മാന്നാ​ർ: യു​കെ​യി​ൽ ജോ​ലി ന​ൽ​കാമെ​ന്ന് വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ ത​ട്ടി​യ യു​വാ​വി​നെ മാ​ന്നാ​ർ പോ​ലീ​സ് അ​റ​സ്റ്റ് ചെ​യ്തു. ക​ട​പ്ര കി​ഴ​ക്കും​ഭാ​ഗം കി​ഴ​ക്കേ തേ​വ​ർ​ക്കു​ഴി​യി​ൽ അ​ജി​ൻ ജോ​ർ​ജ് (30) ആ​ണ് പി​ടി​യി​ലാ​യ​ത്. ചെ​ന്നി​ത്ത​ല കാ​രാ​ഴ്മ മൂ​ല​യി​ൽ വീ​ട്ടി​ൽ സാം ​യോ​ഹ​ന്നാ​ൻ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ മാ​ന്നാ​ർ പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ തൃ​ശൂ​ർ ഒ​ല്ലൂ​രി​ൽനി​ന്നാണ് പ്ര​തി​യെ ക​സ്റ്റ​ഡി​യി​ലെ​ടു​ത്ത​ത്.

പ്ര​വാ​സി​യാ​യ സാം ​യോ​ഹ​ന്നാ​ൻ സു​ഹൃ​ത്തുവ​ഴി അ​ജി​ൻ ജോ​ർ​ജി​നെ പ​രി​ച​യ​പ്പെ​ടു​ക​യും സാ​മി​നും ഭാ​ര്യ​ക്കും യു​കെയി​ൽ ജോ​ലി ന​ൽ​കാ​മെ​ന്ന് വാ​ഗ്ദാ​നം ചെ​യ്ത പ്ര​തി ര​ണ്ടു ല​ക്ഷം രൂപ വാ​ങ്ങി​ക്കു​ക​യും ചെ​യ്തു.

തു​ട​ർ​ന്ന് ഒ​ക്ടോ​ബ​ർ നാ​ലി​ന് മെ​ഡി​ക്ക​ൽ എ​ടു​ക്കു​ന്ന​തി​ന് എ​ത്ത​ണ​മെ​ന്ന് പ്ര​തി അ​റി​യി​ച്ച​ത​നു​സ​രി​ച്ച് സാ​മും ഭാ​ര്യ​യും പു​റ​പ്പെ​ടു​ക​യും ഇ​ട​യ്ക്ക് ഫോ​ണി​ൽ ബ​ന്ധ​പ്പെ​ട്ട​പ്പോ​ൾ പ്ര​തി​യു​ടെ ഫോ​ൺ സ്വി​ച്ച് ഓ​ഫ് ആ​യ​തി​നാ​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ച​തി​യാ​യി​രു​ന്നു​വെ​ന്ന് മ​ന​സി​ലാ​യ​ത്. തു​ട​ർ​ന്ന് സാം ​മാ​ന്നാ​ർ പോ​ലീ​സി​ൽ പ​രാ​തി ന​ൽ​കു​ക​യു​മാ​യി​രു​ന്നു.

എ​ള​മ​ക്ക​ര സ്റ്റേ​ഷ​ൻ പ​രി​ധി​യി​ൽ യു​വ​തി​യി​ൽനി​ന്നു 42 ല​ക്ഷം രൂ​പ ത​ട്ടി​യെ​ടു​ത്ത​ത് ഉ​ൾ​പ്പെടെ മ​ല​പ്പു​റം, പെ​രി​ന്ത​ൽ​മ​ണ്ണ, കോ​ട്ട​യം, എ​റ​ണാ​കു​ളം, കൊ​ല്ലം ജി​ല്ല​ക​ളി​ലാ​യി പ്ര​തി​യു​ടെ പേ​രി​ൽ സ​മാ​ന​മാ​യ നി​ര​വ​ധി കേ​സു​ക​ളാ​ണു​ള്ള​ത്. സോ​ഷ്യ​ൽ മീ​ഡി​യ വ​ഴി പ​രി​ച​യ​പ്പെ​ടു​ന്ന ന​ഴ്സിം​ഗ് സ്റ്റു​ഡ​ൻ​സി​നെ​യും സ്ത്രീ​ക​ളെ​യു​മാ​ണ് കൂ​ടു​ത​ലാ​യും പ്ര​തി വ​ല​യി​ലാ​ക്കി​യ​ത്.

ജി​ല്ലാ പോ​ലീ​സ് മേ​ധാ​വി​യു​ടെ നി​ർ​ദേ​ശ​പ്ര​കാ​രം സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ മാ​ന്നാ​ർ പോ​ലീ​സ് ഇ​ൻ​സ്പെ​ക്ട​ർ എ. ​അ​നീ​ഷ്, എ​സ്ഐ അ​ഭി​രാം, എ​എ​സ്ഐ ​റി​യാ​സ്, എ​സ്‌സി​പി​ഒ സാ​ജി​ദ്, സി​പി​ഒ​മാ​രാ​യ ഹ​രി​പ്ര​സാ​ദ്, അ​ജി​ത്ത് എ​ന്നി​വ​ര​ട​ങ്ങി​യ സം​ഘം ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് പ്ര​തി​യെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.