കൊട്ടാരക്കര സെന്റ് മൈക്കിൾ ദേവാലയത്തിൽ പീഡാനുഭവ ധ്യാനവും യൂത്ത് ക്രോസ് പ്രയാണവും
1538904
Wednesday, April 2, 2025 5:58 AM IST
കൊട്ടാരക്കര: സെന്റ് മൈക്കിൾ ദേവാലയത്തിൽ പീഡാനുഭവ ധ്യാനവും ദിവ്യകാരുണ്യ ആരാധനയും ദിവ്യബലിയും കുരിശിന്റെ വണക്കവും നടത്തി. പുനലൂർ രൂപത വികാരി ജനറൽ മോൺ. സെബാസ്റ്റ്യൻ വാസിന്റെ മുഖ്യകാർമികത്വത്തിൽ ദിവ്യബലിയും പുനലൂർ രൂപത കെസിവൈഎം ഡയറക്ടർ ഫാ. ബിബിൻ സെബാസ്റ്റ്യൻ വചന സന്ദേശവും തുടർന്ന് ആരാധനയും നടത്തി.
കഴിഞ്ഞ ദിവസം ഫൊറോന വികാരി റവ.ഡോ.ക്രിസ്റ്റി ജോസഫിന്റെ മുഖ്യകാർമികത്വത്തിൽ ദിവ്യബലിയും മയിലാടും പൊയ്ക സെന്റ് ജോസഫ് ദേവാലയ വികാരി ഫാ.സ്റ്റീഫൻ തോമസ് വചന സന്ദേശവുംനൽകി.
ദിവ്യബലിക്കും മറ്റ്കർമങ്ങൾക്കും ഫൊറോനയിലെ എല്ലാ വൈദികരും യുവജനങ്ങളും അല്മായ സഹോദരങ്ങളും പങ്കെടുത്തു.സെന്റ് മൈക്കിൾസ് ഇടവകവികാരി ഫാ.വിനീത് ബെനഡിക്ട്, സെക്രട്ടറി ഡെസ്മണ്ട് ഫെർണാണ്ടസ്, ട്രഷറർ നിക്സൺ ഫ്രാങ്ക്ളിൻ എന്നിവർ നേതൃത്വം നൽകി.