സ്വ​ന്തം ലേ​ഖ​ക​ൻ

ഭീ​മ​ന​ടി: എ​ട്ടു​വ​ർ​ഷം മു​മ്പ് ഒ​രു മ​ഴ​ക്കാ​ല​ത്തെ ക​ന​ത്ത മ​ഴയിൽ രാ​ത്രി​യി​ൽ വീ​ട് നി​ലം പൊ​ത്തി​യ​പ്പോ​ൾ ഭാ​ഗ്യം കൊ​ണ്ട് ജീ​വ​ൻ തി​രി​ച്ചു കി​ട്ടി​യ ഒ​രു കു​ടും​ബം. വെ​സ്റ്റ് എ​ളേ​രി കാ​ക്ക​ട​വ് ചു​ഴി​ക്ക​യ​ത്തെ വാ​ഴ​യി​ൽ പി.​എം. മ​ണി​യും ഭാ​ര്യ ഇ​ന്ദി​ര​യും ബു​ദ്ധി​വി​കാ​സം കു​റ​ഞ്ഞ മ​ക​ൻ ര​മേ​ശ​നും ഇ​പ്പോ​ഴും ദു​രി​ത​ക്ക​യ​ത്തി​ലാ​ണ്.

ഒ​രു വീ​ടെ​ന്ന സ്വ​പ്നം എ​ന്നു പൂ​വ​ണി​യു​മെ​ന്ന​റി​യി​ല്ല. ആ​കെ​യു​ള്ള 25 സെ​ന്‍റ് സ്ഥ​ല​ത്ത് പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടി​യ കൂ​ര​യി​ൽ ഈ ​കു​ടും​ബം ദു​രി​ത​ത്തി​ലാ​യി​ട്ട് ആ​രും തി​രി​ഞ്ഞു​നോ​ക്കി​യി​ട്ടി​ല്ല. ഒ​രു വീ​ടി​നു വേ​ണ്ടി മു​ട്ടാ​ത്ത വാ​തി​ലു​ക​ളി​ല്ല.

നി​ര​വ​ധി​ത​വ​ണ പ​ഞ്ചാ​യ​ത്തി​ൽ അ​പേ​ക്ഷ ന​ൽ​കി. ര​ണ്ടു​വ​ർ​ഷം മു​മ്പ് വെ​ള്ള​രി​ക്കു​ണ്ട് താ​ലൂ​ക്കി​ൽ ന​ട​ന്ന അ​ദാ​ല​ത്തി​ലും പ​ങ്കെ​ടു​ത്തു. വീ​ട് പാ​സാ​യി എ​ന്ന് പ​റ​യു​ന്നു. ഇ​പ്പോ​ഴും യാ​തൊ​രു ന​ട​പ​ടി​യു​മി​ല്ല. 74കാ​ര​നാ​യ മ​ണി ഹൃ​ദ​യ​ശ​സ്ത്ര​ക്രി​യ​യ്ക്കു വി​ധേ​യ​നാ​യി​രു​ന്നു. ഇ​പ്പോ​ൾ ത​ല​യി​ലെ ഞ​ര​മ്പി​ന്‍റെ പ്ര​ശ്നം കാ​ര​ണം ര​ണ്ടു കാ​ലു​ക​ൾ​ക്കും ബ​ല​ക്ഷ​യം വ​രി​ക​യും ചെ​യ്ത​തോ​ടെ വ​ടി​യും കു​ത്തി വീ​ടി​ന് സ​മീ​പം മാ​ത്ര​മാ​ണ് മ​ണി​യു​ടെ ലോ​കം.

ഒ​രു​മാ​സം 6000 രൂ​പ​യി​ലേ​റെ ചി​കി​ത്സ​യ്ക്കു മാ​ത്രം ചെ​ല​വ് വ​രു​ന്നു​ണ്ട്. ഇ​ന്ദി​ര എ​രു​മ​യെ വ​ള​ർ​ത്തി​യും കൂ​ലി​പ്പ​ണി​യെ​ടു​ത്തു​മാ​ണ് കു​ടും​ബ​ത്തെ പോ​റ്റു​ന്ന​ത്. ഭീ​മ​ന​ടി ന​ന്മ പാ​ലി​യേ​റ്റീ​വ് കെ​യ​ർ സൊ​സൈ​റ്റി​യി​ലെ പ്ര​വ​ർ​ത്ത​ക​ർ ഇ​ട​യ്ക്കി​ടെ എ​ത്തി സ​ഹാ​യം ന​ൽ​കു​ന്ന​താ​ണ് ഏ​ക​ആ​ശ്വാ​സം. ഒ​രു ആ​ശു​പ​ത്രി​യി​ൽ പോ​ക​ണ​മെ​ങ്കി​ൽ വീ​ട്ടി​ലേ​ക്ക് വാ​ഹ​ന​മെ​ത്തി​ല്ല.

എ​ത്ര​യും വേ​ഗം ഒ​രു വീ​ട് പ​ഞ്ചാ​യ​ത്ത് അ​നു​വ​ദി​ച്ച് ന​ൽ​കി​യാ​ൽ അ​ടു​ത്ത മ​ഴ​ക്കാ​ല​ത്തെ​ങ്കി​ലും ഇ​വ​ർ സ​മാ​ധാ​ന​ത്തോ​ടെ കി​ട​ന്നു​റ​ങ്ങു​ക​യെ​ങ്കി​ലും ചെ​യ്യാ​മാ​യി​രു​ന്നു​വെ​ന്ന് മ​ണി പ​റ​യു​ന്നു.