നൂ​റി​ന്‍റെ നി​റ​വി​ല്‍ ന​ന്മ​ക​ളു​ടെ ചി​രി​തൂ​കി അ​ന്തോ​ണി​ച്ചാ​യ​ന്‍, കൈ​പിടി​ച്ച് അ​ന്ന​മ്മ​യും
Friday, October 11, 2024 5:49 AM IST
ഇ​വ​രു​ടെ മു​ഖ​ത്തുവി​രി​യു​ന്ന പു​ഞ്ചി​രി​യാ​ണ് ഈ ​കു​ടും​ബ​ത്തി​ന്‍റെ ശ​ക്തി. കു​ട്ട​നാ​ട്ടി​ലെ ക​ണ്ട​ങ്ക​രി​യി​ല്‍ ക​റു​ക​ക്ക​ള​ത്തി​ലാ​യ ക​ല്ലു​പു​ര​യ്ക്ക​ല്‍ അ​ന്തോ​ണി​ച്ചാ​യ​ന്‍ (ചാ​ക്കോ ആ​ന്‍റ​ണി) നൂ​റാം പി​റ​ന്നാ​ള്‍ ആ​ഘോ​ഷി​ക്കു​ന്പോ​ൾ പു​ഞ്ചി​രി​തൂ​കി കൈ​പ്പി​ടി​ച്ച് 98 കാ​രി അ​ന്ന​മ്മ​യും കൂ​ടെ​യു​ണ്ട്. 76-ാം വി​വാ​ഹ​വാ​ർ​ഷി​ക​നാ​ളു​ക​ളി​ൽ മ​ക്ക​ളെ​യും പേ​ര​ക്കൂ​ട്ടി​ക​ളെ​യും ചേ​ർ​ത്തു​പി​ടി​ച്ചു​ള്ള ജീ​വി​തം. മ​ക്ക​ളെ സ്നേ​ഹി​ച്ചും മ​ക്ക​ളു​ടെ സ്നേ​ഹം ഹൃ​ദ​യം നി​റ​യെ സ്വീ​ക​രി​ച്ചും പൂ​ഞ്ചി​രി​നി​റ​ഞ്ഞ മു​ഖ​ത്തോ​ടെ ജീ​വി​ക്കു​ക​യാ​ണ് ഇ​രു​വ​രും.

അ​ന്ന​മ്മ​യു​ടെ കൈ​പി​ടി​ച്ച്

അ​ന്തോ​ണി​ച്ചാ​യ​ന്‍റെ ജീ​വി​ത​സ​ഖി​യാ​യി കു​റു​മ്പ​നാ​ടം കൈ​ത​മ​റ്റ​ത്തി​ല്‍ അ​ന്ന​മ്മ എ​ത്തി​യ​ത് 24-ാം വ​യ​സി​ല്‍. 98 വ​യ​സു​ള്ള അ​ന്ന​മ്മ ആ​യി​രം പൂ​ര്‍​ണ​ച​ന്ദ്ര​ന്മാ​രെ ക​ണ്ടു​ക​ഴി​ഞ്ഞു. അ​ന്ന​മ്മ​യ്ക്ക് ഓ​ര്‍​മ മ​ങ്ങി​ത്തു​ട​ങ്ങി. ഒ​രു വീ​ഴ്ച​യെ തു​ട​ര്‍​ന്നു വീ​ല്‍​ചെ​യ​റി​നെ ആ​ശ്ര​യി​ക്കേ​ണ്ടി​യും വ​ന്നു. 76 ാം വി​വാ​ഹ വാ​ര്‍​ഷി​ക​ത്തി​ലും ഭാ​ര്യ​യെക്കുറി​ച്ചു സം​സാ​രി​ക്കു​മ്പോ​ള്‍ അ​ന്തോ​ണി​ച്ചാ​യ​ന്‍റെ മു​ഖ​ത്ത് 24 കാ​ര​ന്‍റെ പ്ര​സ​രി​പ്പ് ദൃ​ശ്യം.

ഭാ​ര്യ​യെ​പ്പ​റ്റി ചോ​ദി​ക്കു​മ്പോ​ള്‍ അ​വ​ള്‍ വ​ള​രെ സു​ന്ദ​രി​യാ​യി​രു​ന്നു ഇ​പ്പോ​ഴും അ​ങ്ങ​നെ​ത​ന്നെ​യാ എ​ന്ന് പൊ​ട്ടി​ച്ചി​രി​ച്ചു​കൊ​ണ്ടു​ള്ള മ​റു​പ​ടി. ഇ​നി ഒ​രു ജ​ന്മ​മു​ണ്ടാ​യാ​ല്‍ ഞാ​ന്‍ അ​ന്ന​മ്മ​യെ ത​ന്നെ ജീ​വി​ത​സ​ഖി​യാ​ക്കും തീ​ര്‍​ച്ച എ​ന്നു​പ​റ​ഞ്ഞ് ഒ​രു പൊ​ട്ടി​ച്ചി​രി​യും.​

വ​ള​രെ ദീ​ര്‍​ഘ​കാ​ലം ഇ​ട​വ​ക​പ്പ​ള്ളി​യു​ടെ കൈ​ക്കാ​ര​നാ​യി​രു​ന്നു അ​ന്തോ​ണി​ച്ച​ന്‍. ഇ​ട​വ​ക​യി​ലെ സെ​ന്‍റ് വി​ന്‍​സെ​ന്‍റ് ഡീ ​പോ​ള്‍ സൊ​സൈ​റ്റി​യു​ടെ സ്ഥാ​പ​കാം​ഗ​മാ​യി​രു​ന്ന അ​ദ്ദേ​ഹം. ഏ​ക​ദേ​ശം അ​ര​നൂ​റ്റാ​ണ്ടു​കാ​ലം 40 വ​യ​സു മു​ത​ല്‍ 90 വ​യ​സു വ​രെ ആ​സ്ഥാ​നം വ​ഹി​ച്ചു.

പ​ത്തു​മ​ക്ക​ളെ വ​ള​ര്‍​ത്തി​യ പി​താ​വ്


അ​ന്തോ​ണി​ച്ചാ​യ​നും അ​ന്ന​മ്മ​യ്ക്കും പ​ത്തു​മ​ക്ക​ളാ​ണു​ള്ള​ത്. ര​ണ്ടു​പേ​ര്‍ ചെ​റു​പ്രാ​യ​ത്തി​ല്‍ മ​രി​ച്ചു. ആ​റു പെ​ണ്‍​മ​ക്ക​ളും ര​ണ്ട് ആ​ണ്‍​മ​ക്ക​ളും സ​ന്തോ​ഷ​ത്തോ​ടെ ജീ​വി​ക്കു​ന്ന​തു കാ​ണാ​നു​ള്ള ഭാ​ഗ്യം ദൈ​വാ​നു​ഗ്ര​ഹ​മാ​ണെന്ന് അ​ന്തോ​ണി​ച്ചാ​യ​ന്‍ വി​ശ്വ​സി​ക്കു​ന്നു. ത​ന്നെ​യും അ​ന്ന​മ്മ​യെയും പൊ​ന്നു​പോ​ലെ നോ​ക്കു​ന്ന മ​ക്ക​ളാ​ണു ത​ങ്ങ​ള്‍​ക്കു​ള്ള​തെ​ന്നു പ​റ​യു​മ്പോ​ള്‍ അ​ദ്ദേ​ഹ​ത്തി​ന്‍റെ ക​ണ്ണു​ക​ളി​ല്‍ അ​ഭി​മാ​ന​ത്തി​ള​ക്കം.

നി​ല​വി​ല്‍ മൂ​ത്ത​മ​ക​ന്‍ ജോ​മോ​ന്‍റെയും ഭാ​ര്യ മി​നി​യു​ടെ​യും സം​ര​ക്ഷ​ണ​യി​ലാ​ണ് അ​ന്തോ​ണി​ച്ചാ​യ​നും ഭാ​ര്യ അ​ന്ന​മ്മ​യും. എ​ല്ലാ​മ​ക്ക​ളെ​യും ദി​വ​സ​വും വി​ളി​ക്കു​ന്ന ശീ​ലം അ​ദ്ദ​ഹ​ത്തി​നു​ണ്ട്. എ​ല്ലാ മ​ക്ക​ളു​ടേ​യും ക്ഷേ​മം അ​ന്വേ​ഷി​ച്ച​റി​ഞ്ഞി​ല്ലെ​ങ്കി​ല്‍ ഉ​റ​ക്കം വ​രാ​റി​ല്ലെ​ന്നു പ​റ​യു​ന്ന അ​ദ്ദേ​ഹ​ത്തി​ന്‍റെ വാ​ക്കു​ക​ളി​ല്‍ നി​റ​ഞ്ഞു നി​ല്‍​ക്കു​ന്ന​ത് ഒ​ര​ച്ഛ​ന്‍റെ ക​രു​ത​ലും വാ​ത്സ​ല്യ​വു​മാ​ണ്. മ​ക്ക​ള്‍ അ​ച്ഛ​നാ​യി ന​ല്‍​കു​ന്ന പ​ണ​ത്തി​ല്‍ ഒ​രു പ​ങ്ക് ജീ​വ​കാ​രു​ണ്യ​പ്ര​വ​ര്‍​ത്ത​ന​ങ്ങ​ള്‍​ക്കാ​യി ഇ​ന്നും അ​ന്തോ​ണി​ച്ചാ​യ​ന്‍ മാ​റ്റി​വ​യ്ക്കു​ന്നു.

ശ​താ​ബ്ദി ആ​ഘോ​ഷം നാ​ളെ

മ​ക്ക​ളും കു​ടു​ബാം​ഗ​ങ്ങ​ളും ഇ​ട​വ​ക​ക്കാ​രും ചേ​ര്‍​ന്ന് അ​ന്തോ​ണി​ച്ചാ​യ​ന്‍റെ ശ​താ​ബ്ദി കൊ​ണ്ടാ​ടാ​ന്‍ തീ​രു​മാ​നി​ച്ചി​ട്ടു​ണ്ട്. ഇ​ന്നു വൈ​കു​ന്നേ​രം ച​ങ്ങ​നാ​ശേ​രി അ​തി​രൂ​പ​ത നി​യു​ക്ത ആ​ര്‍​ച്ച്ബി​ഷ​പ് മാ​ര്‍ തോ​മ​സ് ത​റ​യി​ല്‍ ഭ​വ​ന​ത്തി​ലെ​ത്തി പ്രാ​ർ​ഥി​ക്കും.

നാ​ളെ രാ​വി​ലെ 10ന് ​സെ​ന്‍റ് ജോ​സ​ഫ്സ് പള്ളിയില്‍ കു​ടും​ബാം​ഗ​ങ്ങ​ളാ​യ വൈ​ദി​ക​ര്‍ ചേ​ര്‍​ന്നു ദി​വ്യ​ബ​ലി​യ​ര്‍​പ്പി​ക്കും. തു​ട​ര്‍​ന്നു ന​ട​ക്കു​ന്ന അ​നു​മോ​ദ​ന​സ​മ്മേ​ള​നം ഫ​രീ​ദാ​ബാ​ദ് ക്രൈ​സ്റ്റ് ഡീം​ഡ് യൂ​ണി​വേ​ഴ്സി​റ്റി അ​ഡ്മി​നി​സ്ട്രേ​റ്റ​ര്‍ ഫാ. ​സ​ണ്ണി ജോ​സ​ഫ് വെ​ട്ടി​ക്കു​ഴി​ച്ചാ​ലി​ല്‍ സി​എം​ഐ ഉ​ദ്ഘാ​ട​നം ചെ​യ്യും.