യാ​ത്ര​ക്കാ​രു​ടെ ക്ഷ​മ പ​രീ​ക്ഷി​ച്ച് ത​ക​ഴി റെ​യി​ൽ​വേ ഗേ​റ്റ് വീ​ണ്ടു​മ​ട​യ്ക്കു​ന്നു
Wednesday, October 2, 2024 7:23 AM IST
അന്പല​പ്പു​ഴ: യാ​ത്ര​ക്കാ​രു​ടെ ക്ഷ​മ പ​രീ​ക്ഷി​ച്ച് ത​ക​ഴി റെ​യി​ൽ​വേ ഗേ​റ്റ് വീ​ണ്ടു​മ​ട​യ്ക്കു​ന്നു. പ്ര​തി​ഷേ​ധ​വു​മാ​യി യാ​ത്ര​ക്കാ​ർ. അ​റ്റ​കു​റ്റ​പ്പ​ണി​ക്കാ​യി ഇന്നു രാ​വി​ലെ ആറ് മു​ത​ൽ നാളെ വൈ​കി​ട്ട് ആറുവ​രെ​യാ​ണ് ഗേ​റ്റ് വീ​ണ്ടു​മ​ട​യ്ക്കു​ന്ന​ത്. ക​ഴി​ഞ്ഞമാ​സം 25, 26, 27 തീ​യ​തി​ക​ളി​ൽ അ​റ്റ​കു​റ്റ​പ്പ​ണി​യു​ടെ പേ​രി​ൽ ഗേ​റ്റ​ട​ച്ച​തി​ന് ഒ​രാ​ഴ്ച പി​ന്നി​ട്ട​പ്പോ​ഴാ​ണ് യാ​ത്ര​ക്കാ​ർ​ക്ക് ദു​രി​തം വി​ത​ച്ച് വീ​ണ്ടും ഇ​തേ പേ​രി​ൽ ഗേ​റ്റ​ട​ക്കു​ന്ന​ത്.

ഇ​തോ​ടെ അ​മ്പ​ല​പ്പു​ഴ-തി​രു​വ​ല്ല സം​സ്ഥാ​നപാ​ത​യി​ൽ ര​ണ്ടു ദി​വ​സം യാ​ത്രാ ക്ലേ​ശം വ​ർ​ധി​ക്കു​മെ​ന്ന് ഉ​റ​പ്പാ​യി. ഇ​പ്പോ​ൾ റെ​യി​ൽപാ​ള​ത്തി​ന്‍റെ ഇ​രു​ഭാ​ഗ​ത്തും ടാ​റിം​ഗി​ല്ലാ​തെ മെ​റ്റി​ലു​ക​ൾ മാ​ത്ര​മാ​ണു​ള്ള​ത്. കൂ​ടാ​തെ പാ​ള​ത്തി​ന്‍റെ മ​ധ്യ​ത്തി​ൽ കൂ​റ്റ​ൻ ക​ല്ലു​ക​ൾ കി​ട​ക്കു​ന്ന​തുമൂ​ലം വ​ലി​യ വാ​ഹ​ന​ങ്ങ​ൾ​ക്കു പോ​ലും സ​ഞ്ച​രി​ക്കാ​ൻ ക​ഴി​യാ​ത്ത അ​വ​സ്ഥ​യാ​ണ്. ഇ​രു​ച​ക്ര​വാ​ഹ​ന​ക്കാ​രാ​ണ് ഏ​റ്റ​വും കൂ​ടു​ത​ൽ ദു​രി​ത​മ​നു​ഭ​വി​ക്കു​ന്ന​ത്.

കെ​എ​സ്ആ​ർ​ടി​സി​യു​ടെ ദീ​ർ​ഘ​ദൂ​ര ബ​സു​ക​ൾ ഉ​ൾ​പ്പെ​ടെ പ്ര​തി​ദി​നം ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ളാ​ണ് ഈ ​റൂ​ട്ടി​നെ ആ​ശ്ര​യി​ക്കു​ന്ന​ത്. റെ​യി​ൽ​വേ ഗേ​റ്റ് തു​ട​ർ​ച്ച​യാ​യി അ​ട​യ്ക്കു​ന്ന​തു മൂ​ലം ആ​യി​ര​ങ്ങ​ളാ​ണ് യാ​ത്രാ​ദു​രി​ത​ത്തി​ൽ വ​ല​യു​ന്ന​ത്. ഗേ​റ്റ​ട​ക്കു​ന്ന ദി​വ​സ​ങ്ങ​ളി​ൽ കെ​എ​സ്ആ​ർ​ടി​സി ഈ ​റൂ​ട്ടി​ൽ ദീ​ർ​ഘ ദൂ​ര സ​ർ​വീ​സു​ക​ൾ റ​ദ്ദാ​ക്കും. പ​ക​രം ആ​ല​പ്പു​ഴ​യി​ൽനി​ന്നും തി​രു​വ​ല്ല​യി​ൽനി​ന്നു​മു​ള്ള ഓ​ർ​ഡി​ന​റി ബ​സു​ക​ൾ ത​ക​ഴി വ​രെ മാ​ത്ര​മാ​ണ് സ​ർ​വീ​സ് ന​ട​ത്തു​ക.

പ്ര​ത്യേ​കി​ച്ചു രാ​വി​ലെ​യും വൈ​കി​ട്ടും വി​ദ്യാ​ർ​ഥി​ക​ൾ, സ​ർ​ക്കാ​ർ. സ്വ​കാ​ര്യ സ്ഥാ​പ​ന​ങ്ങ​ളി​ലെ ജീ​വ​ന​ക്കാ​രാ​ണ് ഏ​റ്റ​വും കൂ​ടു​ത​ൽ വ​ല​യു​ന്ന​ത്. ക​ഴി​ഞ്ഞ ര​ണ്ടു മാ​സ​ത്തി​നി​ടെ അ​റ്റ​കു​റ്റ​പ്പ​ണി​യു​ടെ പേ​ര് പ​റ​ഞ്ഞ് ത​ക​ഴി റെ​യി​ൽ​വേ ഗേ​റ്റ് പ​ല ത​വ​ണ​യാ​ണ് അ​ട​ച്ചി​ട്ട​ത്. പ​തി​വാ​യി അ​റ്റ​കു​റ്റ​പ്പ​ണി ന​ട​ത്തു​ന്നു​ണ്ടെ​ങ്കി​ലും ഇ​വി​ട​ത്തെ യാ​ത്രാ​ദു​രി​ത​ത്തി​ന് ഇ​തു​വ​രെ പ​രി​ഹാ​ര​മാ​യി​ട്ടി​ല്ല.


ആം​ബു​ല​ൻ​സു​ക​ൾ ഉ​ൾ​പ്പെ​ടെ​യു​ള്ള​വ ഇ​വി​ട​ത്തെ യാ​ത്രാ ദു​രി​ത​ത്തി​ൽ​പ്പെ​ട്ട് വ​ല​യു​ന്ന​ത് പ​തി​വാ​ണ്. അ​റ്റ​കു​റ്റ​പ്പ​ണി​യു​ടെ പേ​രി​ൽ നി​ര​ന്ത​രം റെ​യി​ൽ​വെ ഗേ​റ്റ് അ​ട​ക്കു​ന്ന​തി​നാ​ൽ യാ​ത്രാ ദു​രി​ത​ത്തി​ന് പ​രി​ഹാ​ര​മാ​യി ഇ​വി​ടെ മേ​ൽ​പ്പാ​ലം വേ​ണ​മെ​ന്ന ആ​വ​ശ്യ​ത്തി​നു നേ​രെ​യും അ​ധി​കൃ​ത​ർ ക​ണ്ണ​ട​ക്കു​ക​യാ​ണ്.

അ​റ്റ​കു​റ്റ​പ്പ​ണി​ക്കി​ടെ റെ​യി​ൽ​വേ ഗേ​റ്റി​ന്‍റെ ക്രോ​സ് ബാ​ർ പ​ണി​മു​ട​ക്കി

അ​മ്പ​ല​പ്പു​ഴ: അ​റ്റ​കു​റ്റ​പ്പ​ണി​ക്കി​ടെ റെ​യി​ൽ​വേ ഗേ​റ്റി​ന്‍റെ ക്രോ​സ് ബാ​ർ പ​ണി​മു​ട​ക്കി. സി​ഗ്ന​ൽ സം​വി​ധാ​നം ത​ക​രാ​റി​ലാ​യി. ത​ക​ഴി റെ​യി​ൽ​വെ ഗേ​റ്റി​ൽ ഇന്നലെ വൈ​കി​ട്ടാ​യി​രു​ന്നു സം​ഭ​വം. പാ​ള​ത്തി​ന്‍റെ കി​ഴ​ക്ക് ഭാ​ഗ​ത്തു​ള്ള ഗേ​റ്റി​ലാ​ണ് ഇതരസം​സ്ഥാ​ന തൊ​ഴി​ലാ​ളി​ക​ൾ കു​ഴി​യെ​ടു​ത്ത് അ​റ്റ​കു​റ്റ​പ്പ​ണി ന​ട​ത്തി​യ​ത്. ഈ ​സ​മ​യം ട്രെ​യി​ൻ വ​രു​ന്ന​തി​നാ​യി ഗേ​റ്റ​ട​ച്ചു. ഇ​തി​നി​ടെ ക്രോ​സ് ബാ​റി​ന്‍റെ ചു​വ​ട്ടി​ൽ കു​ഴി​യെ​ടു​ത്ത ഭാ​ഗ​ത്ത് മെ​റ്റി​ൽ​ക്ക​ഷ​ണ​ങ്ങ​ൾ നി​റ​ഞ്ഞ് സി​ഗ്‌​ന​ൽ സം​വി​ധാ​നം ത​ക​രാ​റി​ലാ​കു​ക​യാ​യി​രു​ന്നു.

ഈ ​സ​മ​യം ഇ​രു​ഭാ​ഗ​ത്തേ​ക്കു​മാ​യി ര​ണ്ടു ട്രെ​യ്നു​ക​ൾ അ​ൽ​പ്പ സ​മ​യ​ത്തെ ഇ​ട​വേ​ള​യ്ക്കി​ടെ ക​ട​ന്നു​പോ​കു​ക​യും ചെ​യ്തു. ഗേ​റ്റ് കീ​പ്പ​ർ പ​ച്ച​ക്കൊ​ടി ഉ​പ​യോ​ഗി​ച്ച് സി​ഗ്ന​ൽ കാ​ട്ടി​യാ​ണ് ട്രെ​യി​നു​ക​ൾ ക​ട​ത്തിവി​ട്ട​ത്. നൂ​റു​ക​ണ​ക്കി​നു വാ​ഹ​ന​ങ്ങ​ളാ​ണ് ഈ ​സ​മ​യം ഇ​രു​വ​ശ​ത്തു​മാ​യി കി​ട​ന്ന​ത്. പി​ന്നീ​ട് അ​രമ​ണി​ക്കൂ​റി​നുശേ​ഷം ത​ക​രാർ പ​രി​ഹ​രി​ച്ച​തോ​ടെ ഗേ​റ്റ് തു​റ​ന്നുകൊ​ടു​ത്തു.