72 അ​ടി ഉ​യ​ര​ത്തി​ൽ നി​ര്‍​മി​ച്ച കെ​ട്ടു​കാ​ഴ്ച നി​ലം​പ​തി​ച്ചു; അ​പ​ക​ടം ഒ​ഴി​വാ​യി
Monday, October 14, 2024 2:44 AM IST
കാ​യം​കു​ളം: ഓ​ച്ചി​റ പ​ര​ബ്ര​ഹ്മ ക്ഷേ​ത്ര​ത്തി​ലെ ഇ​രു​പ​ത്തി​യെ​ട്ടാം ഓ​ണോ​ത്സ​വവു​മാ​യി ബ​ന്ധ​പ്പെ​ട്ട കാ​ള​കെ​ട്ട് ഉ​ത്സ​വ​ത്തി​നാ​യി ത​യാ​റാ​ക്കി​യ ന​ന്ദി​കേ​ശ കെ​ട്ടു​കാ​ഴ്ച നി​ലം​പ​തി​ച്ചു.​ ഇ​ത്ത​വ​ണ 72 അ​ടി ഉ​യ​ര​ത്തി​ൽ ഒ​ന്നാ​മ​നാ​യി നി​ർ​മിച്ച ഞ​ക്ക​നാ​ൽ പ​ടി​ഞ്ഞാ​റേ​ക്ക​ര​യു​ടെ കാ​ല​ഭൈ​ര​വ​ൻ എ​ന്ന കെ​ട്ടു​കാ​ള​യാ​ണ് നി​ലം പ​തി​ച്ച​ത്.

ക്രെ​യി​ൻ ഉ​പ​യോ​ഗി​ച്ച് ഉ​യ​ർ​ത്തു​ന്ന​തി​നി​ടെ കെ​ട്ടു​കാ​ള ഒ​രു വ​ശ​ത്തേ​ക്ക് ചെരി​യു​ക​യാ​യി​രു​ന്നു. സം​ഭ​വ​ത്തി​ൽ ആ​ർ​ക്കും പ​രി​ക്കി​ല്ല. വൈ​ദ്യു​തി ലൈ​നു​ക​ൾ ത​ക​ർ​ന്നു. സ​മീ​പ​ത്ത് നി​ന്ന് ആ​ളു​ക​ളെ മാ​റ്റി​യി​രു​ന്ന​തി​നാ​ൽ വ​ൻ അ​പ​ക​ടം ഒ​ഴി​വാ​കു​ക​യാ​യി​രു​ന്നു.

ഓ​ണാ​ട്ടു​ക​ര​യി​ലെ 56 ക​ര​ക​ളി​ൽനി​ന്നാ​ണ് ഭ​ക്ത​ർ ക്ഷേ​ത്ര​ത്തി​ന് സ​മീ​പ​ത്തെ പ​ട​നി​ല​ത്തേ​ക്ക് കെ​ട്ടു​കാ​ള​ക​ളെ ഘോ​ഷ​യാ​ത്ര​യാ​യി എ​ത്തി​ക്കു​ന്ന​ത്. ആ​ല​പ്പു​ഴ -കൊ​ല്ലം ജി​ല്ല​യു​ടെ അ​തി​ർ​ത്തി​യി​ൽ ദേ​ശീ​യ​പാ​ത​യോ​ട് ചേ​ർ​ന്നാ​ണ് കാ​ല​ഭൈ​ര​വ​ൻ കെ​ട്ടു​കാ​ഴ്ച​യെ ഉ​യ​ര​ത്തി​ൽ ഒ​രു​ക്കി​യ​ത്. കാ​ല​ഭൈ​ര​വ​നാ​യി​രു​ന്നു ഇ​ത്ത​വ​ണ​ത്തെ ഏ​റ്റ​വും ഉ​യ​രം കൂ​ടി​യ കെ​ട്ടു​കാ​ള.


ഒ​രു മാ​സം നീ​ണ്ട പ​രി​ശ്ര​മ​ത്തി​നി​ടെ ല​ക്ഷ​ങ്ങ​ൾ മു​ട​ക്കി ഒ​രു​ക്കി​യ കാ​ല​ഭൈ​ര​വ​ൻ കെ​ട്ടു​കാ​ള പ​ക്ഷേ ക്ഷേ​ത്ര​ത്തി​ലേ​ക്ക് എ​ത്തും മു​മ്പേ നി​ലം​പ​തി​ക്കു​ക​യാ​യി​രു​ന്നു. 72 അ​ടി ഉ​യ​ര​ത്തി​ല്‍ നി​ര്‍​മി​ച്ച കെ​ട്ടു​കാ​ള​യു​ടെ ശി​രസി​നു​മാ​ത്രം 17.75 അ​ടി പൊ​ക്ക​മു​ണ്ടാ​യി​രു​ന്നു. ഏ​റ്റ​വും വ​ലി​യ കെ​ട്ടു​കാ​ള​ക്കു​ള്ള യൂ​ണി​വേ​ഴ്‌​സ​ൽ റെ​ക്കോ​ർ​ഡ് ഫോ​റ​ത്തി​ന്‍റെ അ​വാ​ർ​ഡ് ക​ഴി​ഞ്ഞവ​ർ​ഷം ല​ഭി​ച്ച​ത് കാ​ല​ഭൈ​ര​വ​നാ​യി​രു​ന്നു.