വെ​ളി​യ​നാ​ട്: വെ​ളി​യ​നാ​ട് ക​മ്യൂ ണി​റ്റി ഹെ​ൽ​ത്ത് സെ​ന്‍റർ (കു​രി​ശും​മൂ​ട് ആ​ശു​പ​ത്രി) ത​ക​ർ​ന്നുകി​ട​ക്കാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളായെന്ന് മണ്ഡലം കോൺഗ്രസ് കമ്മിറ്റി ആരോപിച്ചു. പാ​വ​പ്പെ​ട്ട​വ​രും സാ​ധാ​ര​ണ​ക്കാ​രു​മാ​യ വെ​ളി​യ​നാ​ട്, രാ​മ​ങ്ക​രി, കാ​വാ​ലം, മു​ട്ടാ​ർ, പാ​യി​പ്പാ​ട് പ​ഞ്ചാ​യ​ത്തു​ക​ളി​ൽനി​ന്നു​ള്ള രോ​ഗി​ക​ൾ​ക്ക് ഒ​രുകാ​ല​ത്ത് ആ​ശ്ര​യ​മാ​യി​രു​ന്ന ആ​തു​രാ​ല​യം അ​ധി​കാ​രി​ക​ളു​ടെ അ​വ​ഗ​ണ​ന​യും കെ​ടു​കാ​ര്യ​സ്ഥ​ത​യും മൂ​ലം ത​ക​ർ​ന്ന് നാ​മാ​വ​ശേ​ഷ​മാ​വു​ക​യാ​ണ്.

ഡോ​ക്ട​ർ​മാ​ർ​ക്കും ജീ​വ​ന​ക്കാ​ർ​ക്കും രോ​ഗി​ക​ൾ​ക്കും സു​ര​ക്ഷി​ത​ത്വ​മി​ല്ലാ​ത്ത അ​വ​സ്ഥ​യാ​ണ് നി​ല​വി​ലു​ള്ള​ത്. സം​സ്ഥാ​ന ഗ​വ​ൺ​മെ​ന്‍റിന്‍റെയും ത്രി​ത​ല പ​ഞ്ചാ​യ​ത്ത് സം​വി​ധാ​ന​ങ്ങ​ളു​ടെ​യും അ​വ​ഗ​ണ​ന​യ്ക്കെ​തി​രേ വ​മ്പി​ച്ച ജ​ന​രോ​ഷം ഉ​യ​ര​ണ​മെ​ന്നും കു​ട്ട​നാ​ട്ടി​ലെ പാ​വ​പ്പെ​ട്ട ജ​ന​ങ്ങ​ളോ​ട് സ​ർ​ക്കാ​ർ കാ​ട്ടു​ന്ന​ത് ക​ടു​ത്ത വ​ഞ്ച​ന​യാ​ണെ​ന്നും ആ​ല​പ്പു​ഴ ഡിസിസി വൈ​സ് പ്ര​സി​ഡന്‍റ് സ​ജി ജോ​സ​ഫ് പറഞ്ഞു.

വെ​ളി​യ​നാ​ട് സിഎച്ച്സിയോ​ടു​ള്ള അ​ധി​കാ​രി​ക​ളു​ടെ അ​വ​ഗ​ണ​ന അ​വ​സാ​നി​പ്പി​ച്ച് അ​ടി​യ​ന്ത​ര​മാ​യി ആ​ശു​പ​ത്രി പു​ന​ർ​നി​ർമിക്കാ​ൻ ത​യാറാ​ക​ണ​മെ​ന്നാ​വ​ശ്യ​പ്പെ​ട്ട് വെ​ളി​യ​നാ​ട് മ​ണ്ഡ​ലം കോ​ൺ​ഗ്ര​സ് ക​മ്മി​റ്റി​യു​ടെ നേ​തൃ​ത്വ​ത്തി​ൽ ന​ട​ന്ന പ്ര​തി​ഷേ​ധ മാ​ർ​ച്ചും ധ​ർ​ണയും ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. മ​ണ്ഡ​ലം പ്ര​സി​ഡ​ന്‍റ് ജി. ​സൂ​ര​ജ് അ​ധ്യക്ഷ​ത വ​ഹി​ച്ചു.

ബ്ലോ​ക്ക് പ്ര​സി​ഡ​ന്‍റ് സി.​വി.​രാ​ജീ​വ് മു​ഖ്യ​പ്ര​ഭാ​ഷ​ണം ന​ട​ത്തി. ക​ർ​ഷ​ക കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി സി​ബി മൂ​ലം​കു​ന്നം, എ​ൻ.​സി.​ ബാ​ബു, റ്റി.​ഡി. അ​ല​ക്സാ​ണ്ട​ർ, എ.​കെ. സോ​മ​നാ​ഥ​ൻ, അ​ല​ക്സാ​ണ്ട​ർ വാ​ഴ​യി​ൽ, സ​ന്തോ​ഷ് തോ​മ​സ്, എ.​കെ.​ കു​ഞ്ച​റി​യ, റ്റി.​റ്റി.​ തോ​മ​സ്, ജെ​യ്സ​ൺ ജോ​സ​ഫ്, ജി​നോ ജോ​സ​ഫ് തു​ട​ങ്ങി​യ​വ​ർ പ്ര​സം​ഗി​ച്ചു.