ഇ ചെല്ലാന് മെഗാ അദാലത്ത്
1538905
Wednesday, April 2, 2025 5:58 AM IST
കൊല്ലം: കേരള പോലീസും മോട്ടോര് ട്രാന്സ്പോര്ട്ട് വകുപ്പും ഇ-ചെല്ലാന് മുഖേന നല്കിയിട്ടുള്ള ട്രാഫിക് പിഴകളിൽ 2021 മുതല് പിഴ അടയ്ക്കാന് സാധിക്കാത്തതും നിലവില് കോടതിയില് ഉള്ളതുമായ ചെല്ലാനുകളില് പ്രോസിക്യൂഷന് നടപടികള്ക്ക് ശിപാര്ശ ചെയ്തിട്ടുള്ളവ ഒഴികെയുള്ള എല്ലാ ചെല്ലാനുകളും പിഴയൊടുക്കി തുടര് നടപടികളില് നിന്നും ഒഴിവാകാന് കൊല്ലം സിറ്റി ജില്ലാ പോലീസും മോട്ടോര് വാഹന വകുപ്പും (എന്ഫോഴ്സ്മെന്റ് വിഭാഗം) ചേര്ന്ന് മെഗാ അദാലത്ത് സംഘടിപ്പിക്കുന്നു.
കൊല്ലം സിറ്റി പോലീസ് പരിധിയിലെ മൂന്നു സബ്ഡിവിഷന് ഓഫീസുകളിലും പിഴ ഒടുക്കാനുള്ള സൗകര്യം ഉണ്ടായിരിക്കും. നാളെ രാവിലെ 10 മുതല് വൈകുന്നേരം നാലുവരെ കരുനാഗപ്പള്ളി പോലീസ് കണ്ട്രോള് റൂമിലും നാലിന് രാവിലെ 10 മുതല് വൈകുന്നേരം നാലുവരെ കൊല്ലം എസിപി ഓഫീസിലും അഞ്ചിന് രാവിലെ 10 മുതൽ വൈകുന്നേരം നാലുവരെ ചാത്തന്നൂര് എസിപി ഓഫീസിലും സജ്ജീകരിച്ചിരിക്കുന്ന കൗണ്ടറുകളില് പൊതുജനങ്ങള്ക്ക് നേരിട്ട് എത്തി ഓണ്ലൈനായി പിഴ ഒടുക്കാവുന്നതാണ്.
അദാലത്തുമായി ബന്ധപ്പെട്ട കൂടുതല് വിവരങ്ങള്ക്ക് ഫോൺ : 0474-2993335, കരുനാഗപ്പള്ളി എസിപി ഓഫീസ് - 9497931011, കൊല്ലം എസിപി ഓഫീസ് - 9846606161, ചാത്തന്നൂര് എസിപി ഓഫീസ് - 9497906843.