എട​ത്വ: നി​ര​വ​ധി കേ​സു​ക​ളി​ല്‍ മാ​സ​ങ്ങ​ളാ​യി ഒ​ളി​വി​ല്‍ ക​ഴി​ഞ്ഞ പ്ര​തി എ​ട​ത്വ പോ​ലീ​സി​ന്‍റെ പി​ടി​യി​ല്‍. ത​ല​വ​ടി നീ​രേ​റ്റു​പു​റം മു​ക്കാ​ട​ന്‍ വീ​ട്ടി​ല്‍ ശ്രീ​ലാ​ല്‍ (33) ആ​ണ് എ​ട​ത്വ പോ​ലീ​സി​ന്‍റെ പി​ടി​യി​ലാ​യ​ത്. വ​ധ​ശ്ര​മം, മ​യ​ക്കു​മ​രു​ന്ന് അ​ട​ക്ക​മു​ള്ള കേ​സു​ക​ളി​ല്‍ പ്ര​തി​യാ​യ ശ്രീ​ലാ​ല്‍ മാ​സ​ങ്ങ​ളാ​യി പോ​ലീ​സി​നെ വെ​ട്ടി​ച്ച് വി​വി​ധ സ്ഥ​ല​ങ്ങ​ളി​ല്‍ ക​റ​ങ്ങി ന​ട​ക്കു​ക​യാ​യി​രു​ന്നു.

പോ​ലീ​സ് നി​ര​വ​ധി ത​വ​ണ പ്ര​തി​യെ തേ​ടി നീ​രേ​റ്റു​പു​റ​ത്തെ വീ​ട്ടി​ല്‍ എ​ത്തി​യെ​ങ്കി​ലും പി​ടി​കൂ​ടാ​ന്‍ ക​ഴി​ഞ്ഞി​ല്ല. നി​ര​വ​ധി കേ​സി​ല്‍ പ്ര​തി​യാ​യ ശ്രീ​ലാ​ലി​നെ​തി​രെ കാ​പ്പ ചു​മ​ത്ത​ണ​മെ​ന്നാ​വ​ശ്യ​പ്പെ​ട്ട് എ​ട​ത്വ പോ​ലീ​സ് ജി​ല്ല ക​ള​ക്ട​റോ​ടും പോ​ലീ​സ് മേ​ധാ​വി​യോ​ടും ശു​പാ​ര്‍​ശ ചെ​യ്തി​രു​ന്നു. ഇ​തേത്തുട​ര്‍​ന്ന് ഇ​യാ​ള്‍​ക്കെ​തി​രേ ഇ​ന്ന​ലെ കാ​പ്പ നിയ​മം ചു​മ​ത്തി​യി​രു​ന്നു.

തു​ട​ര്‍​ന്ന് രാ​വി​ലെ 11ന് പോ​ലീ​സ് മ​ഫ്തി​യി​ല്‍ വീ​ട്ടി​ലെത്തു​ക​യും മ​റ്റാ​വ​ശ്യ​ങ്ങ​ള്‍ പ​റ​ഞ്ഞ് ശ്രീ​ലാ​ലി​നെ ഫോ​ണി​ലൂ​ടെ വീ​ട്ടി​ലേ​ക്ക് വി​ളി​ച്ചുവ​രു​ത്തി​യാ​ണ് അ​റ​സ്റ്റ് ചെ​യ്ത​ത്. ച​ങ്ങ​നാ​ശേ​രി പോ​ലീ​സ് സ്റ്റേ​ഷ​നി​ല്‍ വ​ധ​ശ്ര​മ​ത്തി​നാ​ണ് കേ​സ് ര​ജി​സ്റ്റ​ര്‍ ചെ​യ്തി​രു​ന്ന​ത്. ച​ങ്ങ​നാ​ശേ​രി - തൃ​ക്കൊടി​ത്താ​നം പ്ര​ദേ​ശ​ങ്ങ​ളി​ല്‍ കൊ​ട്ടേ​ഷ​ന്‍ സം​ഘാം​ഗ​മാ​യി പ്ര​വ​ത്തി​ച്ച കേ​സി​ലും പ്ര​തി​യാ​ണ് പി​ടി​യി​ലാ​യ ശ്രീ​ലാ​ല്‍.

അ​മ്പ​ല​പ്പു​ഴ ഡി​വൈ​എ​സ്പി എ​ന്‍. രാ​ജേ​ഷ്, എ​ട​ത്വ സി​ഐ എ. ​അ​ന്‍​വ​ര്‍, എ​സ്ഐമാ​രാ​യ കെ.​എ​ന്‍. രാ​ജേ​ഷ്, സ​ജി​കു​മാ​ര്‍, സീ​നി​യ​ര്‍ സി​പി​ഒ ഹ​രി​കൃ​ഷ്ണ​ന്‍ എ​ന്നി​വ​രു​ടെ നേ​ത്യ​ത്വ​ത്തി​ലാ​ണ് പ്ര​തി​യെ അ​റ​സ്റ്റ് ചെ​യ്ത​ത്.