മു​ക്കം: മാ​ലി​ന്യ മു​ക്തം ന​വ​കേ​ര​ളം ജ​ന​കീ​യ ക്യാ​മ്പ​യി​ന്‍റെ ഭാ​ഗ​മാ​യി കൊ​ടി​യ​ത്തൂ​ർ പ​ഞ്ചാ​യ​ത്ത് മാ​ലി​ന്യ മു​ക്ത പ്ര​ഖ്യാ​പ​നം ന​ട​ത്തി. പ​ഞ്ചാ​യ​ത്തി​ൽ ന​ട​പ്പി​ലാ​ക്കി​യി​ട്ടു​ള്ള മാ​ലി​ന്യ​സം​സ്ക​ര​ണ സം​വി​ധാ​ന​ങ്ങ​ളു​ടെ​യും ശു​ചി​ത്വ​ത്തി​ന്‍റെ​യും അ​ടി​സ്ഥാ​ന​ത്തി​ൽ പ​ഞ്ചാ​യ​ത്തി​നെ സ​മ്പൂ​ർ​ണ്ണ മാ​ലി​ന്യ മു​ക്ത പ​ഞ്ചാ​യ​ത്താ​യി പ​ഞ്ചാ​യ​ത്ത് പ്ര​സി​ഡ​ന്‍റ് ദി​വ്യ​ഷി​ബു പ്ര​ഖ്യാ​പി​ച്ചു.

പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഫ​സ​ൽ കൊ​ടി​യ​ത്തൂ​ർ അ​ധ്യ​ക്ഷ​ത വ​ഹി​ച്ച ച​ട​ങ്ങി​ൽ സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൻ​മാ​രാ​യ മ​റി​യം കു​ട്ടി​ഹ​സ​ൻ,ആ​യി​ഷ ചേ​ല​പ്പു​റ​ത്ത്, ബാ​ബു പൊ​ലു​കു​ന്ന​ത്ത്, മെ​മ്പ​ർ​മാ​രാ​യ ക​രീം പ​ഴ​ങ്ക​ൽ, യു.​പി. മ​മ്മ​ദ്, വി. ​ഷം​ലൂ​ല​ത്ത്, ടി.​കെ. അ​ബൂ​ബ​ക്ക​ർ, കെ.​ജി. സീ​ന​ത്ത് എ​ന്നി​വ​ർ പ​ങ്കെ​ടു​ത്തു.

മാ​ലി​ന്യ മു​ക്ത പ്ര​തി​ജ്ഞ പ​ഞ്ചാ​യ​ത്ത് ഹെ​ൽ​ത്ത് ഇ​ൻ​സ്പെ​ക്ട​ർ റി​നി​ൽ ചൊ​ല്ലി കൊ​ടു​ത്തു. പ​ഞ്ചാ​യ​ത്ത് ഓ​ഫീ​സ് പ​രി​സ​ര​ത്ത് നി​ന്നും ആ​രം​ഭി​ച്ച് കൊ​ടി​യ​ത്തൂ​ർ അ​ങ്ങാ​ടി വ​രെ ശു​ചി​ത്വ​സ​ന്ദേ​ശ​ജാ​ഥ​യും സം​ഘ​ടി​പ്പി​ച്ചു. ക്യാ​മ്പ​യി​ന്‍റെ ഭാ​ഗ​മാ​യി വ​ലി​ച്ചെ​റി​യ​ൽ വി​രു​ദ്ധ​ദി​നം, സി​ഗ്നേ​ച്ച​ർ ക്യാ​മ്പ​യി​ൻ, സ​മ്പൂ​ർ​ണ്ണ വി​ദ്യാ​ല​യം,

സ​മ്പൂ​ർ​ണ്ണ ഹ​രി​ത അ​ങ്ക​ണ​വാ​ടി, സ​മ്പൂ​ർ​ണ്ണ ഹ​രി​ത അ​യ​ൽ​ക്കൂ​ട്ടം, സ​മ്പൂ​ർ​ണ്ണ​ഹ​രി​ത സ്ഥാ​പ​നം എ​ന്നി​വ​യും പ്ര​ഖ്യാ​പി​ച്ചി​രു​ന്നു. കൊ​ടി​യ​ത്തൂ​ർ, പ​ന്നി​ക്കോ​ട്, എ​ര​ഞ്ഞി മാ​വ് , ഗോ​ത​മ്പ് റോ​ഡ്, പ​ള്ളി​ത്താ​ഴെ, തോ​ട്ടു​മു​ക്കം അ​ങ്ങാ​ടി​ക​ളും മാ​ലി​ന്യ​മു​ക്ത ടൗ​ണു​ക​ളാ​യി പ്ര​ഖ്യാ​പി​ച്ചി​രു​ന്നു.

16 വാ​ർ​ഡു​ക​ളും മാ​ലി​ന്യ മു​ക്ത ടൗ​ണു​ക​ളാ​യി പ്ര​ഖ്യാ​പി​ച്ച​തി​ന് ശേ​ഷ​മാ​ണ് സ​മ്പൂ​ർ​ണ്ണ മാ​ലി​ന്യ മു​ക്ത പ​ഞ്ചാ​യ​ത്താ​യി പ്ര​ഖ്യാ​പി​ച്ച​ത്. ചു​മ​രു​ക​ളി​ൽ ശു​ചി​ത്വ സ​ന്ദേ​ശ​ങ്ങ​ളും ചി​ത്ര​ങ്ങ​ളും വ​ര​ച്ച് മ​നോ​ഹ​ര​മാ​ക്കി​യി​ട്ടു​ണ്ട്.