കൊ​ട്ടാ​ര​ക്ക​ര: പു​ത്തൂ​ർ കി​ഴ​ക്കേ ച​ന്ത​യി​ലെ കെ​ട്ടി​ട​ങ്ങ​ൾ വെറുതെ കിടന്ന് ന​ശി​ക്കു​ന്നു. നെ​ടു​വ​ത്തൂ​ർ പ​ഞ്ചാ​യ​ത്തി​ന്‍റെ ചു​മ​ത​ല​യി​ലാ​ണ് പ​തി​റ്റാ​ണ്ടു​മു​ൻ​പ് കി​ഴ​ക്കേ ച​ന്ത​യി​ൽ കം​ഫ​ർ​ട്ട് സ്റ്റേ​ഷ​ൻ നി​ർ​മി​ക്കു​ന്ന​ത്. എ​ന്നാ​ൽ പി​ന്നീ​ട് ബി​വ​റേ​ജ​സ് കോ​ർ​പ​റേ​ഷ​ന്‍റെ മ​ദ്യ​വി​ല്പ​ന​ശാ​ല തു​ട​ങ്ങാ​നാ​യി ഇ​വി​ടം വി​ട്ടു​ന​ൽ​ക്കു​ക​യാ​യി​രു​ന്നു. വ​ശ​ങ്ങ​ളി​ലേ​ക്ക് ച​രി​പ്പു​ക​ളി​റ​ക്കി​യും മു​റി കെ​ട്ടി​ത്തി​രി​ച്ചു​മാ​ണ് ഇ​തി​നാ​യി സൗ​ക​ര്യ​മു​ണ്ടാ​ക്കി​യ​ത്.

വ​ർ​ഷ​ങ്ങ​ളോ​ളം ഇ​വി​ടെ മ​ദ്യ​വി​ല്പ​ന​ശാ​ല പ്ര​വ​ർ​ത്തി​ച്ചു. മാ​സ​ങ്ങ​ൾ​ക്ക് മു​ൻ​പ് മ​ദ്യ​വി​ല്പ​ന​ശാ​ല ക​ല്ലും​മൂ​ട് ജം​ഗ്ഷ​നി​ലെ സ്വ​കാ​ര്യ കെ​ട്ടി​ട​ത്തി​ലേ​ക്ക് മാ​റ്റി. അ​തോ​ടെ പ​ഞ്ചാ​യ​ത്തു​വ​ക കെ​ട്ടി​ടം ഉ​പേ​ക്ഷി​ക്ക​പ്പെ​ട്ടു. സ​മീ​പ​ത്തെ പോ​ലീ​സ് സ്റ്റേ​ഷ​നി​ൽ വി​വി​ധ കേ​സു​ക​ളു​മാ​യി ബ​ന്ധ​പ്പെ​ട്ട വാ​ഹ​ന​ങ്ങ​ൾ സൂ​ക്ഷി​ക്കു​ന്ന​ത് ഇ​പ്പോ​ൾ ഈ ​കെ​ട്ടി​ട​ത്തി​ന് മു​ന്നി​ലാ​ണ്. കം​ഫ​ർ​ട്ട് സ്റ്റേ​ഷ​ൻ മ​ദ്യ​വി​ല്പ​ന​ശാ​ല​യ്ക്ക് ന​ൽ​കി​യ​പ്പോ​ൾ പു​തി​യ കെ​ട്ടി​ട​വും പ​ഞ്ചാ​യ​ത്ത് നി​ർ​മി​ച്ചു. ഇ​തും അ​ട​ഞ്ഞു​കി​ട​ക്കു​ക​യാ​ണ്.

ല​ക്ഷ​ങ്ങ​ൾ മു​ട​ക്കി നി​ർ​മി​ച്ച കെ​ട്ടി​ട​ങ്ങ​ളാ​ണ് കി​ഴ​ക്കേ ച​ന്ത​യി​ൽ ന​ശി​ക്കു​ന്ന​ത്. അ​ത്യാ​വ​ശ്യ അ​റ്റ​കു​റ്റ​പ്പ​ണി​ക​ൾ ന​ട​ത്തി​യാ​ൽ ഇ​വ വാ​ട​ക​യ്ക്ക് ന​ൽ​കാ​വു​ന്ന​താ​ണ്. കു​ടും​ബ​ശ്രീ സം​വി​ധാ​ന​ത്തി​നു​വേ​ണ്ടി നി‌​ർ​മി​ച്ച കെ​ട്ടി​ടം, പ​ട്ടി​ക​ജാ​തി വി​ക​സ​ന വ​കു​പ്പി​ന്‍റെ തു​ക ഉ​പ​യോ​ഗി​ച്ച് നി​ർ​മി​ച്ച കെ​ട്ടി​ടം എ​ന്നി​വ​യൊ​ക്കെ ഇ​വി​ടെ ഉ​പ​യോ​ഗ​മി​ല്ലാ​തെ ന​ശി​ക്കു​മ്പോ​ഴും പ​ഞ്ചാ​യ​ത്ത് അ​ധി​കൃ​ത​ർ അ​ന​ങ്ങു​ന്നി​ല്ല. പു​ത്തൂ​ർ പ​ട്ട​ണ​ത്തി​ന്‍റെ ന​ടു​വി​ൽ ഇ​ത്ര​യ​ധി​കം സൗ​ക​ര്യ​ങ്ങ​ൾ ഉ​പ​യോ​ഗി​ക്കാ​നാ​വാ​ത്ത​ത് അ​ധി​കൃ​ത​രു​ടെ ഉ​ദാ​സീ​ന​ത മൂ​ല​മാ​ണെ​ന്നാ​ണ് ആ​ക്ഷേ​പം.

ച​ന്ത​യു​ടെ കു​റ​ച്ചു​ഭാ​ഗം പോ​ലീ​സ് സ്റ്റേ​ഷ​ൻ തു​ട​ങ്ങാ​നാ​യി വി​ട്ടു​ന​ൽ​കി. സ്റ്റേ​ഷ​ൻ വ​ന്ന​തോ​ടെ ബാ​ക്കി സ്ഥ​ല​ത്തെ​ല്ലാം വാ​ഹ​ന​ങ്ങ​ളാ​യി. ഇ​പ്പോ​ൾ പു​ത്തൂ​ർ കി​ഴ​ക്കേ ച​ന്ത പേ​രി​ൽ മാ​ത്ര​മൊ​തു​ങ്ങി. നെ​ടു​വ​ത്തൂ​ർ പ​ഞ്ചാ​യ​ത്തി​ന് വ​ലി​യ വ​രു​മാ​നം ഉ​ണ്ടാ​യി​രു​ന്ന ച​ന്ത​യാ​ണ് ഇ​ങ്ങ​നെ അ​ന്യാ​ധീ​ന​പ്പെ​ട്ടു​ന്നത്.