട​ല്‍ മ​ത്സ​രം, ഞ​ണ്ടുകൃ​ഷി​യി​ലെ നൂ​ത​ന സാ​ങ്കേ​തി​കവി​ദ്യാ സെ​മി​നാ​ര്‍ തു​ട​ങ്ങി​യ​വ​യു​മു​ണ്ട്. സ​ജി പാ​റു ന​യി​ക്കു​ന്ന ഫോ​ക്ക് റെ​വ​ല്യൂ​ഷ​നാ​ണ് ഇ​ത്ത​വ​ണ​ത്തെ കാ​ര്‍​ണി​വ​ലി​ന്‍റെ പ്ര​ധാ​ന ആ​ക​ര്‍​ഷ​ണം.

കെ.​സി. വേ​ണു​ഗോ​പാ​ല്‍ എം​പി, എം​എ​ല്‍​എ​മാ​രാ​യ ദെ​ലീ​മ ജോ​ജോ,കെ.​ജെ. മാ​ക്‌​സി തു​ട​ങ്ങി​യ​വ​ര്‍ പു​തു​വ​ര്‍​ഷ സ​ന്ദേ​ശ​ങ്ങ​ള്‍ ന​ല്‍​കും. ആ​ഘോ​ഷ​ത്തി​നെ​ത്തി​യ ജ​ന​ക്കൂ​ട്ട​ത്തി​ല്‍​നി​ന്ന് ന​റു​ക്കെ​ടു​പ്പി​ലൂ​ടെ ഒ​രാ​ളാ​യി​രി​ക്കും 31ന് ​രാ​ത്രി 12ന് ​പ​പ്പാ​ഞ്ഞി ക​ത്തി​ച്ച് പു​തു​വ​ര്‍​ഷ​ത്തെ വ​ര​വേ​ല്‍​ക്കു​ന്ന​ത്. സം​ഗീ​ത സം​വി​ധാ​യ​ക​ന്‍ സ​ണ്ണി മാ​ധ​വ​ന്‍ ചെ​യ​ര്‍​മാ​നും സ​ഫി​ന്‍ പി. ​രാ​ജ് ക​ണ്‍​വീ​ന​റും സ​ന്ദീ​പ് രാ​ജ് ട്ര​ഷ​റ​റും ന​ട​ന്‍ സ​ന്ദീ​പ് മോ​ഹ​ന്‍ ക്യു​റേ​റ്റ​റു​മാ​യ സം​ഘാ​ട​ക സ​മി​തി​യാ​ണ് കാ​യ​ല്‍ 10 എ​ന്ന പേ​രി​ല്‍ ഇ​ത്ത​വ​ണ ആ​ഘോ​ഷ​ത്തെ ന​യി​ക്കു​ന്ന​ത്.