ഇ​ങ്ങ​നെയുണ്ടോ ഓ​ട നി​ര്‍​മാ​ണം! ചൂ​നാ​ട് ജം​ഗ്ഷ​നി​ലെ ഓ​ടനി​ര്‍​മാ​ണ​ത്തി​നെ​തി​രേ പ്ര​തി​ഷേ​ധ​വു​മാ​യി നാ​ട്ടു​കാ​ര്‍
Thursday, October 10, 2024 12:10 AM IST
കാ​യം​കു​ളം: ചൂ​നാ​ട് ജം​ഗ്ഷനി​ല്‍ ന​ട​ക്കു​ന്ന ഓ​ട നി​ര്‍​മാ​ണ​ത്തി​ലെ അ​ശാ​സ്ത്രി​യ​ത തു​ട​ക്ക​ത്തി​ലേ പ​രി​ഹ​രി​ക്ക​ണ​മെ​ന്ന ആ​വ​ശ്യ​വു​മാ​യി നാ​ട്ടു​കാ​രും വ്യാ​പാ​രി​ക​ളും രം​ഗ​ത്ത്. അ​ശാ​സ്ത്രീ​യ​മാ​യ ഓ​ടനി​ര്‍​മാ​ണം മൂ​ലം ചൂ​നാ​ട് ജം​ഗ്ഷ​നു സ​മീ​പം വെ​ള്ള​ക്കെ​ട്ട് ഒ​ഴി​ഞ്ഞി​രു​ന്നി​ല്ല. ചെ​റി​യ​മ​ഴ​യി​ല്‍ പോ​ലും റോ​ഡ​രി​കി​ല്‍ വെ​ള്ളം കെ​ട്ടി​ക്കി​ട​ക്കു​ന്ന​തി​നോ​ടൊ​പ്പം ന​ല്ല മ​ഴ​യു​ള്ള സ​മ​യ​ത്ത് സ​മീ​പ​ത്തെ എ​സ്ബി​ഐ​യു​ടെ എ​ടി​എ​മ്മി​ലും വ്യാ​പാ​രസ്ഥാ​പ​ന​ങ്ങ​ളി​ലും വ​രെ വെ​ള്ളം ക​യ​റു​ന്ന അ​വ​സ്ഥ​യാ​ണ്.

ഒ​ട്ടേ​റെ​ത്ത​വ​ണ പ​രാ​തി​ ന​ല്‍​കി​യെ​ങ്കി​ലും ഒ​രു ന​ട​പ​ടി​യും ഉ​ണ്ടാ​കാ​ത്ത​തി​നെത്തുട​ര്‍​ന്ന് സ​ഹി​കെ​ട്ട നാ​ട്ടു​കാ​ര്‍ ഇ​വി​ടെ​യു​ള്ള പ​ഴ​യ ക​ലു​ങ്കി​ന്‍റെ ഒ​രു വ​ശ​ത്തു​ള്ള സ്ലാ​ബ് നീ​ക്കി വെ​ള്ളം ഒ​ഴു​ക്കി വി​ട്ടി​രു​ന്നു. ഓ​ട​യ്ക്കാ​യി എ​ടു​ത്ത വാ​ന​ത്തി​ന്‍റെ ന​ടു​ക്കു​ള്ള പോ​സ്റ്റ് പോ​ലും മാ​റ്റാ​തെ കോ​ണ്‍​ക്രീ​റ്റ് ചെ​യ്യാ​നു​ള്ള ശ്ര​മ​മാ​ണ് ന​ട​ക്കു​ന്ന​തെ​ന്ന് നാ​ട്ടു​കാ​ര്‍ ആ​രോ​പി​ക്കു​ന്നു.

ചൂ​നാ​ട് ച​ന്ത ഉ​ള്‍​പ്പെ​ടെ നി​ര​വ​ധി വ്യാ​പാ​ര സ്ഥാ​പ​ന​ങ്ങ​ളു​ള്ള പ്ര​ദേ​ശ​ത്ത് ക​ച്ച​വ​ട​ക്കാ​രു​ടെ അ​ന്നം മു​ട്ടി​ക്കു​ന്ന രീ​തി​യി​ലാ​ണ് ഓ​ട നി​ര്‍​മാ​ണ​മെ​ന്നാ​ണ് ആ​ക്ഷേ​പം. ഓ​ട​യു​ടെ നി​ര്‍​മാ​ണം സ​മ​യ​ബ​ന്ധി​ത​മാ​യി പൂ​ര്‍​ത്തി​യാ​ക്കാ​ത്ത​തുമൂ​ലം ഓ​ണ​ത്തി​ന് പോ​ലും ക​ച്ച​വ​ടം ന​ട​ന്നി​ല്ലെ​ന്ന് വ്യാ​പാ​രി​ക​ള്‍ പ​റ​യു​ന്നു. പ​ല​രും പ​ല​ക നി​ര​ത്തി​യാ​ണ് ക​ട​യി​ലേ​ക്ക് വ​ഴി ഒ​രു​ക്കി​യ​ത്. എ​ന്നാ​ല്‍, മ​ഴ പെ​യ്യു​മ്പോ​ള്‍ ഓ​ട​യ്ക്കാ​യെ​ടു​ത്ത കു​ഴി​യി​ല്‍ വെ​ള്ളം​നി​റ​ഞ്ഞ് പ​ല​ക​ക​ള്‍​ക്കു മു​ക​ളി​ല്‍ വ​രെ എ​ത്തു​ന്ന സ്ഥി​തി​യു​ണ്ടാ​യി. എ​ടി​എ​മ്മി​നു മു​മ്പി​ലു​ള്ള കു​ഴി അ​റി​യാ​തെ ആ​ളു​ക​ള്‍​വീ​ണ സം​ഭ​വ​വും ഉ​ണ്ടാ​യി​ട്ടു​ണ്ട്.


35 ല​ക്ഷം രൂ​പ മു​ട​ക്കി നേ​ര​ത്തെ നി​ര്‍​മി​ച്ച ഓ​ട​യു​ടെ പ്ര​യോ​ജ​നം ല​ഭി​ക്കാ​ത്ത​തുകൊ​ണ്ടാ​ണ് പു​തി​യ ഓ​ട നി​ര്‍​മി​ക്കു​ന്ന​ത്. ഇ​തും അ​ശാ​സ്ത്രീ​യ​മാ​ണെ​ന്ന ആ​ക്ഷേ​പം ഉ​യ​ര്‍​ന്ന​തോ​ടെ നാ​ട്ടു​കാ​രു​ടെ പ്ര​തി​ഷേ​ധം ശ​ക്ത​മാ​യി​രി​ക്കു​ക​യാ​ണ് . എ​ത്ര​യും വേ​ഗം വെ​ള്ളം ഒ​ഴു​കി​പ്പോ​കു​ന്ന​ത​ര​ത്തി​ല്‍ ശാ​സ്ത്രീ​യ​മാ​യി ഓ​ട നി​ര്‍​മാ​ണം ന​ട​ത്ത​ണ​മെ​ന്നാ​ണ് നാ​ട്ടു​കാ​ര്‍ ആ​വ​ശ്യ​പ്പെ​ടു​ന്ന​ത്.
പൊ​തു​മ​രാ​മ​ത്ത് വ​കു​പ്പ് ഓ​ഫി​സ് ഉ​പ​രോ​ധി​ച്ചു.

ഓ​ട നി​ര്‍​മാ​ണം അ​ശാ​സ്ത്രീ​യ​മാ​ണെ​ന്നു ചൂ​ണ്ടി​ക്കാ​ട്ടി കേ​ര​ള വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി വ​ള്ളി​കു​ന്നം യൂ​ണി​റ്റ് ക​മ്മി​റ്റി ക​റ്റാനം പൊ​തു​മ​രാ​മ​ത്ത് വ​കു​പ്പ് ഓ​ഫീ​സ് ഉ​പ​രോ​ധി​ച്ചു. വ്യാ​പാ​രി വ്യ​വ​സാ​യി ഏ​കോ​പ​നസ​മി​തി മാ​വേ​ലി​ക്ക​ര നി​യോ​ജ​ക മ​ണ്ഡലം ​പ്ര​സി​ഡ​ന്‍റ് മ​ഠ​ത്തി​ല്‍ ഷു​ക്കൂ​ര്‍ ഉ​ദ്ഘാ​ട​നം ചെ​യ്തു.

വ​ള്ളി​കു​ന്നം യൂ​ണി​റ്റ് ജ​ന​റ​ല്‍ സെ​ക്ര​ട്ട​റി ജ്യോ​തി ശി​വാ​ന​ന്ദ​ന്‍, അ​നി​ല്‍ പ്ര​തീ​ക്ഷ, രാ​ജേ​ഷ് അ​മ്മാ​സ്, സ​ജി റോ​യ​ല്‍, ഉ​വൈ​സ് ക​ളീ​ക്ക​ല്‍, ബി​ന്ദു, ടാ​സ്‌​ക ല​ത്തീ​ഫ്, ഗോ​പാ​ല​കൃ​ഷ്ണ​ന്‍ കൃ​ഷ്ണാ​സ്, ഷാ​ന​വാ​സ്, സു​ഭാ​ഷ് തു​ട​ങ്ങി​യ​വ​ര്‍ പ്ര​സം​ഗി​ച്ചു. ചൂ​നാ​ട് ജം​ഗ്ഷ​നി​ലെ അ​ശാ സ്ത്രീ​യ​വും അ​ഴി​മ​തി നി​റ​ഞ്ഞതു​മാ​യ ഓ​ട നി​ര്‍​മാ​ണ​ത്തെപ്പറ്റി അ​ന്വേ​ഷി​ക്ക​ണമെന്നാ​വ​ശ്യ​പ്പെ​ട്ട് കോ​ണ്‍​ഗ്ര​സ് വ​ള്ളി​കു​ന്നം പ​ടി​ഞ്ഞാ​റ് മ​ണ്ഡ​ലം ക​മ്മി​റ്റി​യു​ടെ നേ​തൃ​ത്വ​ത്തി​ല്‍ നി​ല്പ് സ​മ​ര​വും പ്ര​തി​ഷേ​ധ പ്ര​ക​ട​ന​വും ന​ട​ത്തി. കോ​ണ്‍​ഗ്ര​സ് മ​ണ്ഡ​ലം പ്ര​സി​ഡ​ന്‍റ് ജി. ​രാ​ജീ​വ്കു​മാ​ര്‍ ഉ​ദ്ഘാ​ട​നം ചെ​യ്തു.